Nehemiah 6

Lugbara (E’yo Siza Alatararu Munguniri BIBLIA)

← Chapter 5 Jump to: Chapter 7 →

1Eri nga eca ’dini, Sanibalati pi Tobia pie, Gesemu ’ba Arabuari pie, ’ba ari’baru acepi ’diyi pie, ka eri kini ma si abi kaliru de ’bo, azini pari asupi va ’diyi aceni aluni ku (ka tro etu ’dasi ma ’bani nga tiko kalitilia ku ti),

2Sanibalati pi Gesemu be yi nga ’ba ti pe ma vu kini, Mi emu, onyiru ama ma fu dri emi be aku ovupi angu senderu Onoariaria, Te yi ega ma ’yezu onzi.

3Te ma pe ojio ma ti yi vu kini, Ma azi amboru nga, ’dini ma econi sizaru va ku. Azi ma so pa ci, mani eri kuzu sizu va emi vu a’di e’yosi ya?

4Te yi pe ’ba ti ma vu paleko su ’dinile, te ma omvi e’yo tro tro okorile.

5Vutinia Sanibalati nga ati’bo erini ma ti pe ma vu ’dinile paleko towirisi, te eri ma dria waraga tra kokori.

6Yi si alenia ’dinile: Yi ku e’yo ’diri ’ba juru eselia, Gesemu ’yo ’dini indi, kini mi’i ’ba Yahudini ’diyi be ega mbuzu; e’yo ’dirisi mi abi kaliru nderi si; te mi le ovu yi ma opiru, e’yo kuza nde ’diyi vusi.

7Kini indi vini, mi ope nabi e’yo mini oluzu Yerusalemua, ’yozu, Yudaa opi indi. Te curu’do yi nga e’yo nde olu opi dri e’yo ’yoza ’diyi vusi. E’yo ’disi mi emu e’yo amazu ama be tualu.

8Te ma pe ’ba ti eri vu kini, ’Yeni i mini ’yolerile aluni ku, te mi li e’yo ’diyi mi asisisi ceni.

9A’disiku yi dria le uri fe ama dri, ’yozu kini, Yi ma drini nga aka ra, ’dini azi nde ma ’ye i ku. Mungu la, mi fe curu’do ma dri ma mba mba fo.

10Te ma nga fi Semaya vile joa, eri ovu Delaya Mehetabeli mvi ma mvi, ndra ombele ciri’i, te eri nga ’yo ra, Onyiru ama ma eci ti tualu jo i Munguni ma alia, hekalu ma alia, onyiru ama ma opi hekalu ma tile ci; a’disiku yini ngale emule mi fulerisi, adaru yi nga emu mi fu inisi.

11Te ma ’yo ra, ’Ba ekile maleri, ma apa ra ya? ’Ba ovupi male fipi hekalua i ma idri pazuri a’di’i ya? Ma ngani fi ku.

12Te ma ndre, ma va ra Mungu epeni eri ma tini ku, te eri olu e’yo ’diri ma dri aruzu, a’disiku Tobia pi Sanibalati be yi je eri je je.

13Yi je eri e’yo ’dirisi, ’dini ma ma ovu urisi, mama ’ye ’dini beni, ma ma eza ani, ’dini yi ma isu e’yo onzi mani, asu suzu ma ruaa ani beni.

14Mungu mani la, mi ega e’yo Tobia pini Sanibalati be ’yeta yini ’diyi vusi fo, mi ma ega vini oku nabiru Noadia pi nabi acepi ’diyi be, lepi ndra uri fepi ma dri ’diyi.

15’Dini o’du kali towi drini irisi yi de abi kaliru nderi ra, mba omvele Eluliri ma o’du kali iri drini towirisi.

16Eri nga eca ’dini, ari’ba amani dria ka eri ra, ’ba jururu ama ageia ’diyi dria yi ovu urisi, yi mvi di dorro yi ma milia ceni ceni; yini vale kini Mungu amaniri ’ye azi ’dirinirisi.

17Ewu ’dasi ’ba opiru Yudaa ’diyi adri waraga ti ope kakau Tobia vu, azini waraga Tobiani ’diyi adri eca yi vu.

18A’disiku ’ba kakau ovupi Yudaa ’diyi eci yi eri be oyo sozasi, Sekania Ara mvini ovule eri ma anyi’irisi; azini mvi erini Yehohananini Mesulamu Berekia mvi ma zini jele okururisi.

19Yi adri ’yeta onyiru erini ma e’yo ’yo ma tia, azini yi adri e’yo mani ’yoleri olu eri tia indio Tobia nga Vini waraga ma ti pe uri fezu ma dri.

← Chapter 5 Jump to: Chapter 7 →