1 Thessalonians 3

Lugbara (E’yo Siza Alatararu Munguniri BIBLIA)

← Chapter 2 Jump to: Chapter 4 →

1Te ama ka eco ama asi imbazaru tezu ’dani ku, ama ega onyiru ’ba ma ku ama vile a’dule Atenea,

2azini ama pe adripi amani Timoteo, ’ba azi ngapi Mungu be e’yo baru Kristoniri ma ajiari ma ti, emi ’bazu okporu, asi emini omizu a’ita emini ma alia,

3’ba aluni ma asi ma oti inzata ’diyi ma e’yosi ku. Te emi ngulupi ni ra ama ovu pezaru e’yo ’diri isuzu.

4Adaru amani ovuria ndra emi be, ama olu emi tia kililiru oko kini yi nga ama ecandi inzatasi; emi ni ra e’yoni ’ye i ’dinile ra.

5E’yo ’disi ma’i mani ecoria ma asi imbazu teztr ’dani ku, ma pe ani ’ba ti a’ita emini ma e’yo nizu, kani ’ba ’ba obepiri obe emi ra, ka’dini azi amani eri de di toko yani.

6Te Timoteoni engaria emi vu emvizu ama vu curu’do ’boria, azini erini e’yo kuza onyiru a’ita emini pi ma e’yosi leta avasi emini beri ejiria ama vu, kini emi e’yo amani ega onyiru etuzu ’dani, lezu ama ndrezu avasi, ekile ama’i indi amani lele emi ndrele avasirile-

7e’yo ’disi, adripi, emi omi di ama asi a’ita eminisi ’bo, candi amaniri pi ma alia inzata be dria;

8a’disiku ama curu’do idriru, emini pa sole kirikiri Opi ma aliarisi.

9Te ama eco awa’difo ngonini omvizaru Mungu dri emisi, ayiko dria amani ovuzu ayiko be emisi Mungu amani ma miliarisi ka ya?

10Amani Mungu ziria asi driasi inisi etusi ’dani, lew emi mile ndrezu, e’yo nga dri fupi a’ita emini ma alia kuri ’bazu kililiru beni.

11Te Mungu Ata amani ma ngulupi, azini Opi amani Yesu, ma ede geri amani muzu emi vu fo;

12Opi ma fe vini emini zozu azini agazu drile drile emini emi lezu emi eselia, azini ’ba dria vu, ekile ama i indi amani ’yele emi vurile,

13eri ma ’ba asi emini okporu e’yo onzi kokoru alata ma alia Mungu Ata amani ma milia, ewu Opi amani Yesuni emvizu ’ba alatararu erini, diyi be driarisi.

← Chapter 2 Jump to: Chapter 4 →