Proverbs 1

Lao Bible (ฉบับอักษรลาว)

Jump to: Chapter 2 →

1ນ້າຍ ເຊ ດາວິດ ເຍີຍ ຕອນ, ອິສະລາເອນ ເຍີຍ ຮູ່ງ, ຊາໂລມອນ, ເຍີຍ ທສົງ-ເມ່ງ ຫວ່າ. ນ້າຍ ເຕີ໋ຍ ທສົງ-ເມ່ງ ຫວ່າ ເຊ

2ເຫວີ່ຍ ປຸນ ມ່ຽນ ຮິ້ວ ຕຸ໊ ທສົງ-ເມ່ງ ເຖສົາ ອຈ໋າວ ເຍີຍ ເຈົ໊າ, ຢ່າ ເປັຍ ໂຮຍ້ວ ເຖງ ມ່ຽນ ເມ່ງ ແປະ ເຍີຍ ຫວ່າ.

3ເຫວີ່ຍ ອຈ໋າວ ມ່ຽນ ຢຽມ ນ້າຍ ເສີຍ ຕສັ່ງ ຫລົ່ງ ທສົງ-ເມ່ງ, ໂຕສ໋ວ ຕຸ໊ ຫອບ, ໂຕສ໋ວ ຕຸ໊ ແປ້ງ ຟິມ, ໂຮຍ້ວ ຕສີ໋ງ ເຍີຍ,

4ເຫວີ່ຍ ປຸນ ໄມ້ ຮິ້ວ ຫາຍ ຫຍູ່ງ ເຍີຍ ມ່ຽນ ໄຮ່ ໄກວ, ຢ່າ ປຸນ ມ່ຽນ ຫລຸນ ມ່ຽນ ໄກວ, ມ່າຍ ໂຮຍ້ວ ໄຮ່ ສຳ ຕຸ໊ ທສວດ,

5ເຫວີ່ຍ ປຸນ ທສົງ-ເມ່ງ ມ່ຽນ ໝວັງ ຢ່າ ໄຮ່ ຈາ ໂຫະ ຮິ້ວ ທສ້ຳ, ເປັຍ ໂຮຍ້ວ ເຍີຍ ມ່ຽນ ຢ່າ ໄຮ່ ມ່າຍ ປັ້ນ ເຕສີ່ຍ,

6ເຫວີ່ຍ ປຸນ ມ່ຽນ ໄຮ່ ເມ່ງ ແປະ ທສົງ-ເມ່ງ ຫວ່າ ເຖສົາ ເມີ້ຍ ຈ໊ຽນ ກ໊ອງ ເຍີຍ ຫວ່າ, ຢ່າ ເປັຍ ໂຮຍ້ວ ທສົງ-ເມ່ງ ມ່ຽນ ເຍີຍ ຫວ່າ ເຖສົາ ນິ່ນ ບົວ ເຍີຍ ຫວ່າ-ອ໊ອມ.

7ວ່ວນ ຕສາງ ເຍີຍ ກອນ ເຊ ອ໋ອຍ ຕສຸ ທ່າຍ ຕສ໊ຽວ. ມ່ຽນ ຫຮງົງ ມ່ຽນ ໝັ່ງ ເຜຍ ທສົງ-ເມ່ງ ເຖສົາ ອຈ໋າວ ເຍີຍ ຫວ່າ.

8ເຢຍ ເຍີຍ ຕອນ ອ້າ! ອ໋ອຍ ຕສຸ ໝວັງ ເມີ່ຍ ເຍີຍ ເຕຍ ຂວິນ ເຍີຍ ຫວ່າ, ຢ່າ ໄມ້ ຕູ໋ງ ກວັ່ງ ເມີ່ຍ ເຍີຍ ມາ ອຈ໋າວ ເຍີຍ ເຈົ໊າ,

9ເຫວີ່ຍ ຕສຸ ນ້າຍ ເຕີ໋ຍ ອີ ຫຍູ່ງ ເປ໋ນ ເດສວີ່ຍ ໄຫ່ ເຍີຍ ນີ້ງ ດົ໋ງ ຈ໊ຽນ ເມີ່ຍ ເຍີຍ ມອກ໊ອງ, ຢ່າ ຮນັ້ງ ຕິ້ວ ຈຽມ-ຫລິ່ມ ຕັ້ງ ຈ໊ຽນ ເມີ່ຍ ເຍີຍ ຈາງ ນໍ.

10ເຢຍ ເຍີຍ ຕອນ ອ້າ! ເຊ ກ໊ອງ ຕສຸ໌ຍ-ມ່ຽນ ຢົວະ ເມີ່ຍ, ໄມ້ ຕູ໋ງ ກັນ ນິ່ນ ບົວ.

11ເຊ ກ໊ອງ ນິ່ນ ບົວ ກ໊ອງ, “ຕ້າຍ ມ່າະ! ເຖສົາ ເຢຍ ບົວ ມີ່ງ ຕສົ໊ວ ຈ໊ຽນ ໄຕ໋ ມ່ຽນ, ບົວ ຕັ໊ງ ຈ໊ຽນ ໄມ້ ໂຕສ໋ວ ຕ່ອງ ເຍີຍ ມ່ຽນ.

12ບົວ ອ໋ອຍ ເຕສ໊າະ ນິ່ນ ບົວ ລ່ຽມ ນັ່ງ ນະ ຮນັ້ງ ເອຈ່ຍ ຢ້ຽມ ເກນ, ອ໋ອຍ ເຕສ໊າະ ນິ່ນ ບົວ ຕສຢັ້ງ ເຕົ້າ ນະ ຮນັ້ງ ເອຈ່ຍ ໂດ ໄຫ່ ເຍີຍ ຄວດ ວົ້ວ ເຕີ໋ຍ ມ່ຽນ.

13ບົວ ຕສ່ຽວ ຕຸ໊ ຫຍູ່ງໆ ຈ໋າຍ ເຍີຍ ກະນ້າຍ, ຢ່າ ເຕສ໊າະ ລູ້ ຕ້າຍ ເຍີຍ ກະນ້າຍ ຕັ໊ບ ປວັ໊ງ ບົວ ເຍີຍ ເປຢົ໊າ.

14ເມີ່ຍ ກຸ໊ນ ເຖສົາ ເຢຍ ບົວ ມ່າຍ ປ່ວນ, ບົວ ຕສ່ຽວ ຈວັ່ງ ຢຽດ ນອມ ຍ່ານ ບົວະ.”

15ເຢຍ ເຍີຍ ຕອນ ອ້າ! ໄມ້ ຕູ໋ງ ກັນ ນິ່ນ ບົວ ມີ່ງ! ໄມ້ ຕູ໋ງ ປຸນ ເມີ່ຍ ເຍີຍ ເຕສົ໋າ ທສ້າຍ ນິ່ນ ບົວ ຢັ້ງ ເຍີຍ ເຈົ໊າ,

16ເຫວີ່ຍ ຕສຸ ນິ່ນ ບົວ ເຍີຍ ເຕສົ໋າ ຖິວ ມີ່ງ ໂຕສ໋ວ ເອ໊າະ, ນິ່ນ ບົວ ເປ໊ະ ຈ໊ຽນ ອ໋ອຍ ໄຕ໋ ມ່ຽນ, ປຸນ ດສຢ໊າມ ຫລ່ຽວ ທສວດ.

17ເໜາະ ປວັດ ຈ໊ຽນ ມ່ຽນ ແຕສງ ມູ໌ງ ເຊ ໄມ້ ລ່ຳ ຫລົ່ງ.

18ນ້າຍ ເຕີ໋ຍ ມ່ຽນ ຕສົ໊ວ ຈ໊ຽນ ປຸນ ກັ້ນ ຕສຸ ໄຕ່, ນິ່ນ ບົວ ແຕສງ ມູ໌ງ ເຕສ໊າະ ກັ້ນ ເຍີຍ ແໝ່ງ.

19ຕະຟ່ານ ຫລົ່ງ ເອ໊າະ ເຍີຍ ເຈົ໊າ ລໍ໌ ຕສິ້ນ ຍ່ານ ຢ່າ ຮນັ້ງ ນ້າຍ ນໍ, ຕສູ໊ງ ຫ່ອຍ ຍ່ານ ຕສ໊ຽວ ກວັ່ງ ແໝ່ງ.

20ທສົງ-ເມ່ງ ເຊ ຮນັ້ງ ເຕົ້າ ມເຊັຍ ຕອນ ຢຽມ ຈາຍ-ຫ່ອງ ເຫ່ວ, ຢຽມ ຕົ້ມ ຕສວັ໋ງ ຕສ່າມ ນິ່ນ ເຫ່ວ ເຖຈຍ ໂຮລ ເຍີຍ.

21ນິ່ນ ຢຽມ ເໜົ່າ ຫຍິດ ເຍີຍ ຈາຍ-ຕ້າວ ເຫ່ວ, ຢ່າ ຢຽມ ເປັຍ ຕສີ້ງ ແກ້ງ ເຍີຍ ຕ໋ອງ ກ໊ອງ ຫວ່າ.

22ນິ່ນ ກ໊ອງ, “ເມີ່ຍ ບົວ ໄມ້ ຮິ້ວ ຫາຍ ຫຍູ່ງ ເຍີຍ ມ່ຽນ ອ້າ! ເມີ່ຍ ບົວ ອ໋ອຍ ອະເຮນີ້ຍ ໄມ້ ຮິ້ວ ຫາຍ ຫຍູ່ງ ເຖົາ ຫາຍ ຕສັ່ນ? ຮວວດ ມ່ຽນ ເຍີຍ ມ່ຽນ ອະເຮນີ້ຍ ຮວວດ ດົ່ງ ຫາຍ ເລົ່າ? ມ່ຽນ ຫຮງົງ ມ່ຽນ ອ໋ອຍ ດສອງ ວ່ວນ ຕສາງ ດົ່ງ ຫາຍ ເລົ່າ?

23ເຢຍ ກ໊ອງ-ອຈ໋າວ ເມີ່ຍ ບົວ, ເມີ່ຍ ບົວ ອ໋ອຍ ຕສຸ ໝວັງ, ເຢຍ ຕສ່ຽວ ປຸນ ເມີ່ຍ ບົວ ຮິ້ວ ຕຸ໊ ເຢຍ ຮນ້ຳ ເຍີຍ ເຈົ໊າ, ຢ່າ ປຸນ ເມີ່ຍ ບົວ ຮິ້ວ ຕຸ໊ ເຢຍ ເຍີຍ ຫວ່າ.

24ເຫວີ່ຍ ຕສຸ ເຢຍ ເຫ່ວ ເມີ່ຍ ບົວ, ເມີ່ຍ ບົວ ຢ່າ ໄມ້ ຄັ້ງ ໝວັງ. ເຢຍ ຊູງ ປົ໌ວ ຢ໊າບ, ມ່ຽນ ຢ່າ ໄມ້ ເກວນ ໄມ້ ສີ່ ເຍີຍ.

25ເມີ່ຍ ບົວ ເອກ້ມ ເຢຍ ຂວິນ ເຍີຍ ຢຽດ ຕສູ໊ງ ຫວ່າ. ເຢຍ ກ໊ອງ-ອຈ໋າວ, ເມີ່ຍ ບົວ ຢ່າ ໄມ້ ຄັ້ງ ໝວັງ.

26ເມີ່ຍ ບົວ ຕສຸ ເຕສະ ໜ່ານ ເຢຍ ຕສ່ຽວ ຈັ໊ດ. ເມີ່ຍ ບົວ ຕສຸ ຕົ້ມ ເຮີ້ຍ ສີ່ ແຮະ ເມີ່ຍ ບົວ, ເຢຍ ຢ່າ ຮວວດ ເມີ່ຍ ບົວ.

27ເມີ່ຍ ບົວ ຕສຸ ຕົ້ມ ເຮີ້ຍ ສີ່ ຮນັ້ງ ຕົ້ມ ດສຢ໋າວ, ເມີ່ຍ ບົວ ຕສຸ ເຍີຍ ເຕສະ ໜ່ານ ຮນັ້ງ ດສຢ໋າວ-ຕສຸ່ນ. ເມີ່ຍ ບົວ ຕສຸ ໂຄ້ວ, ຕສຸ ໂຮຍ້ວ ມຸນ ເຍີຍ ຕສຢັ້ງ ໂຫ່ ເຢຍ ຢ່າ ຮວວດ ເມີ່ຍ ບົວ.

28“ວົ້ວ ຕສັ່ນ ເມີ່ຍ ບົວ ອ໋ອຍ ເຫ່ວ ເຢຍ, ເຢຍ ຢ່າ ໄມ້ ເຕົາ. ເມີ່ຍ ບົວ ອ໋ອຍ ຕສິ້ມ ລໍ໌ ເຢຍ, ຢ່າ ລໍ໌ ໄມ້ ປວັດ,

29ເຫວີ່ຍ ຕສຸ ເມີ່ຍ ບົວ ດສອງ ວ່ວນ ຕສາງ, ເມີ່ຍ ບົວ ຢ່າ ໄມ້ ກິ໊ນ ທ່າຍ ຕສ໊ຽວ.

30ເຢຍ ຂວິນ ເຍີຍ ຫວ່າ ເມີ່ຍ ບົວ ໄມ້ ໝວັງ ຢຽດ ເຕີ໋ຍ, ຕ໋າວ ດສ໋ວນ ເມີ່ຍ ບົວ ໝັ່ງ ເຜຍ ເຢຍ ກ໊ອງ-ອຈ໋າວ ເຍີຍ ຢຽດ ຕສູ໊ງ ຫວ່າ.

31ເຫວີ່ຍ ນ້າຍ ເມີ່ຍ ບົວ ຕສ່ຽວ ຕຸ໊ ຜຸຍ ເມີ່ຍ ບົວ ໂຕສ໋ວ ເຍີຍ ສີ່, ຢ່າ ຕສຸ ຕສິ໋ວ ກັ້ນ ຕ໊າ ເຍີຍ ຕສະເອີ໋ຍ ເກົ໋າ ໄຫ່ ອ໊ະ.

32ໄມ້ ຮິ້ວ ຫາຍ ຫຍູ່ງ ເຍີຍ ມ່ຽນ ເອກ້ມ ທສົງ-ເມ່ງ ຕສ່ຽວ ຕສຸ ໄຕ່, ມ່ຽນ ຫຮງົງ ມ່ຽນ ໄມ້ ເກວນ ໄມ້ ສີ່ ຕສ່ຽວ ຕສຸ ໝຽດ.

33ມປ່າ ຫາຍ ເຕົ້າ ໝວັງ ເຢຍ, ວົ້ວ ເຕົ້າ ຕສ່ຽວ ແປ້ງ ອອນ ເຍີຍ ຢຽມ. ນິ່ນ ຕຸ໊ ຢຽມ ຫລົງ, ໄມ້ ກ້ຳ ເດສ໋ຍ ຕສຸ ເຕສະ ໜ່ານ.”

Jump to: Chapter 2 →