Nehemiah 12

Mossi MPBU (WẼNNAAM SEBRE 2014)

← Chapter 11 Jump to: Chapter 13 →

1Maan-kʋʋdb nins ne Leevi buudã neb nins sẽn tũ a Seyaltiyɛll biig a Zorobabɛll ne a Zozoe n wa wã yʋy la woto: Yaa a Seraya, a Zeremi, a Ezra,

2a Amariya, a Maluki, a Hatusi,

3a Sekaniya, a Rehum, a Meremote,

4a Yido, a Ginetoyi, a Abiya,

5a Miyamindi, a Maadya, a Bilga,

6a Semaya, a Zoyariibi, a Yedaya,

7a Salu, a Amoke, a Hilkiiza ne a Yedaya. Yaa bãmb n dag n yaa maan-kʋʋdbã kãsem-dãmb ne b saam-biisã, a Zozoe wakatẽ.

8Leevi buudã sʋka, rag n yaa a Zozoe, a Binui, a Kadmiyɛlle, a Serebiya, a Zʋʋda, ne a Mataniya. A Mataniya ne yẽnda buudã neb rag n pʋtã Wẽnnaam waoogr yɩɩla,

9tɩ Leevi buudã neb a taabã, a Bakbukiya ne a Uni sẽn be bãmb taoor n tʋmdẽ wã reesdẽ.

10A Zozoe n dog a Yoyakim, t'a Yoyakim dog a Eliyasɩɩbe, t'a Eliyasɩɩb dog a Yoyada,

11t'a Yoyada rog a Zonatã, t'a Zonatã rog a Yaduwa.

12Ad a Yoyakim wakatẽ kãsem-dãmbã sẽn dag n yaa maan-kʋʋdbã yʋya: A Seraya buudã ned yaa a Meraya, a Zeremi buudã ned yaa a Hananiya,

13a Ezra buudã ned yaa a Mesulam, a Amariya buudã ned yaa a Yohanande,

14a Meliku buudã ned yaa a Zonatã, a Sebaniya buudã ned yaa a Zozɛfe.

15A Harim buudã ned yaa a Adna, a Merayot buudã ned yaa a Hɛlkayi,

16a Ido buudã ned yaa a Zakari, a Gineton buudã ned yaa a Mesulam,

17a Abiya buudã ned yaa a Zikri, a Minyamin ne a Moadya buudã ned yaa a Piltayi.

18A Bilga buudã ned yaa a Samuwa, a Semaya buudã ned yaa a Zonatã.

19A Yoyariib buudã ned yaa a Matenayi, a Yedaya buudã ned yaa a Uuzi,

20a Salayi buudã ned yaa a Kalayi, a Amok buudã ned yaa a Ebɛɛre.

21A Hilkiiza buudã ned yaa a Hakabiya, a Yedaya buudã ned yaa a Netaneyɛlle.

22Yaa Eliyasɩɩb ne a Yoyada, la a Yohanan ne a Yaduwa wakate, la b gʋls Leevi neb nins sẽn dag n yaa b buudã kãsem-dãmbã yʋy sõadg sebrã pʋga. La b kell n maana a woto me ne maan-kʋʋdbã, Pɛrs-rãmbã rĩm a Daryuus zamaanẽ.

23B gʋlsa Leevi buudã kãsem-dãmb yʋy kibay sebrã pʋga, hal n tɩ tãag a Eliyasɩɩb yageng a Yohanan wakate.

24Ad Leevi buudã kãsem-dãmb yʋya: A Hakabiya ne a Serebiya, la a Kadmiyɛll biig a Zozoe rãmb wakatã sã n gilg n ta, tɩ b segd n maan b tʋʋmd Wẽnnaam doogẽ wã, bãmb yalsda b saam-biisã taoor roog-roogo, n yɩɩnd n pẽgd la b waoogd Wẽnnaam, wa Wẽnnaam dao a Davɩɩd sẽn dag n kõ noorã to-to wã.

25Tẽngã rignoy gũudbã, a Mataniya, ne a Bakbukiya, la a Obadiya, ne a Mesulam, la a Talmon ne a Akuub rag n yaa gũudb n gũud Wẽnnaam doogã rignoyã.

26Bãmb zĩnda a Zozoe biig a Yoyakim sẽn yaa a Yosadak yagengã zamaanẽ, ne Gʋvɛrneer a Neemi ne Maan-kʋʋd a Ɛsdraas sẽn yaa gʋlsdã zamaanẽ.

27B sẽn wa n dat n ning Zeruzalɛm lalgã barkã, b kɩtame tɩ Leevi buudã fãa yi zĩis nins fãa b sẽn be wã n wa. La b maana tig-kãseng n maan sũ-noog wʋsgo, n na n wilg tɩ tʋʋmdã maan n sɛɛme. La b yɩɩla pẽgre, la waoogr yɩɩl ne kɛma, la kʋla, ne pendse.

28Yɩɩn-yɩɩndbã tigma taab Zeruzalɛm. Bãmb yii tẽn-kɩremsã b sẽn me n gilg Zeruzalɛm tẽngã, wall sẽn pẽ Netofa tẽngã n wa.

29Bãmb leb n yii Bɛt-Gilgalle, ne Geba soolmẽ wã, ne Azmavɛt soolmã sẽn gilg Zeruzalɛmã n wa.

30Dẽ, Maan-kʋʋdbã ne Leevi buudã yɩlga b mense, la b kɩt tɩ nebã me yɩlg b mense. Rẽ zugẽ, b yɩlga tẽngã noy ne a lalsã.

31Mam kɩtame tɩ Zʋʋda nanambsã rʋ lalgã. Dẽ, mam welg-b-la yɩɩn-yɩɩndb sul-bɛd a yiibu. Pipi sullã kẽnga rɩtg lalgã zugu, n teesd tẽngã noor sẽn boond tɩ tãmpʋʋr noorã.

32La a Ooze ne Zʋʋda nanambsã pʋɩ-sʋk n dag n pʋgd bãmb poore,

33la sẽn paas yaa a Azariya, a Ezra, a Mesulam,

34a Zʋʋda, a Benzame, a Semaya ne a Zeremi.

35Maan-kʋʋdb n dag n be beenẽ n zãad tãntãado. Yaa a Zonatã biig a Zakari. A Zonatã yaa a Semaya biiga, t'a Semaya yaa a Mataniya biiga, t'a Mataniya yaa a Miise biiga, la a Miise yaa a Zakʋʋr biiga, t'a Zakʋʋr yaa a Azaf biiga.

36Neb nins sẽn dag n be ne a Zakari wã, yaa a Semaya, a Azarɛlle, a Milalayi, a Gilalayi, a Maayi, a Netaneyɛlle, a Zʋʋda, ne a Hanani. Yaa bãmb n dag n zãad Wẽnnaam dao a Davɩɩd yʋʋm-teedã n pʋgda, t'a Ɛsdraas sẽn yaa gʋlsdã be taoore.

37Bãmb sẽn wa n ta ko-budum noorã, b tũu lalgã rʋʋdgã n dʋ n ta rĩm a Davɩɩd doogã sẽn be koom noorã sẽnẽ n teesd Zeruzalɛm tẽngã yaangã.

38La yɩɩn-yɩɩndbã sul a yiibẽ soabã kẽnga goabga. Dẽ, maam ne nebã pʋɩ-sʋkã kell n paa poorẽ lalgã zug n pʋgda. Tõnd looga wʋmsã gãosgã sɛɛgẽ, n kẽng n ta Lal-taokẽ wã.

39Dẽ, tõnd kell n kẽng n looga Efrayiim noorã zugẽ, n tɩ ta Yesana noorã ne zĩm noorã. La tõnd looga a Hananeyɛll gãosgã ne neb koabg gãosgã, n loog piisã noore. La tõnd tɩ yalsa gũudbã noore.

40Yɩɩn-yɩɩndbã sul a yiibã yalsa Wẽnnaam doogã pʋga. La maam ne nanambs nins sẽn be ne maamã me yalsame.

41Maan-kʋʋdbã, a Eliyakim ne a Maseya, la a Minyamin, ne a Miise la a Eliyohenayi, ne a Zakari, ne a Hanani peeba tãntãadã.

42La a Maseya, a Semaya, a Eliyazaare, a Uuzi, a Yohanande, a Malkiya, a Elam ne a Ezɛɛr rag n naaga be. La yɩɩla naab a Yiizraya n dag n kɩtd tɩ yɩɩn-yɩɩndbã pʋt yɩɩlã tɩ sãta.

43Badaare, nebã maana maand wʋsg n kɩdem ne sũ-noogo. Sɩd me, Wẽnnaam dag n kõ-b-la sũ-no-kãsenga. La Zeruzalɛm tẽngã pʋgẽ, pagbã ne kambã sũy rag n yaa noog tɩ b kɩdemdẽ, hal tɩ bʋrgã zẽkdẽ, tɩ ned sã n be hal zĩ-zãrgẽ bɩ a wʋmdẽ.

44Wakat-kãnga, b yãka neb sẽn na n gũ rot nins b sẽn bĩngd dẽenem biis kũunã, ne piig pʋɩɩrã, la tẽngã bõn-koaadlã biis piig pʋɩɩrã. Nin-bãmb dag n tog n deegda kũun nins fãa tõogã sẽn yeel tɩ b yãk n tall n wa wã, n bĩngd beenẽ n gũudẽ. La kũun-kãens yaa maan-kʋʋdbã ne Leevi buudã n so. Yaa pʋtã sẽn gũbg tẽmsã bõn-koaadl dẽenem biisi. La Zʋʋda nebã fãa sũur yɩɩ noog ne maan-kʋʋdbã, la ne Leevi nebã sẽn maand tʋʋmdã.

45Bãmb dag n geta b Wẽnnaamã tʋʋmd yelle, la b maand yɩlgrã tʋʋmde. La yɩɩn-yɩɩndbã ne tẽngã noy gũudbã me rag n maanda b tʋʋmd wa rĩm a Davɩɩd ne a biig a Salmo sẽn dag n kõ noor ningã.

46Sɩd me, pĩnd-pĩndã, dĩm a Davɩɩd ne yɩɩlã naab a Azaf wakatẽ wã, rag n yaa yɩɩn-yɩɩndbã taoor-dãmb n lʋɩt taoore, tɩ b yɩɩnd n pẽgd Wẽnnaam la b pʋʋsd-b barka.

47A Zorobabɛll ne a Neemi wakatẽ wã, Israyɛll nebã fãa yãkda b paoongã n kõt yɩɩn-yɩɩndbã ne tẽngã noy gũudbã wa sẽn zems sẽn tog maan daar fãa wã. La Israyɛll nebã rag n leb n yãkda b kũun me n kõt Leevi nebã, tɩ bãmb me reege, la b yãk kũun sẽn welg toorã n kõ a Aarõ yagensã sẽn yaa maan-kʋʋdbã.

← Chapter 11 Jump to: Chapter 13 →