Hosea 6

Madurese Bible 1994 (ALKETAB E DHALEM BASA MADURA)

← Chapter 5 Jump to: Chapter 7 →

1Reng-oreng Isra'il ngoca', “Mara ja' abaliya ka PANGERAN. Pangeran jareya se nyake'e sengko' ban ba'na, tape Pangeran jareya keya se mabarasa. Pangeran jareya se maloka, tape Pangeran jareya keya se abetbet ka-lokana sengko' ban ba'na jareya.

2E dhalem dhu are otabana tello are reya Pangeran tanto mabaras sengko' ban ba'na, ban sengko' ban ba'na bakal odhi'a e dhalem pangaobanna.

3Daddi mara ba'na ban sengko' aehteyar kalaban gu-onggu sopaja taowa ka PANGERAN. Salerana tanto rabu ka sengko' ban ba'na akantha padhatengnga pajjar, ban akantha ojan se mabacca bume e dhi-budhina mosem nambara'.”

4Tape PANGERAN adhabu, “He Isra'il ban Yehuda! Ba'na reya epabaramma'a bi' Sengko'? Kataresna'anna ba'na ka Sengko' lekkas elang akantha bun-arbun otabana ebbun e baja laggu.

5Jareya sababba arapa Sengko' me' ngotos Tang bi-nabbi kaangguy manapa' ka ba'na Tang kapotosan ja' ba'na kodu eokom ban epaancor. Se epenta Sengko' dhari ba'na la terrang ban jarna':

6Sengko' asoka'an ba'na tao ka Sengko' ban ros-terrosan taresna ka Sengko', etembang ba'na ngobbar ban ngatorragi kurban ka Sengko'.

7Tape akantha Adam, ba'na mongkere parjanjiyanna ban Sengko'.

8Gileyad reya kottha se bannya' panjahadda ban bannya' oreng se dujan mate'e oreng.

9Mam-imam e jadhiya padha ban gal-bigal se ngaddhang oreng lebat. E jalan ka kennengngan se socce e Sikhem reng-oreng jareya mate'e oreng keya! Kajahadan jareya kabbi pajat etengnget.

10E Isra'il Sengko' nangale'e barang se nako'e: Tang ommat manajjis aba'na kalaban nyemba brahala.

11Dineng ba'na, he, oreng Yehuda, Sengko' la neptebbagi baktona se ngokoma ba'na keya polana tengkana.”

← Chapter 5 Jump to: Chapter 7 →