Jonah 2

Luganda (Luganda Bible 2003) (LB03)

← Chapter 1 Jump to: Chapter 3 →

1Awo Yona n'asinza Mukama, Katonda we, ng'asinziira mu lubuto lw'ekyennyanja,

2n'agamba nti: “Bwe nali mu buzibu, ayi Mukama, nakukaabirira onnyambe, n'onziramu. Nasinziira emagombe ne nkukoowoola, n'ompulira.

3Wansuula mu buziba wakati mu nnyanja, amazzi ne ganneetooloola, amayengo go ag'amaanyi ne gampita kungulu.

4Ne ŋŋamba nti: ‘Ngobeddwa mu maaso go. Ndiddayo ntya okulaba ku Ssinzizo lyo ettukuvu?’

5Amazzi gansaanikira ne gaagala okunzita! Obuziba bw'ennyanja bwanneetooloola, omuddo ogw'omu nnyanja gwezingirira ku mutwe gwange.

6Nakka wansi ensozi we zisibuka, mu nsi, enzigi zaayo gye ziba ensibe ennaku zonna. Naye ggwe, ayi Mukama Katonda wange, n'onzigya mu bunnya nga ndi mulamu.

7Bwe nawulira ng'obulamu bunzigwamu ne nzijukira okukusaba, ayi Mukama, n'owulira kye nkusaba, ng'oli mu Ssinzizo lyo ettukuvu.

8Abo abeemalira ku by'obulimba ebitaliimu nsa, beggya ku ggwe eyandibasaasidde.

9Naye nze nja kukuwa ekitambiro nga bwe nkutendereza. Era nja kutuukiriza bye nasuubiza. Mukama ye alokola.”

10Awo Mukama n'alagira ekyennyanja, ne kisesema Yona ku lukalu.

← Chapter 1 Jump to: Chapter 3 →