bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Lamentations 3
Lamentations 3
Lugbara (E’yo Siza Alatararu Munguniri BIBLIA)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
’Ba inzata ndrepi kali eri ma adranirisiri bani ma’i.
2
Eri ce ma dri azini eri fe mani acizu angu biza alia te diza alia ku.
3
Ndi ndi eri aja i ma dri ma ruaa dika dika o’du dria.
4
fe ma kalanya pini ecazu enyiriko mani be o’burusoru, eri onyo ma fala ’bo.
5
Eri ace ma ombasi, eci ma agei kuru ma ndezu afa draza pisi ma suza be.
6
Eri fe mani ovuzu angu iniria kile ’ba odrapi drio ’diyile.
7
Eri to kali ma ageia ci, ma econi ani fu ku; eri fe anziriku mani ’diyi ovuzu nzizaru.
8
E, mani wuria matu ’bazu azakoma a’izu, a eri opi zita mani ma ti amve.
9
Eri to geri mani ’diyi oni alizasi ci, eri ’ba geri mani ’diyi ovuzu goligoliru.
10
Eri ma dri kile nguru dubaru i lapi ’ba mbapirile, kile kami ovupi angu zizaruriarile.
11
Eri oja geri mani ’diyi kalaa ’bo, azini eri oce ma nyiri nyiri, ’bo; eri ku ma pirini;
12
eri nzo osu ini ’bo, azini eri ’ba ma liru ma cazu ’yesi.
13
Eri fe ’ye endere inia ’diyi fizu ma asia ’bo.
14
Ma eca ogutaru ’ba mani dri dria, azini yi ma ru ongo o’du dria.
15
Eri fe ma tra tre asi drazasi, eri fe ma atizu enyata okarurisi.
16
Eri onyo ma si oni efisi, eri a’bu ma ofutasi ’bo.
17
Azini mi co ma idri ma esele asi anzuruni be re ’bo, e’yo drilebaru ma tavi avi ma dri ’bo.
18
Te ma ’yo ra, Okpo mani ja dri ’bo, azini e’yo teza mani tele Yehova vuri.
19
Mi ega candi mani pi ma e’yo, ocoko mani pie, enyata okari pie aro ojileri be!
20
Orindi mani kiri e’yo ’diyi ega ’dani, eri avu va ma alia.
21
Ma ega e’yo ’diri dika, e’yo ’disi ma ovu asi teza be ani.
22
E’yo amani dri jazu nga kuri eri asi anzuru Yehovani, te yiki erini deni yi ku.
23
Yiki erini efu o’di o’di o’biti vusi, asi ada mini ovu amboru.
24
Yehova ovu esele awale ma driri, orindi mani ’yo ra, e’yo ’disi ma nga ovu asi teza be eri ma alia.
25
Yehova ovu onyiru ’ba eri tepi ’diyi dri, orindi eri ndrupiri dri.
26
Eri ovu onyiru ’dini, ’ba ma ovu asi teza be, ma te pata Yehovani asi e’yeresi.
27
Eri ovu onyiru ’ba dri kulumbu ’duzu de eri ’ba o’diru.
28
Eri ma ri a’dule azini ma adri ciri a’disiku eri ’ba afa nderi eri ma dria ’bo.
29
Eri ma elu i ma ti irifuraakani asi teza nga indi yani;
30
eri ma fe i ma o’bolo ’ba eri sapiri dri, eri ma ga tre edemara ’bani eri edezurisi.
31
A’disiku Yehova ngani ’ba ’be amve ’dani ’dani ku.
32
Eri ka tro candi fe ti, kiri eri nga asi ndriza fe be yiki erini o’biru ’diyi vusi.
33
Eri ’bani asi ’ba inzazu ’dinini ku, eri ecandini anzi ’bani aka ku indi.
34
Opi a’ini e’yo ’yezu ’dini ’diyi ku: ’ba dria aruru wudrikurua ’diyi anzizu pa agelesi,
35
e’yo ’bani ovuzu kililiri ojazu kalaa Mungu Uru Turi ma milia,
36
e’yo ’bani ’bezu va e’yo liza ma alia.
37
A’dini e’yo ’yo, e’yoni cazu parinia, de isu Yehova azini e’yoni kuni ya?
38
Mungu Uru Turi ma tilia onzi pi efuni onyi be ku ya?
39
Ka’dini ’ba idri beri nga di ono, agu yini panga onzi ’bezu drinia onzi ini ma e’yosiri, a’di e’yosi ya?
40
Ama ma ndru e’yo, ama ma o’bi geri amani ’diyi, ama ma oja ama Yehova vu dika!
41
Ama ma enga asi amani dri! amani be tualu Mungu ’buari vu:
42
Ama eza ra, ama mbu amve ra; mi wuni nga e’yo nderi ku.
43
Mi a’bu mi ngulupi adrasi, mi dro ama vuti ra; mi ofu ra, te yiki funi mi ku.
44
Mi a’bu mi ngulupi iritisi zita amani ma aga trei ku ’beni.
45
Mi ’ba ama ovuzu ekile ondi ofazale azini okurunyale juru ma eselia.
46
Ari’ba amani dria ozi yi ma tile walaru ama ruaa ’bo;
47
Uri pi ’bile be eca ama dria ’bo, ezaza pi dri jata be.
48
Ma milia yi ara rani dri jata ’ba mani ma zinisi.
49
Mile mani mindre osu, asini ku, lini ava ku.
50
Kpere Yehovani eneria va, luria engazu ’bua.
51
Ma mileni candi fe ma asia ezoanzi dria aku amboru mania ’diyi ma e’yosi.
52
’Ba ovupi ma ma ari’baru e’yo kokoru ’diyi odro ma okposi ariale;
53
yi ja ma dri ’bile gale arujoru ma alia, yi ’be oni ma dria.
54
Yi ra ma drisi ra ra; ma ’yo ra, Ma ja dri ’bo.
55
Ma omve mi ru, Yehova la, mani ovuria ’bile gale arujoru ele turi ma alia.
56
Mi eri ma o’duko ra, mi ase mi bile ava ’yaza mani azini wuta mani erizu kuru ku!
57
Mi esi inyia o’du mani mi omvezurisi; mi kini, Mi ru ku.
58
Opi la, mi nze orindi mani ma e’yo eti ’bo, mi onze ma idri ’bo.
59
Yehova la, mi ndre inzo lile ma driari ’bo; mi li di e’yo mani mi’i.
60
Mi ndre asi onzi yini dria, e’yo dria yini otule ma ruaa ’diyi be.
61
Mi eri ajidira yini ’bo, Yehova la, e’yo dria yini otule ma ruaa ’diyi be.
62
E’yo efupi ’ba engapi ma ruaa ’diyi ma tilia egata yini egale ma ruaa o’du dria ’diyi be.
63
Mi lu rita yini vari, engata yini ururi be; ma ovu ongo yini.
64
Mi nga ofeza yini ofe, Yehova la, dripamvu yini ma azi vusi.
65
Mi nga asi mbaza fe yi dri; ’di otrita mini yi ma ruaari’i.
66
Mi nga yi ma vuti dro adrasi, mi nga yi ma dri ja ’bu Yehova vileri ma etiarisi ra.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5