1 Thessalonians 5

Lugbara (E’yo Siza Alatararu Munguniri BIBLIA)

← Chapter 4 Jump to:

1Te e’yo o’du pinisi ewu be; adripi, leni ma ma si e’yo azini emi vu ku.

2Te emi ma ngulupi ni kilili kini o’du Opiniri nga emu ekile oguouni emule ini berile.

3’Bani de ’yoria, E’yo ’ya pi asi anzuru be, coti dri jazani nga emu yi ma dria rugbu, ekile mva azoni okporovu e’dulerile, te yi ngani yi pa aluni ku.

4Te emi’i, adripi, emi ovuni angu biza ma alia, o’du nderini emi isuzu ani oguoule ’dini ku.

5Emi dria anzi dizani, emi anzi etuni; ama ovuni ini pini angu biza be ku.

6Ka’dini ama ma ko o’du ekile ’ba azi ’diyile ku, te ama ma te mile be azini asisile be.

7A’disiku ’ba o’du kopi ’diyi yi o’du ko inisi, azini ’ba trapi ewasi ’diyi yi tra inisi.

8Te ama’i ovupi etuni ’diyi, ama ma te asisile be, gombere a’ita pini leta beri suzu, azini biri paria asi ’baza pata tezuri’i.

9Mungu peni ama aoko isuzu ku, te pe ama pata a’izu Opi amani Yesul Kristo

10drapi amasirisi, ’dini ama ka ovu mile be, kani ama ka o’du ko, ama ma ovu ani idriru tualu eri be.

11Ka’dini emi omi emi asi emi eselia, emi otuzu emi eselia emi agyi be, ekile emini ’yelerile.

12Te ama matu ’ba emi vu, adripi, emi ma ama ’ba azi ngapi emi eselia, ovupi emi drilia Opi ma alia, emi imbapi ’diyi ma e’yo,

13azini emi ma inzi yi tu aga ra leta avasirisi azi yini ma e’yosi. Emi ma ovu asi anzuru be emi eselia.

14Te ama emi imba, adripi, emi ma ega ’ba ’yepi saaru ’diyi ma dria, emi ma omvi ’ba asi tepi ku’diyi ma asi, emi ko ’ba okpo kokoru ’diyi ma aza, emi ovu asi teza be ’ba dria vu.

15Emi ovu mile be ’ba aluni ma omvi e’yo onzi e’yo onzi ma paria agyi ini vu ku, te emi ma bi e’yo onyiruri ma vuti etuzu ’dani emi ma eselia azini ’ba dria vu.

16Emi ovu ayikosi etuzu ’dani,

17emi ma ku Mungu zizu ku,

18emi fe awa’difo e’yo driasi; te ’diri e’yo Munguni de emi vu Kristo Yesu ma aliari’i,

19Emi ma inyu Orindi ku,

20emi ’ba e’yo ondriza aparakaru ku,

21te emi o’bi e’yo dria; emi bi e’yo ovupi onyiruri ci,

22emi ona emi e’yo onzi ma suruti driasi.

23Mungu asi anzuruniri ma ngulupi ma ’ba emi alatararu teketeke; eri ma mba emi ma ngulupi ma,orindi pi ma ta, asi pie, ma pie dria, emi isuzu e’yo kokoru o’du Opi amani Yesu Kristoni emvizurisi,

24’Ba emi omvepiri ovu asi ada be, eri nga ’ye ra.

25Adripi, emi zi Mungu ama dri indi.

26Emi zi adripi dria ci ci o’deza ava alatararusirisi.

27Ma emi azi oyo sozasi Opi ma rusi, emi ma la waraga ’did adripi dria dri.

28’Yeta anzutiri Opi amani Yesu Kristoniri ma ovu emi be.

← Chapter 4 Jump to: