Ezra 10

Lugbara (E’yo Siza Alatararu Munguniri BIBLIA)

← Chapter 9 Jump to:

1Te Ezirani Mungu a’iria azini e’yo onzi e’daria wuta be, erini i ecoria va jo Munguni ma drilia, ’ba oku yi tualu eri vu engazu ’ba Israelini ma eselia, ’ba ongulumuru amboru tu, agupi pi, oku pie, anzi pie; te yi wu dria okporu tu.

2Sekania Yehieli mvi, mva alu engapi anzi Elamuni ma eseliari, omvi e’yo Ezira ma tia kini: Ama ’ye onzi Mungu amani vu, ama je juruezo ’ba angu ndea ’diyi ma ezoanzi ma eselia oku amaniru ra ’bo, te di geri drileba isuzuri ace nga indi Israeli dri e’yo ’diri ma alia.

3E’yo ’disi curu’do ama ma azi aziza Mungu amaniri be, oku amani ’diyi odrozu dria, anzi yini tile’diyi pie dria, ekile opi manirini imbale ’ba rua -yapi azita Mungu amanirini ma e’yosi ’diyi berile.

4Mi enga fo! e’yo ’diri ma e’ini ovule mi’irisi, te ama ovu mi be; mi ma ru ku, mi ma ’ye eri,

5Ka’dini Ezira nga di enga ra, nga fe ’ba amboru edeta edepi ’diyi, ’ba Levini pie, ’ba Israelini be dria, yi ma so oyo kini yi nga ’ye kile azita ’dirile. ’Dini yi so oyo nde ra.

6Vutinia Ezira enga uru engazu jo Munguni ma drilia, eri fi jo ale aliza Yehohanani Eliasibu mvini ma alia ra; te eri ka emu ’dia ’bo, nyani enya ko, mvuni yi ku indi; a’disiku eri ovu candisi tu ’ba ’bani jile ati’baru ’diyi ma ezata ’diyisi.

7Yi eku e’yoni Yudaa azini Yerusalemua dria anzi andra jile ati’baru ’diyi vu, kini yi ma oku yi tualu Yerusalemua,

8azini kini ’dini, ’ba emupi o’du na ’diyi ma alia kuri, ekile e’yo opianzini amale ’ba ’wara berile, yi nga afa erini owu dria pangaru, azini eri ma ngulupi nga i esele co ’ba ndra obile ati’baru yi okupi ’diyi be ra.

9O’du ’dasi ’ba Yudani dria, ’ba Benyaminini pie, yi nga yi oku tualu Yerusalemua o’du na ’diyi ma alia; isu de oku yi mba oromi ma o’du kali irisi. ’Ba dria ri angu walaru jo Munguni ma driliaria, yi ma ruani yaria e’yo ’disi, azini ozoo amborurisi.

10Ezira atalau edeta edepiri nga di pa so uru, ’yo yi ma tia, Emi ’ye onzi ’bo, emi je juruezo oku eminiru ’bo, e’yo onzi Israeli ndepirini ezuzu.

11Te di curu’do emi e’da e’yoni Yehova Mungu emi atapiniri ma tia, azini emi ma ’ye afa erini leleri; emi co emi esele ’ba angu ndea ’diyi be, azini oku juruezoru ’diyi pie dria.

12Etu ’darisi ’ba yi okupi ’diyi yi omvi e’yo ra, yi ’yo o’duko urusi kini, Ekile mini ’yole ama e’yosirile, ’dinile ama ma ’ye ra.

13Te ’ba nde yi ovu de kakau, azini eri ovu de o’du ozooni ’dizu turi; ama econi pa so amve ku. Azini vini azi ’diri ovuni o’du aluni kani o’du irini ku; a’disiku amani ’yele onzi tu e’yo ’diri ma alia aga rarisi.

14Onyiru opi amani yi ma so pa ’ba dria yi okupi ’diyi dri e’yo ’diri ma alia; azini onyiru ’ba dria ovupi aku amania oku juruezoru jepi ’diyi ma emu etu ’bani pelerisi, tualu ’ba ’wara aku ndea ’diyi pi, ’ba e’yo lipi ’diyi be, de nga adra okporu Mungu amanirini ojani i ama vusi ku, kpere e’yo ’dirini ngaria i deria.

15Kiri Yonatani Asaheli mvi pi Yahizeya Tikiva mvi be, yi so pa uru e’yo ’diri gazuni; azini Mesulamu pi Sabetai ’ba Levini be, ko yi ma azani.

16Anzi ndra jile ati’baru ’diyi nga di ’ye ’dini ra. Te ’ba ope Ezira atalau edeta edepiri, ’ba azini suru atapi yinini ma dri cepi ’diyi pie, suru atapi yinini vusi, suru yini vusi, omve yi dria rusi rusi, co yi esele kalaa. Yi nga di ri va mba mudri ma o’du alorisi, e’yo ’diri ndrezu;

17yi de ’ba oku juruezoru jepi ’diyi ma e’yo ndrezu, mba okori ma o’du alurisi.

18Te atalau edeta edepi ’diyi ma anzipi ma eselia, yi isu ’ba oku juruezoru jepi ’diyi indi: Yesua Yozadaki mvi ma anzi piyi ma eselia adripi erini ma anzi be, Maasaya pi Eliezeri pie, Yaribu pie, Gedalia pie.

19Yi enga yi ma dri oyo sozu ’dini, kini yi nga oku yini odro ra adaru; te e’yo onzini yi ndele rarisi, yi fe kabilo ranya alu engazu anyapa yini ma eselia, e’yo onzi yini edezu.

20Anzi Imerini ma eselia: Hanani pi Zebadia be.

21Anzi Harimuni ma eselia: Maaseya pi, Eliya pie, Semaya pie, Yehieli pie, Uzia pie.

22Anzi Pasihurini ma eselia: Elioenai pi Maaseya pie, Isimaeli pie, Netaneli pie, Yozabadi pie, Elasa pie.

23Azini ’ba Levini ma eselia: Yozabadi pie, Simei pie, Kelaya pie (ru azini Kelita’i), Petahia pie, Yuda pie, azini Eliezeri pie.

24Azini ’ba ongo ngopi ’diyi ma eselia: Eliasibu’i. Azini ’ba jotile agei tepi ’diyi ma eselia: Saluma pi, Telemu pie, Uri pie.

25Israeli ma eselia: anzi Parosini ma eselia: Ramia pi, Izia pie, Malikiya pie, Miyamini pie, Eleazari pie, Malikiya pie, Benaya pie.

26Anzi Elamuni ma eselia: Matania pi, Zekaria pie, Yehieli pie, Abidi pie, Yeremoti pie, Eliya pie.

27Anzi Zatuni ma eselia: Elioenai pi, Eliasibu pie, Matania pie, Yeremoti pie, Zabadi pie, Aziza pie.

28Anzi Bebaini ma eselia: Yehohanani pi, Hanania pie, Zabai pie, Atilai pie.

29Anzi Banini ma eselia: Mesulamu pi, Maluki pie, Adaya pie, Yasubu pie, Seali pie, Yeremoti pie.

30Anzi Pahati-moabuni ma eselia: Adina pi, Kelali pie, Benaya pie, Maaseya pie, Matania pie, Bezaleli pie, Binui pie, Manase pie.

31Anzi Harimuni ma eselia: Eliezeri pi, Isiya pie, Malikiya pie, Semaya pie, Simeoni pie,

32Benyamini pie, Maluku pie, Semaria pie.

33Anzi Hasumuni ma eselia: Matenai pi, Matata pie, Zabadu pie, Elifeleti pie, Yeremai pie, Manase pie, Simei pie.

34Anzi Banini ma eselia: Maadai pi, Amiramu pie, Deli pie,

35Benaya pie, Bedeya pie, Keluhi pie,

36Vaniya pie, Meremoti pie, Eliasibu pie,

37Matania pie, Matenai pie, Yaasu pie,

38Bani pie, Binui pie, Simei pie,

39Selemia pie, Natani pie, Adaya pie,

40Makinadebai pie, Sasai pie, Sarai pie,

41Azareli pie, Selemia pie, Semaria pie,

42Salumu pie, Amaria pie, Yusufu pie.

43Anzi Neboni ma eselia: Yeyeli pi, Matitia pie, Zabadu pie, Zebina pie, Ido pie, Yoeli pie, Benaya pie.

44’Ba ’diyi dria oku juruezoru jepi ’diyi; isu de ’ba azini yi ma eselia ’diyi ma oku oti de vini anzi ’bo.

← Chapter 9 Jump to: