Isaiah 54

Lugbara (E’yo Siza Alatararu Munguniri BIBLIA)

← Chapter 53 Jump to: Chapter 55 →

1Mi ’ba ondoru, mi mva osipi kuri, mi ngo ongo; mi ndra mvaazo ma aji o’bipi kuri, mi e’do ongo ngozu! A’disiku ’ba kule piriniri ma anzi ovu kakau aga oku agupi berini ra, Yehova ’yo ra.

2Mi fe hema mini ma pari ma ovu walaru aga ra, mi ku ’ba ma aja pari mini ’a’azuri ma hema walaru; mi ku ku, mi ’ba baka mini izuru aga ra, mi ’ba alo mini ’diyi okporu.

3A’disiku ni nga mi aja amve dri ndiasi, azini dri ejiasi, azini ori mini nga ’ba jururu ’diyi nya yiniru, yi nga fe aku kule pirini ’diyi nga ovu ’ba be yi ma alia dika.

4Mi ovu urisi ku, a’disiku mil ngani drinza nya ku; mi asi ma oti ku, a’disiku e’yoi mini ngani oja mi dri drinzaru ku; a’disiku mi drini nga drinza ndra mini isule de mi zamvaruri avi ra, azini mi ngani a’dana mini ovuzu awuziruri ma e’yo ega dika ku.

5Mungu mi ’Bapirini ovule agupi minirisi, runi Yehova asikari ongulumuruni’i; azini Mungu Alatararu Israeliniri eri mi onzeni, yi nga runi omve Mungu wudrikuru drianiri’i.

6Te Yehova omve mi ’bo ekile oku ’bani kule ovupi candisi i ma asiarile, ada, ekile oku bile drio de eri zamvaru, o’du ’bani eri drozurisirile, Mungu mini ’yo ra.

7Ma ku mi o’du were, te ma nga mi oku dika yiki amborusi.

8Ma zi ma mile mi vu o’du were ma adrani gale ma asia trerisi, te ma nga ovu yikisi mi vu leta ’dani ’danirisi, Yehova mi Onzepiri ’yo ra.

9Te ’diri ovu ekile yi Noa ngarerile ma dri a’disiku ekile mani oyo sole kini yi Noa ngareri ngani ti nyaku dria dika kurile, ’dinile indi ma so oyo ’bo, kini ma ngani ovu mi be adrasi ku azini ma ngani ega mi dria ku.

10Te oni amboru nga yini mu pari azinia, azini oni were nga yi nze ra, te yiki mani ale beri ngani mi ku ku, azini aziza mani asi anzuruniri ngani ovu ojazaru ku, Yehova ovupi mi vu yikisiri ’yo ra.

11Mi ’ba ’bani inzaleri, mi ’ba olirikoni ’duleri, mi ’ba asi omiza kokoruri la, mi ndre, ma nga oni mini oti wura ndrizaru ndu ndusi, ma nga mi vuti ’ba oni wura ’buniri be ’diyisi.

12Ma nga karia mini uruleru ’diyi ’ba oni ekaru ’diyisi, kalitile mini ma nga ’ba oni dipi di ’diyisi, kala mini dria ma nga ’ba oni onyiru ’diyisi.

13Anzi mini dria nga ovu imbazaru Yehovasi, anzi mini ’diyi ma asi anzuruni nga ovu amboru tu.

14Yi nga fe mi ma so pa okporu onyisi; inzatani nga ovu mi be ziri, mini ngale rule kurisi; rua yaza urisiri nga ovu mi be ziri, e’yo onzini ngale ecale mi vu ogogo kurisi.

15Mi ndre, kani yi nga yi oku tualu, te ma e’yosi ku; ’ba yi okupi mi ruaa ombasi ’diyi, ka tro ovu ’ba ngonini ti, yi nga o’de va e’yo minisi.

16Mi ndre, ma ’ba ’ba oka dipi okaaci vupi afa ombani ofupi azi erinisiri ma’i. Ma ’ba ’ba dri japiri ’ba dri jazu ma’i indi;

17afa ombani ’bani edele omba ’bazu mi beri aluni ngani eco ku, azini mi nga ’ba dria engapi e’yo ’yopi mi ruaa andresi e’yo liza ma alia ’diyi nde ra. Ati’ba Yehovani ’diyi yi ma awita eri ’di’i, azini onyi yini enga ma vu, Yehova ’yo ra.

← Chapter 53 Jump to: Chapter 55 →