Nehemiah 11

Lugbara (E’yo Siza Alatararu Munguniri BIBLIA)

← Chapter 10 Jump to: Chapter 12 →

1Te ’ba ’wara ’ba ongulumuru dri cepi ’diyi yi adri ovu Yerusalemua; ’ba joloko acepi ’diyi nga vini odrisi ’be, ’ba alu pezu ’ba mudri ’diyi ma eselia ovuzu aku alatararu Yerusalemu ma alia, te ’ba oromi ’ba mudri ’diyi ma eselia ovuzu aku azini ’diyia.

2Te ’ba ongulumuru riga asi ndriza fe ’ba a’ipi asi driasi ovuzu Yerusalemua ’diyi dri.

3Opi angu awaza nde vile adripi Yerusalemua ’diyi yi ’di; te aku Yudaa ’diyi ma alia ’ba dria alu alu adri angu yinia aku yini ma alia: yi’i ’ba Israelini, ’ba edeta edepi ’diyi pi, ’ba Levini ’diyi pie, ’ba Netini ’diyi pie, ati’ba ndra Sulemanini ’diyi ma anziyi pie.

4Te anzi Yudani ’diyi pi ma azi anzi Benyaminini be, yi adri Yerusalemua. Anzi Yudani ma eselia yi ’di: Ataya’i, Atayani Uzia mvi’i, Uziani Sekaria mvi’i, Sekariani Amaria mvi’i, Amariani Sefatia mvi’i, Sefatiani Mahalaleli mvi’i, yi ori’ba Perezini;

5azini vini Maaseya’i, Maaseyani Baruki mvi’i, Barukini Kolihoze mvi’i, Kolihozeni Hazaya mvi’i, Hazayani Adaya mvi’i, Adayani Yoyaribu mvi’i, Yoyaribuni Zekaria mvi’i, Zekariani ’ba Siloari mvi’i,

6Perezi anziyi adripi Yerusalemua ’diyi dria, yi ’ba okporu turu su kali azia drini aro,

7Benyamini anziyi yi ’di: Salu’i, Saluni Mesulamu mvi’i, Mesulamuni Yoedi mvi’i, Yoedini Pedaya mvi’i, Pedayani Kolaya mvi, Kolayani Maaseya mvi’i, Maaseyani Itieli mvi’i, Itielini Yesaya mvi’i.

8Eri ma vutia Gabai pi Salai be, ’ba turu oromi kali iri drini aro,

9Te Yoeli Zikiri mvi ovu yi ma drilia; te Yuda Hasenua mvi ovu ’ba iriri aku nde ma drilia.

10’Ba edeta edepi ’diyi ma eselia yi ’di Yedaya Yoyaribu mvi’i, Yakini pie,

11Seraya’i, Serayani Hilikia mvi’i, Hilikiani Mesulamu mvi’i, Mesulamuni Zadoki mvi’i, Zadokini Merayoti mvi’i, Merayoti Ahitubu ’ba jo Munguni ma driliari mvi’i,

12adripi yini jo ma azi ngapi turu aro kali iri drini iri ’diyi pie; Adaya’i, Adayani Yerohamu mvi’i, Yerohamuni Pelalia mvi’i, Pelaliani Amizi mvi, Amizini Zekaria mvi’i, Zekariani Pasuri mvi’i, Pasurini Malikiya mvi’i,

13adripi erini ’ba ’wara a’bipi ma ori’bani ’diyi pie, yi turu iri kali su drini iri; azini Amasisai’i, masisaini Azareli mvi’i, Azarelini Azai mvi’i, Azaini Mesilemoti mvi’i, Mesilemotini Imeri mvi’i,

14adripi yini ’ba okporu asi mba be turu alu kali iri drini aro ’diyi pie; ’ba yi driliari ovu Zabidieli Hagedolimu mvi’i.

15’Ba Levini ’diyi maeselia yi ’di: Semaya’i, Semayani Hasubu mvi’i, Hasubuni Azirikamu mvi’i, Azirikamuni Hasabia mvi’i, Hasabiani Buni mvi’i;

16Sabetai pi Yozabadi be, yi ovu ’ba ’wara ’ba Levini ma eselia ’diyi, yi ’ba ovupi azi jo Mungunirini amveri ma agei tepi ’diyi;

17azini Matania’i, Mataniani Mika mvi’i, Mikani Zabidi mvi’i, Zabidini Asafu adripi ’ba dri cepi awa’difo ’yozu Mungu ziza ma aliari ma mvi’i, azini Bakibukia ’ba iriru adripi erini ’diyi ma eseliari’i; azini Abida’i, Abidani Samua mvi’i, Samuani Galali mvi’i, Galalini Yedutuni mvi’i.

18’Ba Levini dria aku alatararu ma alia ’diyi turu iri kali aro drini su.

19Te ’ba jotile agei tepi ’diyi yi Akubu pi Talimoni pie, adripi yini ’diyi pie, yi turu alu kali aziri drini.

20Azini ’ba Israelini ma joloko acepi ’diyi ’ba edeta edepi ’diyi pie, ’ba Levini ’diyi pie, yi ovu aku dria Yudaa ’diyi ma alia, ’ba dria alu alu awuruso yiniri ma alia.

21Te ’ba Netini ovu Ofelia; te Ziha pi ovu ’ba Netini ma drilia Gisipa be.

22’Ba ovupi ’ba Levini drilia Yerusalemuari ovu Uzi Bani mvi’i, Banini Hasabia mvi’i, Hasabiani Matania mvi’i, Mataniani Mika mvi’i, anzipi Asafuni ma eselia, yi ’ba ongo ngopi ’diyi, yi ovu jo Munguni ma azi ma drilia.

23Te opi fe azita e’yo yinisi, azini eri azi ’ba ongo ngopi ’diyini nyaka isuzu ekile ecole yi dri etuzurile.

24Te Petahia Mesezabeli mvi, ori’ba Zera Yuda mvini ma eseliari, ovu opi ma kalaa e’yo ’ba ongulumuru ’diyinisi dria.

25Te aku pi amvu yini be yi ma e’yo ’di: anzi Yudani ma esele azini ’diyi yi adri Kiriati-aribaa, aku erini ’diyi be, azini Dibonia aku erini ’diyi be, azini Yekabizeelia aku erini ’diyi be,

26Yesua pi ma alia, Molada pie, Beti-peleti pie,

27Hazarisuali pie, Beeri-seba pie, aku erini ’diyi be,

28Zikilagi pie, Mekona pie, aku erini ’diyi be,

29Enirimoni pie, Zora pie, Yarimuti pie,

30Zanoa pie, Adulamu pie, aku yini ’diyi pie, Lakisi pi amvu ageinia ’diyi be, Azeka pie aku erini ’diyi pie. ’Dini yi aso hema yini engazu Beeri-sebaa cazu kpere e’buti Hinomuaria.

31Benyamini anziyi ovu vini Gebaa, Mikimasi pie, Aija pie, Beteli pie, aku erini ’diyi pie,

32Anatoti pie, Nobu pie, Anania pie,

33Hazori pie, Rama pie, Gitaimu pie,

34Hadidi pie, Zeboimu pie, Nebalati pie,

35Lodi pie, Ono pie, e’bu onduouniri.

36Azini ’ba Levini ma amuti azini ovupi Yuda ma alia ’diyi, eci yi Benyamini be.

← Chapter 10 Jump to: Chapter 12 →