Job 38 — Lao Bible (ฉบับอักษรลาว)

1ວົ້ວ ຕສັ່ນ ຕສ໊ຽວ ຢຽມ ດສຢ໋າວ-ຕສຸ່ນ ເຕົາ ໂຢ໊ບ ເຍີຍ ຫວ່າ. ນິ່ນ ກ໊ອງ,

2“ນ້າຍ ຕົ້ງ ຫາຍ ເຕົ້າ ຫລົ່ງ ໄມ້ ມ່າຍ ວ່ວນ ຕສາງ ເຍີຍ ຫວ່າ ປຸນ ເຢຍ ເຍີຍ ຕສະເອີ໋ຍ ມວັ່ງ ມີ່ງ?

3ເມີ່ຍ ອ໋ອຍ ຕສຸ ຫລິ່ວ ເລີ໌ຍ ຕສຢັ໋ງ ຮນັ້ງ ເຕົ້າ ຈຸນ-ເຕສີ໊ຍ ມ່ຽນ. ເຢຍ ອ໋ອຍ ໜ່າຍ ເມີ່ຍ, ເມີ່ຍ ຢ່າ ອ໋ອຍ ຕສຸ ເຕົາ ເຢຍ.

4“ເຢຍ ຫລຽບ ປ້າມ ເກນ ເຍີຍ ກອນ-ໂດ໊ະ ວົ້ວ ຕສັ່ນ, ເມີ່ຍ ຢຽມ ຫາຍ? ເຊ ກ໊ອງ ເມີ່ຍ ຮິ້ວ, ບົ໋ວ ເຢຍ ມ່າະ!

5ຫາຍ ເຕົ້າ ຕີ່ງ ເດົາ ລົ່ມ ຫາຍ ໂຮລ? ຕ໋າຍ ເມີ່ຍ ຮິ້ວ ເຍີຍ ຊ່າະ? ຫາຍ ເຕົ້າ ແປງ ຮລາງ ເດາະ?

6ເດົາ ເຍີຍ ກອນ-ໂດ໊ະ ຫລຽບ ຢຽມ ຫາຍ ຫຍູ່ງ ກູ້ ຫງວ່າຍ? ຫາຍ ເຕົ້າ ອັນ ປ້າມ ເກນ ເຍີຍ ເກ໊າະ ເກົ້າ ຫລົ່ງ ຈ໊ຽນ ເຈ໋ຍ ວົ້ວ ນອມ ຫລະເປຢີ໊ຍ?

7ວົ້ວ ຕສັ່ນ ລູ່ງ ດອມ ເຍີຍ ເຫຮລີຍ ລົ່ມ ດສ້ອຍ ປ໋າວ ດສູງ, ຕສວັ໋ງ ຟິນ-ມ່ຽນ ອຈຽນ-ໂຢ້ວ ເຍີຍ ເຫ່ວ.

8“ຄ້ອຍ ເຍີຍ ວວມ ແປ໊ດ ທສວດ ຮນັ້ງ ກູ້ ງວ໌າ ທສວດ ມາ ເຍີຍ ກະເຊຍ ວົ້ວ ຕສັ່ນ, ຫາຍ ເຕົ້າ ກວນ ແກ້ງ ຕັ໊ງ ຈ໊ຽນ ຄ້ອຍ?

9ເຊ ເຢຍ ຫລົ່ງ ບ໋ວນ ປວັງ ຈ໊ຽນ ຄ້ອຍ, ຢ່າ ຫລົ່ງ ຫຮມວັງ ໂຮ໌ ເປວ ຈ໊ຽນ ນິ່ນ.

10ເຢຍ ຕີ່ງ ຄ້ອຍ ເຍີຍ ກັ໊ບ-ຈ໋າຍ, ອັນ ຈ໊ຽນ ແກ້ງ ເຖສົາ ແກ້ງ ຊອນ,

11ຢ່າ ກ໊ອງ, ‘ເມີ່ຍ ຕ້າຍ ເຖົາ ນ້າຍ ຮນັ້ງ, ໄມ້ ຕູ໋ງ ເຈ໋ຍ ດ່າງ, ເມີ່ຍ ເຮ້ນ ໄຫ່ ເຍີຍ ວວມ-ຫລ່າງ ອ໋ອຍ ຕສຸ ຕີ້ງ ເອຈ່ຍ ນ້າຍ.’

12“ໂຢ໊ບ ອ່າ, ຢຽມ ເມີ່ຍ ເຍີຍ ເສີຍ ເຕສີ໊ຍ ເມີ່ຍ ຕຸ໊ ຫັດ ເຈ໋ຍ ລູ່ງ ດອມ, ຢ່າ ປຸນ ລູ່ງ ດອມ ດສ໊ຽວ ຮິ້ວ ຕຸ໊ ນິ່ນ ເຍີຍ ຕ໋ອງ,

13ເຫວີ່ຍ ປຸນ ນິ່ນ ໄຮ່ ຕສິ໋ວ ຈົ່ມ ລູ່ງ ກອນ, ຢ່າ ຕສຸ່ນ ເອ໊າະ ມ່ຽນ ທສວດ ນິ່ນ ປີ໋ງ ເຍີຍ ຕ໋ອງ?

14ເດົາ-ເປີ້ຍ ກ໊ອຍ ຢ່ຽນ ຮນັ້ງ ເບ໊າະ ຈ໊ຽນ ຢ໋ຽນ ເຍີຍ ປະໄນ່ ເນຍ, ໝ່ານ ໝວດ ຫິ່ນ ທສວດ ເມ່ງ ເຍີຍ ຮນັ້ງ ລຸຍ-ໂຫວ ນໍ.

15ເອ໊າະ ມ່ຽນ ເຍີຍ ອຈັງ ຕສຸ ເຕສ໊າະ ອກອຍ, ຕສ່ຽວ ຕັ໊ງ ຈ໊ຽນ ໄມ້ ປຸນ ນິ່ນ ບົວ ໂຕສ໋ວ ໂຕະ ເຍີຍ ສີ່.

16“ເມີ່ຍ ເປັຍ ເຈ໋ຍ ເຖົາ ຄ້ອຍ ເຍີຍ ຍ່ວນ, ໄຟ ຢັ້ງ ເຈ໋ຍ ຄ້ອຍ-ໂດ໊ະ ໂດ ເຈ໋ຍ ເຍີຍ ຕ໋ອງ ໄຟ?

17ມ່າຍ ຫາຍ ເຕົ້າ ປຸນ ເມີ່ຍ ຮິ້ວ ຕຸ໊ ຕສຸ ໄຕ່ ເຍີຍ ແກ້ງ? ຢ້ຽມ ເກນ ຫຮມວັງ ເຍີຍ ຕ໋ອງ ເຍີຍ ແກ້ງ ເມີ່ຍ ປວັດ ເຈ໋ຍ ເຍີຍ ໄຟ?

18ເມີ່ຍ ຮິ້ວ ຕຸ໊ ເດົາ-ເປີ້ຍ ດົ່ງ ຫາຍ ຈັ໊ງ ໄຟ? ເມີ່ຍ ຮິ້ວ ຕຸ໊ ນ້າຍ ເຕີ໋ຍ ຢຽດ ຕສູ໊ງ ນໍ, ກ໊ອງ ບົ໋ວ ເຢຍ ມ່າະ!

19“ອຈັງ ຢຽມ ເຍີຍ ຕ໋ອງ ຢັ້ງ ຫາຍ ມີ່ງ? ຫຮມວັງ ຢຽມ ເຍີຍ ຕ໋ອງ ຢຽມ ຫາຍ?

20ເມີ່ຍ ໄຮ່ ຕໍ້ ນິ່ນ ມີ່ງ ເຖົາ ນິ່ນ ເຍີຍ ຕ໋ອງ, ເຫວີ່ຍ ປຸນ ເມີ່ຍ ຮິ້ວ ຕຸ໊ ມີ່ງ ນິ່ນ ເຍີຍ ເປຢົ໊າ ວົ້ວ ຕິ້ວ ເຈົ໊າ ໄຟ?

21ເມີ່ຍ ຕສະເກ້ງ ຮິ້ວ ເຍີຍ, ເຫວີ່ຍ ຕສຸ ເຕສີ໋ຍ ປ້າມ ເກນ ວົ້ວ ຕສັ່ນ ເມີ່ຍ ຕສູ໊ງ ທສວດ ເສີຍ ຕ້າຍ ອ໊ະ. ເມີ່ຍ ຢຽມ ເຍີຍ ຮນອຍ-ເຫຍັຍ ເກ້ງ ທສ້ຳ ໄຫ່.

22“ເມີ່ຍ ເປັຍ ເຈ໋ຍ ຊອງ ເຍີຍ ລ໌ຳ, ໄຟ ປວັດ ເຈ໋ຍ ເປາະ ເຍີຍ ລ໌ຳ ໄຟ?

23ເຢຍ ລ່ຽວ ຈ໊ຽນ ຊອງ ເຖສົາ ເປາະ ເຫວີ່ຍ ເຕສະ ໜ່ານ ເຍີຍ ຕສຢັ້ງ ໂຫ່, ເຫວີ່ຍ ເບ໊າະ ຈ໋າ ເຖສົາ ເບ໊າະ ຕົ້ມ ຈ໋າ ເຍີຍ ຮນອຍ.

24ມີ່ງ ເຖົາ ອຈັງ ປຸນ ອກອຍ ເຍີຍ ຕ໋ອງ ຢຽມ ຫາຍ? ໄຟ ມີ່ງ ເຖົາ ຕົງ ປູງ ເຍີຍ ດສຢ໋າວ ປຸນ ດສ໋ານ ປວັ໊ງ ເດົາ-ເປີ້ຍ ເຍີຍ ຕ໋ອງ ຢຽມ ຫາຍ?

25“ຫາຍ ເຕົ້າ ເຫວີ່ຍ ຕົ້ມ ບຢູ່ງ ເວດ ວວມ-ຕສ໋ວນ, ຢ່າ ຄອຍ ເຈົ໊າ ປຸນ ບະຫລີ່ງ ໂຕ໌ວ?

26ຫາຍ ເຕົ້າ ປຸນ ບຢູ່ງ ຕຸ້ຍ ເອຈ່ຍ ໄມ້ ມ່າຍ ມ່ຽນ ຢຽມ ເຍີຍ ເດົາ, ເຖສົາ ໄມ້ ມ່າຍ ມ່ຽນ ຢຽມ ເຍີຍ ເຕີ່ຍ-ປູງ-ຮວາງ?

27ຫາຍ ເຕົ້າ ປຸນ ເດົາ-ຮວາງ ເດົາ-ອກາຍ ຕຸ໊ ວວມ ເກົ໋າ ເຫວີ່ຍ ຢູ໌ງ ເດົາ ທສວດ ເມ້ຍ-ແມງ?

28ບຢູ່ງ ມ່າຍ ເຕຍ ເຍີຍ ໄຟ? ໄຟ ຫາຍ ເຕົ້າ ຢູ໌ງ ບຢູ່ງ-ຊຸ້ຍ ດ໊ຽບ?

29ຫາຍ ເຕົ້າ ໂຕສ໋ວ ຊອງ ເຍີຍ ມາ? ລູ່ງ ຕສັ່ງ ເຍີຍ ບຢູ່ງ-ຊຸ້ຍ ກິ໊ດ, ຫາຍ ເຕົ້າ ຢູ໌ງ ຕ້າຍ?

30ວວມ ແຫງ່ງ ມີ່ງ ຮນັ້ງ ຫລະເປຢີ໊ຍ, ຄ້ອຍ ເຍີຍ ວວມ-ໝິ່ນ ຢ່າ ກິ໊ດ ເປ໋ນ ຊອງ.

31“ເມີ່ຍ ໄຮ່ ເຕສ໊າະ ເສ່ຍ ມົ໌ວ-ເຊັຍ ເຫຮລີຍ ໂດ້ ຈ໊ຽນ, ໄຟ ໄຈ໊ ອກອຍ ຟາມ-ທສີງ ເຫຮລີຍ ເຍີຍ ຮລາງ ໄຟ?

32ເມີ່ຍ ໄຮ່ ຕໍ້ ເຫຮລີຍ-ກວັ້ນ ຕສິ໋ວ ນິ່ນ ບົວ ເຍີຍ ເກວີ໋ຍ, ໄຟ ຕໍ້ ປະເຕົ໊າ ເຫຮລີຍ ເຖສົາ ກັນ ນິ່ນ ເຍີຍ ເຫຮລີຍ ໄຟ?

33ເມີ່ຍ ຮິ້ວ ຕຸ໊ ລູ່ງ ເຍີຍ ເລີ໌ຍ-ຫລັດ ໄຟ? ເມີ່ຍ ໄຮ່ ປຸນ ນ້າຍ ເຕີ໋ຍ ເລີ໌ຍ-ຫລັດ ກຸ໊ນ ລູ່ງ ເດ໊ຍ ໄຟ?

34“ເມີ່ຍ ໄຮ່ ເຫ່ວ ບ໋ວນ ຕຸ້ຍ ບຢູ່ງ ເອຈ່ຍ ຢ໋ຽມ ຈ໊ຽນ ເມີ່ຍ ໄຟ?

35ເມີ່ຍ ໄຮ່ ພ້າຍ ບະຫລີ່ງ ເອຈ່ຍ, ບະຫລີ່ງ ຕສ່ຽວ ບົ໋ວ ເມີ່ຍ, ‘ເຢຍ ບົວ ຢຽມ ນ້າຍ’?

36ຫາຍ ເຕົ້າ ປຸນ ມ່ຽນ ເຍີຍ ໂຮຍ້ວ ມ່າຍ ທສົງ-ເມ່ງ, ຢ່າ ປຸນ ໂຮຍ້ວ ມ່າຍ ວ່ວນ ຕສາງ?

37ຫາຍ ເຕົ້າ ມ່າຍ ທສົງ-ເມ່ງ ຊ້າວ ບ໋ວນ? ໄຟ ຫາຍ ເຕົ້າ ໄຮ່ ໂຕ໋ ທສວດ ລູ່ງ ເຍີຍ ວວມ-ອົ໋ງ,

38ປຸນ ເນຍ-ບູງ ກິ໊ດ ເປ໋ນ ດຸ້ນ, ເນຍ-ດຸ້ນ ຢ່າ ກິ໊ດ ຈ໊ຽນ ຈ໋າ?

39“ຊ່ຽນ ບ໊າບ ຈ໊ຽນ ຢຽມ ນິ່ນ ບົວ ເຍີຍ ຄວດ ໄຟ ຢຽມ ເບວີ໌ຍ ເຍີຍ ຕ໋ອງ ຕສົ໊ວ, ເມີ່ຍ ໄຮ່ ລໍ໌ ກະນ້າຍ ປຸນ ຫຍັ່ນ, ໄຟ ປຸນ ຊ່ຽນ ຫລຸນ ຕຸ໊ ຫຍັ່ນ ເປ໊ວ?

41ເໜາະ ອາ ຫລາຍ ໄມ້ ມ່າຍ ກະນ້າຍ ຫຍັ່ນ ເຈ໋ຍ ນ້າຍ ເຈ໋ຍ ວົ້ວ, ນິ່ນ ເຍີຍ ຕອນ ເຫ່ວ ໂທ້ ທິນ-ຮູ່ງ ເຖງ. ຫາຍ ເຕົ້າ ລໍ໌ ກະນ້າຍ ປຸນ ເໜາະ ອາ ຫຍັ່ນ?