bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Nehemiah 11
Nehemiah 11
Mossi MPBU (WẼNNAAM SEBRE 2014)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
Nebã nanambsã wa n bee Zeruzalɛm. La neb nins sẽn ketã sʋka, b maana poeer n yãk ned a yembr neb piig sʋka, tɩ b tɩ zĩnd Zeruzalɛm sẽn yaa tẽn-sõngã pʋgẽ, la neb a wɛ wã sẽn ketã, tõe n tɩ zĩnda tẽms a taabã pʋse.
2
Dẽ, nebã ninga neb nins fãa sẽn sak ne yamleoog n na n tɩ zĩnd Zeruzalɛmã zut barka.
3
Woto yaa tẽngã nanambs nins sẽn kẽng n tɩ zĩnd Zeruzalɛmã. Zʋʋda tẽmsã pʋga, ned kam fãa kẽng n tɩ zĩnda a meng zĩigẽ. La Israyɛll nebã, ne maan-kʋʋdbã, la Leevi buudã, ne Wẽnnaam doogã tʋmtʋmdbã, la a Salmo tʋmtʋmdbã yagensã fãa kell n paa tẽngẽ wã.
4
Baoosg zãnga, Zʋʋda ne Benzame buudã neb kẽer wa n zĩnda Zeruzalɛm. Zʋʋda yagensã sʋka, sẽn zĩnd-b beenẽ wã la woto: Yaa a Ataya sẽn yaa a Oozɩyaas biiga, t'a Oozɩyaas yaa a Zekarya biiga, t'a Zekarya yaa a Amarya biiga, t'a Amarya yaa a Sefatya biiga, t'a Sefatya yaa Mahalalell biiga, t'a Mahalalell yaa a Perɛɛz roogã neda.
5
Sẽn paase, yaa a Maaseza yageng a Siloni sẽn yaa a Zakari biigã sẽn yaa a Yoyariib biigã sẽn yaa a Adaya biigã, sẽn yaa a Hazaya biigã, sẽn yaa a Kol-Hooza ne a Baruk biigã.
6
A Perɛɛz yagensã fãa sẽn zĩnd Zeruzalɛmã sõor yaa gãndaad kobs-naas la pis-yoob la a nii.
7
A Benzame buudã sʋk neb la woto: Yaa a Mesulam biig a Salu. A Mesulam yaa a Zoɛɛd biiga, la a Zoɛɛd yaa a Pedaya biiga, la a Pedaya yaa a Kolaya biiga, la a Kolaya yaa a Maseya biiga, la a Maseya yaa a Itiyɛll biiga, t'a Itiyɛll yaa a Ezayi biiga.
8
Yẽnda zugẽ, yaa a Gabayi ne a Salayi. Dẽ, a Benzame buudã neb sõor yaa kobs-wɛ la pisi la a nii.
9
Dag n yaa a Zikiri biig a Zowɛll n yaa bãmb naaba, t'a Senuwa biig a Zʋʋda yaa na-pʋgdg tẽngã pʋga.
10
Maan-kʋʋdbã sʋka: Yaa a Yoyariib biig a Yedaya ne a Yakẽ,
11
ne a Hilkiiza biig a Seraya, la a Hilkiiza yaa a Mesulam biiga, t'a Mesulam yaa a Sadok biiga, t'a Sadok yaa a Merayot biiga, t'a Merayot yaa a Akituub biiga. Yaa Akituub n dag n yaa Wẽnnaam doogã tʋʋmd taoor soaba.
12
Bãmb saam-biisã sẽn dag n get Wẽnnaam doogã tʋʋm yellã sõor yaa neb kobs-nii la pisi la a yiibu. Dag n yaa a Malkiya biig a Pasewʋʋre, a Zakari biig a Amsi, a Pelaliya biig a Yeroham biig a Adaya.
13
La yẽnda saam-biisã sẽn yaa b buudã nanambsã sõor yaa neb kobsi la pis-naas la a yiibu. Yaa a Azaryɛll biig a Amasayi, a Azaryɛll yaa a Hazayi biiga, la a Hazayi yaa a Mesilemot biiga, la a Mesilemot yaa a Imeer biiga.
14
Bãmb saam-biisã sẽn yaa gãndaadã sõor yaa koabg la pisi la a nii. A Gedolim biig a Zabdiyɛll n dag n yaa bãmb naaba.
15
Leevi buudã neb sʋka: Yaa a Hasuub biig a Semaya, a Hasuub yaa a Aazrikam biiga, t'a Aazrikam yaa a Hasabiya biiga, t'a Hasabiya yaa a Buni biiga.
16
Yaa a Sabtayi ne a Yozabaad la b yãk Leevi buudã nanambs sʋk n kɩt tɩ b get Wẽnnaam doogã yɩng tʋʋmã yelle.
17
Yaa a Azaf yageng a Zabdi, a Zabdi yageng a Miise, a Miise yageng a Mataniya n dag n lʋɩt taoor n pʋt pẽgr yɩɩla, pʋʋsgã wakate, t'a Bakbukiya sẽn yaa Mataniya ba-biisã sʋk ned a yembrã ne a Abda n pʋgd n sõngd-a. A Abda yaa a Samuwa biiga, t'a Samuwa yaa a Galall biiga, t'a Galall yaa a Yedutun biiga.
18
Leevi buudã neb sẽn be Zeruzalɛm tẽn-sõngã pʋgã sõor yaa kobsi la pis-nii la a naase.
19
Ad tẽngã noy gũudbã: Yaa a Akuubi, a Talmone, ne b saam-biisã. Bãmb n dag n gũud tẽngã noyã. B sõorã yaa neb koabg la pis-yopoe la a yiibu.
20
Sã n yaa ne Israyɛll neb nins sẽn ketã, maan-kʋʋdbã, ne Leevi buudã, rag n bee Zʋʋdã tẽmsã fãa pʋse, la ned kam fãa rag n be a soolmẽ.
21
Wẽnnaam doogã tʋmtʋmdbã rag n tɩ bee Zeruzalɛm tẽngã zĩig a yembr sẽn boond tɩ Ofɛllã. La rag n yaa a Siha ne a Gispa n yaa Wẽnnaam doogã tʋmtʋmdb taoor dãmba.
22
Leevi buudã sẽn be Zeruzalɛmã taoor soab yaa a Bani biig a Uuzi. A Bani yaa a Hakabiya biiga, t'a Hakabiya yaa a Mataniya biiga, la a Mataniya yaa a Miise biiga. Bãmb n yaa a Azaf yagense, n get yɩɩlã tʋʋmd yell Wẽnnaam doogã pʋga.
23
Bala, rĩmã rag n yiisa tõog bãmb wɛɛngẽ, la ne no-tũuds yɩɩn-yɩɩndbã yĩnga, n wilgd b sẽn tog n maan b tʋʋmdã to-to daar fãa.
24
A Mesezabɛll biig a Petahiya sẽn yaa a Zʋʋda buudã yageng a Zeera yagengã n dag n tʋmd Israyɛll nebã yʋʋr yĩnga, rĩmã na-yir pʋga.
25
Zʋʋda buudã neb kẽer kẽng n tɩ zĩnda tẽn-kɩremse. Yaa Kiryat-Arba, ne a tẽn-bãooneg nins sẽn pẽ beenẽ wã, ne Dibõ ne a tẽn-kɩremsã, la Yekabzeyɛll ne a tẽn-kɩremsã,
26
ne Yesuwa, Molaada, Bet-Pelɛte,
27
Hazaar-Suwalle, Bɛɛr-Seba ne a tẽn-kɩremsã.
28
Siklaage, Mekona ne a tẽn-kɩremsã.
29
Ɛn-Rimonde, Soreya, ne Yarmuti,
30
n paas Zanoa, Adulam, ne a tẽn-kɩremsã. Leb n yaa Lakiis ne a tẽn-kɩremsã, la Azeka ne a tẽn-kɩremsã. Dẽ, bãmb tɩ zĩnda Bɛɛr-seba tẽngã goabg n tall n tɩ tãag Hinom longã sẽn be rɩtgã.
31
Benzame buudã neb kẽng n tɩ zĩnda Geba, Mikmaase, Aya, Betɛll ne a tẽn-kɩremsã pʋsẽ.
32
La b zĩnda Anatote, Noobe, Hananiya,
33
Hazoore, Rama, Gitayim,
34
Hadiidi, Seboyim, Nebalate,
35
Loode, ne Ono ne nug-tʋʋm-dãmbã longã sẽnẽ.
36
Leevi buudã neb kẽer yii Zʋʋda n kẽng n tɩ naag Benzame buudã soolmẽ.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13