Job 7

Lao Bible (ฉบับอักษรลาว)

← Chapter 6 Jump to: Chapter 8 →

1“ປ້າມ ມ່ຽນ ຢຽມ ລູ່ງ ເດ໊ຍ ຂູງ ຕສຸ ໂຕສ໋ວ ໂຄ້ວ, ນິ່ນ ເຍີຍ ຮນອຍ-ເຫຍັຍ ຮນັ້ງ ຕສຸ ໝ່າຍ ກົງ ເຍີຍ ມ່ຽນ,

2ຮນັ້ງ ໂນ່ວ ຕສະເກ້ງ ອ໋ອຍ ລໍ໌ ຕ໋ອງ ປີ໋ງ ລ່າງ, ຮນັ້ງ ໝ່າຍ ກົງ ເຍີຍ ມ່ຽນ ຕສົ໊ວ ນິ່ນ ເຍີຍ ກົງ-ຕສິ້ນ.

3ຟີ່ ຮນັ້ງ ເຍີຍ, ເຢຍ ຫຮລາ ເຈ໋ຍ ຫຮລາ ຕສຢັ້ງ ຈ໊ຽນ ໄມ້ ລ່ຳ ຫລົ່ງ, ຢ່າ ມ໌ວນ ເຈ໋ຍ ມ໌ວນ ຕສຸ ເຕ໊ຍ ໂຄ້ວ.

4ເຢຍ ເປວີ໋ຍ ເອຈ່ຍ ເຍີຍ ຕສຢັ້ງ ໂຫ່, ເຢຍ ກ໊ອງ, ‘ເຢຍ ເຖົາ ຫາຍ ຕສັ່ນ ຖສີງ ຕຸ໊ ເຈ໌ຍ ຊິນ?’ ມປ່າ ລູ່ງ ມ໌ວນ ຕສັ່ນ ດ໊າວ ໄຫ່. ເຢຍ ຂູງ ບ໊ຽນ ມີ່ງ ບ໊ຽນ ຕ້າຍ, ໜ່ອຍ ໄມ້ ຕຸ໊ ລູ່ງ ອຈັງ.

5ເຢຍ ເຍີຍ ຊິນ ປຸ໊ດ ແກງ ປວັ໊ງ ເດສ່ງ, ເນຍ-ບູງ ຢ່າ ຕ໋ອງ ລຸຍ ຕສຸ໊. ເຢຍ ເຍີຍ ດົ໊ບ ປຸ໊ດ ຟາງ, ແອ໋ງ ແດສ໊ະ, ປຸ໊ດ ໜົ່ງ.

6“ເຢຍ ເຍີຍ ຮນອຍ-ເຫຍັຍ ເກົ້າ ຊຽບ ເດສ່ນ ສຸຍ ດັ໊ດ ເດຍ ເຍີຍ ປຢ໊າ, ເຖົາ ເຊດ ເມວີ໌ຍ ຢ່າ ໄມ້ ລ່ຳ ຮນ້ຳ ຕ໋ອງ ອ໊ະ.

7ໂອ ທິນ-ຮູ່ງ ອ່າ, ໂທ້ ຈັ໋ງ ຈ໊ຽນ ໂອ່, ເຢຍ ເຍີຍ ແໝ່ງ ເຊ ຮນັ້ງ ເທົ້າ ຢຽດ ດສຸ່ນ ເຖຈຍ. ເຢຍ ເຍີຍ ມຕສີງ ໄມ້ ຕຸ໊ ແອ໋ງ ປວັດ ຫລົງ ເຍີຍ ເຈົ໊າ.

8ອີ້ ຕສັ່ນ ໝັ່ງ ຈ໊ຽນ ເຢຍ ວົ້ວ ເຕົ້າ ເຍີຍ ມຕສີງ ໄມ້ ຕຸ໊ ແອ໋ງ ປວັດ ເຢຍ. ເມີ່ຍ ອ໋ອຍ ລໍ໌ ເຢຍ, ມປ່າ ເຢຍ ໄມ້ ຢຽມ ອ໊ະ.

9“ຮນັ້ງ ບ໋ວນ ດສ໋ານ ໝິດ ເດສ່ງ, ມ່ຽນ ເອຈ່ຍ ຢ້ຽມ ເກນ ໄມ້ ໄຮ່ ແອ໋ງ ຝາວ ຕ້າຍ.

10ນິ່ນ ໄມ້ ແອ໋ງ ດສ໋ວນ ກັ້ນ ເຍີຍ ເປຢົ໊າ. ນິ່ນ ຢຽມ ເຍີຍ ຕ໋ອງ ເຍີຍ ມ່ຽນ ຢ່າ ຫລະຄຸ ນິ່ນ ໝີ່ ອ໊ະ.

11“ເຫວີ່ຍ ນ້າຍ ເຢຍ ຕສ່ຽວ ໄມ້ ອກັບ ເຢຍ ເຍີຍ ດສຸ້ຍ, ເຢຍ ເຍີຍ ໂຮຍ້ວ ມຸນ ຈ໊ຽນ ອ໋ອຍ ກ໊ອງ ອ໊ະ. ເຢຍ ໂຮຍ້ວ ໂຄ້ວ ໄຫ່ ຕສ່ຽວ ອ໋ອຍ ຕສຸ ກ໊ອງ.

12ເຢຍ ໂຕສ໋ວ ຄ້ອຍ ໄຟ ຄ້ອຍ ເຍີຍ ຕົ້ມ ເບຢົ໌າ ເມີ່ຍ ຖສີງ ອ໋ອຍ ຕສຸ ປຸນ ມ່ຽນ ຕສົ໊ວ ຈ໊ຽນ ເຢຍ?

13ເຢຍ ກ໊ອງ, ‘ເຢຍ ເຍີຍ ໂຖສວ ໄຮ່ ເຖງ ເຢຍ ຄູ່ ຢຽມ. ເຢຍ ເປວີ໋ຍ ເຍີຍ ຕ໋ອງ ໄຮ່ ໄຈ໊ ເຕີ໋ຍ ເຢຍ ເຍີຍ ໂຄ້ວ ໜ່ານ.’

14ມປ່າ ເມີ່ຍ ປຸນ ເຢຍ ເບີ໋ຍ ປວັດ ແຮະ ເຢຍ, ຫລົ່ງ ຫິ່ນ ຢ້າງ ເຍີຍ ສີ່ ປຸນ ເຢຍ ກ້ຳ ເດສ໋ຍ ໄຫ່.

15ເຫວີ່ຍ ນ້າຍ ເຢຍ ອ໋ອຍ ກິ໊ນ ໂກ້ ຈາງ ໄຕ່ ເກົ້າ ຫລົງ ຢຽມ ຈ໊ຽນ ເຢຍ ນ້າຍ ນອມ ຊິນ.

16ເຢຍ ໂຢ໋ວ ເຢຍ ເຍີຍ ແໝ່ງ, ໄມ້ ອ໋ອຍ ຢຽດ ລິ໌ວ ຕສຢັ້ງ. ປູ໋ງ ເຢຍ, ເຊວີ່ຍ ເຢຍ ກັ້ນ ຢຽມ, ເຫວີ່ຍ ຕສຸ ເຢຍ ເຍີຍ ຮນອຍ-ເຫຍັຍ ຂູງ ຮນັ້ງ ເທົ້າ ຢຽດ ດສຸ່ນ ເຖຈຍ.

17“ປ້າມ ມ່ຽນ ເປ໋ນ ຫາຍ ຫຍູ່ງ ເມີ່ຍ ຖສີງ ຝຸນ ຫລົ່ງ ຈ໊ຽນ ຢ່າ ຮຢຽດ ໂຮຍ້ວ ນິ່ນ?

18ເມີ່ຍ ດອມໆ ມີ່ງ ຕສ້າ ໝັ່ງ ນິ່ນ, ໂມ໌ວ ປວນ ຕສຢັ້ງ ໂຫ່ ຢ່າ ເຄົ້າ ນິ່ນ.

19ແອ໋ງ ດົ່ງ ຫາຍ ເລົ່າ ເມີ່ຍ ຖສີງ ຮວິນ ກັ້ນ ປູງ ໄມ້ ໝັ່ງ ເຢຍ, ໄຟ ປູ໋ງ ເຢຍ ກັ້ນ ຢຽມ ເຖົາ ໄຮ່ ຕຸ໊ ນະ ອ໋າ ເຢຍ ເຍີຍ ວວມ-ດສຸ້ຍ?

20ໝັ່ງ ມ່ຽນ ເຍີຍ ທິນ-ຮູ່ງ ອ້າ? ເຊ ກ໊ອງ ເຢຍ ປ໌າມ ຕສຸ໌ຍ ເຢຍ ຮນັ້ງ ຫາຍ ນໍ ຫ່ອຍ ຕສຸ ເມີ່ຍ? ເມີ່ຍ ເຫວີ່ຍ ຫາຍ ຕິ່ວ ເຕສ໊າະ ເຢຍ ຕ໋ອງ ເມີ່ຍ ເຍີຍ ຟອງ-ທສັງ ເຍີຍ ແບະ? ເຢຍ ເຫວີ່ຍ ຫາຍ ຕິ່ວ ເປ໋ນ ເມີ່ຍ ອ໋ອຍ ຕສຸ ດາມ ເຮນ້ຍ ເຍີຍ ກະນ້າຍ?

21ເມີ່ຍ ເຫວີ່ຍ ຫາຍ ຕິ່ວ ໄມ້ ກວັ່ງ ເຢຍ ຕ່ອງ ເຍີຍ ຕ໋ອງ, ຢ່າ ເຕສ໊າະ ອກອຍ ເຢຍ ເຍີຍ ຕສຸ໌ຍ? ເຫວີ່ຍ ຕສຸ ໄມ້ ເລົ່າ ເຢຍ ອ໋ອຍ ເປວີ໋ຍ ເນຍ-ບູງ ກະຍົ໌ວ. ເມີ່ຍ ອ໋ອຍ ລໍ໌ ເຢຍ ມປ່າ ເຢຍ ໄມ້ ຢຽມ ອ໊ະ.”

← Chapter 6 Jump to: Chapter 8 →