bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Nehemiah 4
Nehemiah 4
Mossi MPBU (WẼNNAAM SEBRE 2014)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
A Sãmbalat ne a Tobiza, la Araab-rãmbã, ne Amo nebã la Asdood nebã sẽn wʋm tɩ Zeruzalɛm lalgã meeb kẽngda taoore, la a lal-wedsã yẽtame n dabdã, bãmb fãa sũyã puuga wʋsgo.
2
La bãmb seda ne taab n na n wa zab ne Zeruzalɛm tẽngã n sãam-a.
3
Dẽ, tõnd pʋʋsa d Wẽnnaamã. La nin-bãmbã yĩng kɩtame, tɩ tõnd ning gũudb tɩ b gũud wĩndg ne yʋngo, n tõe n zab ne-b n sõng tõndo.
4
Baa ne rẽ fãa, Zʋʋda nebã yeelame: «Neb nins sẽn wʋkd-b zɩɩbã pãng sɛɛme, la sagdã me yaa wʋsgo. Dẽ wã, tõnd ka na n tol n tõog n me lalgã n sɛ ye.»
5
Tõnd bɛɛbã rag n yetame: «Tõnd na n soosame hal n tɩ kẽ Zʋɩf-rãmbã sʋka, tɩ b ka tol n bãnge, la b ka yãnd tõnd me ye. Woto, tõnd na n kʋ-b lame n kɩt tɩ b tʋʋmdã yalse.»
6
La Zʋɩf-rãmb nins sẽn pẽ tõnd bɛɛbã waa tõnd nengẽ sẽn tat naoor piiga, n wat n togsd tõnd bɛɛbã sẽn dat n maan bũmb ningã. B rag n yetame: «Ya-y n lebg-y n wa tõnd nengẽ!»
7
Dẽ, mam welga nebã roog-roogo, n ning-b londã sẽn be lalgã poorã tɩ b guudẽ, la b rag n zãada b zabr sʋʋse, b kãnã, la b tãbdo.
8
Mam gesa nebã manesem sẽn yaa to-to. Dẽ, mam yikame n yeel kãsem-dãmbã ne nanambsã, ne neb nins sẽn dag n be beenẽ wã yaa: «Da zoe-y nin-bãmbã ye! Tẽeg-y tɩ Zu-soabã yaa kãsenga, la b tara pãnga. Zab-y y saam-biisã, y kom-dibli wã la y kom-pugli wã, ne y pagbã, la y zagsã yĩnga.»
9
Tõnd bɛɛbã sẽn wʋm tɩ tõnd bãnga bũmb ning bãmb sẽn dag n dat n maanã, la b sẽn mik tɩ Wẽnnaam sãama bãmb saagrã, tõnd fãa leb n leba lalgã meebẽ, tɩ ned kam fãa leb n dɩk a tʋʋmde.
10
La sẽn sɩng ne badaare, mam tʋmtʋmdbã pʋɩ-sʋk bee tʋʋmdã pʋga, la pʋɩ-sʋk a to wã me zãada kãna, la gãndo, ne tãbdo, la gãntigsi. La nanambsã rag n bee Zʋʋda buudã fãa poorẽ.
11
Neb nins sẽn met tẽngã lalgã ne neb nins sẽn wʋkd kugã ned kam fãa tʋmda ne nug-yende, tɩ nug a yembrã zãad a zab-teoogo.
12
La tãn-metbã ned kam fãa rag n sẽbga zabr sʋʋg a sɛɛga, la a tʋmdẽ. La bar-pɛɛbdã rag n bee ne maam.
13
Dẽ, mam yeela kãsem-dãmbã ne nanambsã, ne neb nins sẽn dag n be beenẽ wã yaa: «Tʋʋmdã ket n yaa wʋsgo, lalgã me wogmame, tõnd yaool n sãeegame n be lalgã zĩig toor-toore, n zãr ne taaba.
14
Rẽ wã, yãmb sã n wa n wʋm baorgã peebgo, bɩ y yi yãmb sẽn beẽ wã, n zoe n wa mam nengẽ, n wa tigim taaba, la tõnd Wẽnnaamã na n zab n sõnga tõndo.
15
Dẽ, yɩɩ woto la tõnd tʋm yã. Tõnd nebã pʋɩ-sʋk zãada kãn b nusẽ, n tʋmd yibeoog tɩ ta zĩ-sobdo, ãdsã pukr sasa.
16
Leb n yaa wakat-kãng me la mam yeel nebã yaa: Bɩ tʋʋmd taoor soab fãa ne a rakõor pa Zeruzalɛm tẽngã pʋg n gãande. Woto, b na n gũu tẽngã yʋngo, tɩ wĩndga, bɩ b fãa yik n tʋme.»
17
La maam ne m saam-biisã, ne m tʋmtʋmdbã, la gũudbã sẽn dag n tũud maamã ned ba a yembr ka tol n yeeg a fuugu, tõnd ned kam fãa rag n zãada a zab-teoog ne a rɩtgo.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13
Recommended Reading
Commentary
Nehemiah Commentaries
→
Devotional
Nehemiah Devotional Guide
→
Get This Bible
Mossi MPBU (WẼNNAAM SEBRE ) Study Bible
→