1 John 4

Lugbara (E’yo Siza Alatararu Munguniri BIBLIA)

← Chapter 3 Jump to: Chapter 5 →

1Ba mani lele ’diyi, emi ma a’i orindi dria ku, te emi ma o’bi orindi nizu kani yi ibi enga Mungu vu yani; nabi inzoru kakauni efule mule nyakua ’borisi.

2Emi ni Orindi Munguniri e’yo ’disi: orindi dria alu alu e’yo e’dapi kini Yesu Kristo emu rua ’bani be rari enga Mungu vuni,

3te orindi dria Yesuni e’dapi kuri engani Mungu vu ku. Orindi ’diri eri orindi ari’bo Kristonirini, emini erile ’bo kini eri emu rari; te curu’do eri efi nyakua ’bo.

4Anzi nyiri nyiri mani, emi ovu ’ba Munguni, emi aga yi ’bo; a’disiku ’ba ovupi emi aliari eri amboru aga ’ba ovupi nyakuari ra.

5Yi ’ba nyakuni, yi e’yo nyakuni ’yo ani, nyakuni e’yo yini eri ra,

6Ama’i ama ’ba Munguni. ’Ba Mungu nipi furi adri e’yo amani eri ra, ’ba ovupi ’ba Munguni kuri erini e’yo amani ku. Ama orindi e’yo adaruni pi ni orindi e’yo inzoruni be e’yo’disi.

7’Ba mani lele ’diyi, ama ma le ama; letani ibile engale Mungu vurisi, azini ’ba dria leta be ’diyi isu Mungu ti yini, yi ni Mungu ra,

8’Ba ovupi leta be kuri nini Mungu ku; Munguni ovule letanirisi.

9Leta Munguni ece i ama eselia e’yo ’disi, Mungu pe Mvi ini tile aluri ma ti nyakua, ama ma ovu ani idri be erisi.

10Letari ’dini, ovunii ama le Munguni ama’i ’dini ku, te Mungu le amani, eri pe Mvi ini mal ti edetaru e’yo onzi amani ma adi cozu.

11’Ba mani lele ’diyi, Mungu ka amale ’dini, onyiru ama ma le ama ’dinile indi.

12Engazu drio ’ba aluni neni nga Mungu ku; ama ka ama le ra, Mungu ovu ama alia, leta erini zo ama alia tre ’bo indi.

13Ama ni ra ama ovu eri alia, azini eri ovu ama alia e’yo ’disi, erini Orindi ini fele ama dri ’borisi.

14Ama lu vunia ’bo, ama e’yo eti nze kini Atani pe Mvi ini ma ti ’bo ovuzu ’Ba ’ba Opapi nyakuariru.

15’Ba Yesuni e’dapi eri Mungu ma Mvi’iri, Mungu ovu eri alia, eri ovu Mungu ma alia indi.

16Ama ni ra azini ama a’i leta Munguni ovupi ama vuri ’bo Mungu eri etani; ’ba ovupi leta ma aliari eri ovu Mungu ma alia, Mungu ovu eri ma alia indi.

17Leta zo ama alia tre e’yo ’disi, ama ma ovu ani ad uri kokorori be o’du e’yo lizurisi; a’disiku ekile erini ovulerile, ama’i ama ovu alu indi ’dinile nyaku ’diria.

18Leta ma alia uri yo, te leta zopi tre ’bori eri uri ’be amve ra. Te urini bani candi fe; ’ba ovupi urisiri ma alia leta zoni nga tre ku.

19Ama eri le ra erini ama lele okorisirisi.

20’Ba azini ka ’yo ra, Ma le Mungu, te eri ngu i adripini onzi, eri ’ba inzo lipiri; ’ba i adripi erini ndrele rari lepi kuri econi Mungu erini ndrele kuri lezaru ku.

21Ama isu azita ’diri eri vu, kini, ’ba Mungu lepiri ma le i adripi indi.

← Chapter 3 Jump to: Chapter 5 →