Esther 7

Khmer 2014 (អាល់គីតាប)

← Chapter 6 Jump to: Chapter 8 →

1ស្តេច និងលោកហាម៉ាន បានទៅដល់ ហើយជប់‌លៀងជាមួយមហា‌ក្សត្រិ‌យានីអេសធើរ។

2នៅថ្ងៃទីពីរនោះទៀត ពេលកំពុងពិសាស្រា ស្តេចមានប្រសាសន៍ទៅកាន់នាងអេសធើរថា៖ «នាងអេសធើរអើយ តើនាងចង់បានអ្វី? យើងនឹងប្រទានតាមសំណូមពរទាំងអស់ គឺទោះបីមានតម្លៃមួយចំហៀងនគរក៏ដោយ ក៏យើងប្រទានឲ្យដែរ»។

3នាងអេសធើរជម្រាបស្តេចថា៖ «សូមជម្រាបស្តេច ប្រសិនបើខ្ញុំពេញចិត្តស្តេចមែន ហើយប្រសិនបើស្តេចពេញចិត្ត នោះសូមមេត្តាទុកជីវិតឲ្យខ្ញុំ ព្រមទាំងទុកជីវិតឲ្យប្រជា‌ជនរបស់ខ្ញុំ តាមសំណូមពរនេះផង

4ដ្បិតគេបានលក់ខ្ញុំ និងប្រជា‌ជនរបស់ខ្ញុំ ដើម្បីយកទៅប្រល័យឲ្យបាត់បង់ជីវិតសូន្យ! ប្រសិនបើគេលក់យើងខ្ញុំ ទាំងប្រុស ទាំងស្រី ជាទាសករនោះ ប្រហែលជាខ្ញុំសុខចិត្តនៅស្ងៀម ព្រោះមិនចាំ‌បាច់ឲ្យស្តេចខ្វល់ខ្វាយឡើយ»។

5ស្តេចអហា‌ស៊ូរុសមានប្រសាសន៍ទៅកាន់មហា‌ក្សត្រិ‌យានីអេសធើរថា៖ «តើនរណាដែលមានចិត្តចង់ធ្វើបែបនេះ គេនៅឯណា?»។

6នាងអេសធើរជម្រាបស្ដេចថា៖ «បច្ចា‌មិត្តដែលចង់ធ្វើបាបយើងខ្ញុំនោះ គឺលោកហាម៉ាន ជាជនកំណាចនេះ!»។ ពេលនោះ លោកហាម៉ានស្លុតស្មារតីនៅចំពោះមុខស្តេច និងមហា‌ក្សត្រិ‌យានី។

7ស្តេចខឹងយ៉ាងខ្លាំង ស្ដេចចេញពីកន្លែងជប់‌លៀង ឆ្ពោះទៅឧទ្យាននៃរាជ‌វាំង។ រីឯលោកហាម៉ានវិញ គាត់នៅទីនោះ សូម‌អង្វរមហា‌ក្សត្រិ‌យានីអេសធើរ សុំឲ្យបានរួចជីវិត ដ្បិតគាត់ឃើញយ៉ាងច្បាស់ថា ស្តេចសម្រេចធ្វើទោសគាត់ហើយ។

8ស្តេចវិលពីឧទ្យានចូលមកក្នុងសាលជប់‌លៀងវិញ ក្នុងពេលលោកហាម៉ានក្រាបលើគ្រែ ដែលនាងអេសធើរនៅលើនោះ។ ស្តេចក៏ស្រែកឡើងថា៖ «ជននេះចង់រំលោភមហា‌ក្សត្រិ‌យានីនៅចំពោះមុខយើង ក្នុងដំណាក់នេះថែមទៀត!»។ ស្តេចមានប្រសាសន៍មិនទាន់ផុតផង ពួកអ្នកបម្រើក៏យកក្រណាត់មកឃ្លុំមុខលោកហាម៉ាន។

9មហា‌តលិកមួយនាក់ឈ្មោះលោកហាបូ‌ណា ជម្រាបស្តេចថា៖ «លោកហាម៉ានសង់បង្គោលមួយកំពស់ហា‌សិបហត្ថ នៅវិមានរបស់លោក សម្រាប់ព្យួរ កលោកម៉ាដេ‌កាយ ជាអ្នកដែលបានរាយ‌ការណ៍សង្គ្រោះជីវិតរបស់ស្តេច»។ ស្តេចក៏បញ្ជាថា៖ «ចូរយកលោកហាម៉ានទៅព្យួរ កនៅបង្គោលនោះទៅ»។

10គេក៏ព្យួរកលោកហាម៉ាននៅបង្គោលដែលលោកបានរៀបចំ សម្រាប់លោកម៉ាដេ‌កាយ។ ពេលនោះ ស្តេចក៏ស្ងប់កំហឹង។

← Chapter 6 Jump to: Chapter 8 →

Recommended Reading

Commentary Esther Commentaries → Devotional Esther Devotional Guide → Get This Bible Khmer (អាល់គីតាប) Study Bible →