Nehemiah 12

Lugbara (E’yo Siza Alatararu Munguniri BIBLIA)

← Chapter 11 Jump to: Chapter 13 →

1’Ba edeta edepi azini ’ba Levini mupi ndra Zerubabeli Sealitieli mvi pi be Yesua pie ’diyi yi ’di: Seraya pi, Yeremia pi, Ezira pi,

2Amaria pi, Maluki pi, Hatusi pi,

3Sekania pi, Rehumu pi, Meremoti pi,

4Ido pi, Ginetoi pi, Abiya pi,

5Miyamini pi, Maadia pi, Biliga pi,

6Semaya pi, Yoyaribu pi, Yedaya pi,

7Salu pi, Amoki pi, Hilikia pi, Yedaya pie. ’Ba ’diyi ovu ambo ’ba edeta edepi ’diyi pi ma eselia adripi yini be ewu Yesuanisi.

8Azini ’ba Levini ’diyi yi ’di: Yesua pi, Binui pi, Kadimieli pi, Serebia pi, Yuda pi, Matania ovupi ongo awa’difoni dri cezu adripi erini ’diyi beri pie.

9Adripi yini Baki bukia pi Uno be yi oti yi yi be azi yini vusi.

10Yesua ti Yoyakimuni, Yoyakimu ti Eliasibuni, Eliasibu ti Yoyadani,

11Yoyada ti Yonatanini, Yonatani ti Yaduani.

12Ewu Yoyakimunisi ’ba edeta edepi ’diyi yi indi, yi a’bipi ma ori’ba ma drilia: Serayaniri Meraya’i; Yeremianiri Hanania’i;

13Eziraniri Mesulamu’i; Amarianiri Yehohanani’i;

14Malukiniri Yonatani’i; Sebanianiri Yusufu’i;

15Harimuniri Adina’i; Merayotiniri Helikai’i;

16Idoniri Zekaria’i; Ginetoniniri Mesulamu’i;

17Abiyaniri Zikiri’i; Miniamini pini Moadia beri Pilitai’i;

18Biliganiri Samua’i; Semayaniri Yehonatani’i;

19Yoyaribuniri Matenai’i; Yedayaniri Uzi’i;

20Salainiri Kalai’i; Amokiniri Eberi’i;

21Hilikianiri Hasabia’i; Yedayaniri Netaneli.

22Ewu Eliasibu pini Yoyada pie, Yohanani pie, Yadua pierisi, si ’ba Levini ’diyi ovuzu a’bipi ma ori’ba ma drilia; ’ba edeta edepi ’diyi indi cazu ewu Dario ’ba Perisiaarini opi nyazuria.

23Yi si Levi anzipi, a’bipi ma ori’ba ma drilia ’diyi ma ru buku suru ma e’yo sizuri ma alia, cazu kpere ewu Yohanani Eliasibu mviniria,

24’Ba ’wara ’ba Levinia ’diyi: Hasabia pi, Serebia pi, Yesua Kadimieli mvi pie, adripi yini be otizaru yi be azi yini vusi, Mungu inzizu azini awa’difo fezu, ekile Daudi ’ba Mungunirini azilerile.

25’Ba angu agei tepi jo ’bani afa ta mbazu jotilia ’diyia ’diyi yi ’di: Matania pi, Bakibukia pi, Obadia pi, Mesulamu pi, Talimoni pi, Akubu pie.

26’Ba ’doyi ovu ndra ewu Yoyakimu, Yesua Yozadaki mvi ma mvinirisi, ewu ambo Nehemia pini kuhani Ezira ’ba waraga sipiri pierisi. Abi kaliru ezu Mungu dri

27Te o’du yini abi kaliru Yerusalemuari fezu Mungu dririsi, yi nda ’ba Levini pari yini ma alia dria, ’dini yi ma ji yi Yerusalemua o’du yini feta nderi fezuri ma ta mbazu ayiko pisi, awa’difo ’yoza pie, ongo ngoza pie, aya coza pie, zaburi ngoza pie, o’di coza pie.

28’Ba ongo ngopi ’diyi ma anzi oku yi tualu engazu angu senderu Yerusalemu ma ageiaria, azini aku ’ba Netofatia ’diyini ’diyi ma alia;

29azini vini engazu Beti-giligalia, azini angu Gebaari pia, Azimaveti be; a’disiku isu ’ba ongo ngopi ’diyi si aku yini Yerusalemu ma ageisi kuru.

30Te ’ba edeta edepi ’diyi pi ’ba Levini ’diyi be, yi ’ba yi ngulupi alaru; te yi ’ba ’ba ongulumuru alaru indi, kalitile pie, abi kaliruri pie.

31Vutinia ma eji opi Yudaa ’diyi uru abi kaliruri ma dria, ma pe ongulumu ambo iri awa’difo fezu, acizu kililiru. Ongulumu alu nga aci abi kaliruri ma dria dri ndiria cazu Kalitile Okurunyaniria;

32yi ma vutia Hosaya nga aci opi Yudaa ’diyi ma esele be,

33Azaria pie, Ezira pie, Mesulamu pie,

34Yuda pie, Benyamini pie, Semaya pie, Yeremia pie,

35’ba edeta edepi ’diyi ma anzipi ma azi guka be ’diyi pie: yi Zekaria’i, Zekariani Yonatani mvi’i, Yonatanini Semaya mvi’i, Semayani Matania mvi’i, Mataniani Mikaya mvi’i, Mikayani Zakuri mvi’i, Zakui rini Asafu mvi’i;

36azini adripi erini Semaya pi, Azareli pie, Milalai ’pie, Gilalai pie, Mai pie, Netaneli pie, Yuda pie, Hanani pie, o’di Daudi ’ba Mungunirini be; Ezira ’ba waraga sipiri ce yi drini.

37Te Kalitile Yi A’diniria yi tu kililiru yi ma drilia, pari otizaru ’bani tuzu aku Daudiniriarisi, pari abi kalirurini tuzu uru jo Daudini ma drilia ururia, cazu kpere Kalitile Yi A’dini etuni efurialeruria.

38Te ’ba ongulumuru azini awa’dito fepi ’diyi mu dri fuzu yi be, ma mu indi yi vutia ’ba nde ’diyi ma azi ’diyi be, ama aci abi kaliri ma dria agazu jo izuru ovupi pari aciniri ma driasi cazu kpere abi kaliru walaruria,

39agazu Kalitile Efiraimuari pi ma driasi, Kalitile Okuri pie, Kalitile E’biniri pie, jo izuru Hananeliniri pie, jo izutu Hameaniri pie, cazu kpere Kalitile Kabiloniria; yi oso pa oso oso ’ba angu agei tepi ’diyi vile kalitilia.

40’Ba ongulumu tindi iri awa’difo fepi jo Munguni alia ’diyi yi oso pa ’dini, te ma indi, ’ba opiru ’diyi ma azi yi ma be;

41’ba edeta edepi ’diyi, Eliakimu pi, Maaseya pie, Miniamini pie, Mikaya pie, Elioena pie, Zekaria pie, Hanania pie, yi guka be;

42Maaseya pi, Semaya pie, Eleazari pie, Uzi pie, Yehohanani pie, Malikiya pie, Elamu pie, Ezeri pie. ’Ba ongo ngopi ’diyi yi ngo ongo o’duko urusi Yezirahia ’ba yi dri cepiri pie.

43Yi fe edeta kakau etu ’dasi, yi ’ba ayiko tu, Munguni fele yi ma ovu ayiko be amborurisi; te oku pi anzi be yi ovu ayikosi indi. ’Dini ayiko Yerusalemuni ovu erizaru kpere ziri.

44Etu ndesi yi ope ’ba azini jo lonyi ma ta mbazu ’diyi pi ma agei tezu, edeta ’bani e’dule uru ’diyi pie, ori kapi oko ’diyi pie, esele alu mudrini ’diyi pie, esele amvu alia azitani lile ’ba edeta edepi ’diyi pi dri ’ba Levini ’diyi beri okuzu aku vusi aku vusi jo nde ’diyi ma alia; te Yuda ovu ayikosi ’ba edeta edepi ’diyi pi ma e’yosi ’ba Levini azi ngapi ’diyi be.

45Te yi mba azita Mungu yinirini pi ma ta azita afa ’bazu alatararuri be, te ’ba ongo ngopi ’diyi pi ’ye ’dini indi, ’ba jotile agei tepi ’diyi be, yi ’ye ekile Daudi pini azile mvi Sulemani berile.

46A’disiku ewu Daudi pini Asafu be ndra driorisi, ’ba ’ba ongo ngopi ’diyi ma dri cepiri ovu indi, azini ongo inzita pi fezu Mungu dri awa’difo be ’diyi indio

47Te ewu Zerubabeli pini Nehemia berisi, Israeli dria fe ndra esele afani ’ba ongo ngopi ’diyi pi dri, ’ba jotile agei tepi ’diyi be, etu vusi etu vusi ekile ecopirile; yi ’ba afa alatararu ’ba Levini ’diyi dri; te ’ba Levini ’diyi ’ba vini afa alatararu Aroni anzipi dri indi.

← Chapter 11 Jump to: Chapter 13 →