1 John 1

Lugbara (E’yo Siza Alatararu Munguniri BIBLIA)

Jump to: Chapter 2 →

1E’yo ovupi okokele, e’yo amani erile ’be, e’yo amani ndrele ama milesi ’bo, e’yo amani lule vunia, amani ruani elole ama drisi, E’yo idriniri ma e’yosiri-

2idri ece ira, ama ndre eri ’be, ama e’yo eti nze, idri ’dani ’daniri ma e’yo oluzu emi tia, idri nde ovupi ndra Ata be, il ecepi ama driri’i-

3e’yo amani ndrele ra, amani erile ’bori, ama olu emi tia indi, emi ma eci ti ani ama be; ti ecita amani ovu Ata be azini Mvi erini Yesu Kristo be indi.

4Ama si e’yo ’diyi, ayiko amani ma ga tre ani.

5E’yo oluza amani erile eri vu, amani olule emi tiari eri ’di’i: Mungu eri dizani, eri ma alia angu biza aluni yo.

6Ama ka ’yo ra ama ovu ti ecizu eri be, de ama aci angu biza ma alia indi, ama inzo li, ama ’yeni e’yo adaruri ku;

7te ama ka aci diza ma alia, erini ovule diza ma aliarile, ama ovu ti ecizu ama eselia, Yesu Mvi erini ma arini ama oji e’yo onzisi dria.

8Ama ka ’yo ra ama ovuni e’yo onzi be ku, ama ici ama ngulupi ceni, e’yo adaruri ama alia yo.

9Ama ka e’yo onzi amani e’da, eri ovu adam azini kililiru e’yo onzi amani wuzu, ama ojizu e’yo kililiru kurisi dria.

10Ama ka ’yo ra ama ’yeni e’yo onzi ku, ama ’ba eri ’ba inzo lipiriru, azini e’yo erini ama alia yo.

Jump to: Chapter 2 →