bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Nehemiah 7
Nehemiah 7
Mossi MPBU (WẼNNAAM SEBRE 2014)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 8 →
1
B sẽn wa n me lalgã n sɛ wã, mam kɩtame tɩ b lebs n lug a kʋɩlemsã. Rẽ zugẽ, tõnd yãka tẽngã rignoy gũudba, ne yɩɩn-yɩɩndba, la d kɩt tɩ Leevi buudã rɩk b tʋʋmde.
2
Mam kõo noor tɩ b yãk m saam-biig a Hanani, ne tãb-biisã naab a Hananiya sẽn yaa sɩd soaba, n yaa ned sẽn zoet Wẽnnaam wʋsg n yɩɩd neb a taabã, n yeel-b tɩ b soog Zeruzalɛm tẽngã.
3
Mam yeela bãmb yaa: «Wĩntoogã sã n nan ka zẽke, bɩ y ra pak tẽngã noy ye. La y pag rignoyã sõama, tɩ gũudbã ket n be beenẽ. Gũudbã sã n ka ket b zĩigẽ wã, b tog n paga kʋɩlemsã sõama. B tog n kɩtame tɩ Zeruzalɛm tẽngã neb gũ tẽngã n dees taaba. Neb kẽer na n gũuda tẽngã noyã, tɩ neb a taabã ned kam fãa gũuda a roogo.»
4
Tẽngã rag n yalmame, la a bedmame, la nebã sẽn dag n be a pʋgẽ wã sõor dag n ka waoog ye. La b rag n nan ka lebs n me rotã ye.
5
Mam Wẽnnaamã ninga mam yamẽ, tɩ m tigim kãsem-dãmbã ne nanambsã, ne neb a taabã sẽn ketã, n sõd-ba. Mam gesa sẽn deng n yi-b yembdã pʋg n wa wã sõadg sebrẽ, la m yãndame tɩ b gʋlsa beenẽ a woto:
6
Ad neb nins Babilond naab a Nebukatnedzaar sẽn dag n yõg n tɩ kẽes yembdã sʋk neb kẽer sẽn yi beenẽ n lebg n wa Zeruzalɛm ne Zʋʋda tẽngã pʋgã. La ned kam fãa kuila a meng tẽngẽ.
7
Ad neb nins sẽn tall bãmb n wa wã yʋya: Yaa a Zorobabɛlle, a Zozoe, a Neemi, a Azariya, a Raamiya, a Nahamani, a Mordokayi, a Bilsãn, a Misperɛte, a Bigvayi ne a Nehum la a Baana. Ad Israyɛll neb nins sẽn tũ bãmb n wa wã sõore.
8
A Paryoos yagensã yaa neb tus a yiib la koabg la pis-yopoe la a yiibu,
9
t'a Sefatiya roogã neb yaa kobs-tã la pis-yopoe la a yiibu,
10
t'a Aara roogã neb yaa kobs-yoob la pis-nu la a yiibu,
11
la a Pahat-Moaab roogã neb sẽn yaa a Zozoe ne a Zoaab yagensã yaa neb tus a yiib la kobs-nii la piig la a nii,
12
t'a Elam roogã neb yaa tusr la kobsi la pis-nu la a naase,
13
t'a Zatu roogã neb yaa kobs-nii la pis-naas la a nu,
14
t'a Zakayi roogã neb yaa kobs-yopoe la pis-yoobe,
15
t'a Binui roogã neb yaa kobs-yoob la pis-naas la a nii,
16
t'a Bebayi roogã neb yaa kobs-yoob la pisi la a nii,
17
t'a Azgaad roogã neb yaa tus a yiib la kobs-tã la pisi la a yiibu,
18
t'a Adonikam doogã neb yaa kobs-yoob la pis-yoob la a yopoe,
19
t'a Bigvayi roogã neb yaa tus a yiib la pis-yoob la a yopoe,
20
t'a Adin doogã neb yaa kobs-yoob la pis-nu la a nu,
21
la a Ezekɩyaas ned a Atɛɛr roogã neb yaa pis-wɛ la a nii,
22
t'a Asum doogã neb yaa kobs-tã la pisi la a nii,
23
t'a Besayi roogã neb yaa kobs-tã la pisi la a naase,
24
t'a Harif roogã neb yaa koabg la piig la a yiibu,
25
t'a Gabawõ roogã neb yaa pis-wɛ la a nu,
26
la Betlehɛm ne Netofa nebã yaa koabg la pis-nii la a nii,
27
tɩ Anatot nebã yaa kobg la pisi la a nii,
28
tɩ Bɛt-Avmawɛt nebã yaa pis-naas la a yiibu,
29
la Kiryat-Yeyarim ne Kefɩra la Beerot nebã yaa kobs-yopoe la pis-naas la a tãabo,
30
tɩ Rama ne Geeva nebã yaa kobs-yoob la pisi la a yembre,
31
tɩ Mikmaas nebã yaa koabg la pisi la a yiibu,
32
tɩ Betɛll ne Ayi nebã yaa koabg la pisi la a tãabo,
33
la Neebo tẽng a to wã nebã yaa pis-nu la a yiibu,
34
tɩ Elam a to me yagensã sõor yaa tusr la kobsi la pis-nu la a naase,
35
t'a Harim roogã neb yaa kobs-tã la pisi,
36
t'a Zeeriko roogã neb yaa kobs-tã la pis-naas la a nu,
37
la a Lood ne a Hadiid la a Ono roogã neb yaa kobs-yopoe la pisi la a yembre,
38
t'a Sena roogã neb tus a tãab la kobs-wɛ la pis-tã,
39
la maan-kʋʋdbã, rat n yeel t'a Yedaya sẽn yaa a Zozoe roogã neb yaa kobs-wɛ la pis-yopoe la a tãabo.
40
A Imeer doogã neb yaa tusr la pis-nu la a yiibu,
41
t'a Pasehʋʋr doogã neb yaa tusr la kobsi la pis-naas la a yopoe,
42
t'a Harim doogã neb yaa tusr la piig la a yopoe,
43
La maan-kʋʋdbã sẽn yaa Leevi buudã, sẽn yaa a Zozoe yagensã, rat n yeel t'a Kadmiyɛll ne a Hodwa neb yaa pis-yopoe la a naase.
44
La yɩɩn-yɩɩndbã sẽn yaa a Azaf yagensã yaa neb koabg la pis-naas la a nii,
45
Zag-noy gũudbã, a Salum ne a Atɛɛre, la a Talmon, ne a Akuub la a Hatita ne a Sobayi yagensã fãa yaa neb koabg la pis-tã la a nii.
46
Ad tʋmtʋmdbã: yaa a Siha ne a Hasufa, la a Tabaot yagensã,
47
ne a Keroose, la a Siya, ne a Padon yagensã,
48
ne a Levana yagensã, la a Hagaava yagensã, ne a Salmayi yagensã,
49
la a Hanan yagensã, ne a Gidɛll yagensã, la a Gahaar yagensã,
50
ne a Reyaya yagensã, la a Resin yagensã, ne a Nekoda yagensã,
51
la a Gaazam yagensã, ne a Uuza yagensã, la a Paseya yagensã,
52
ne a Bezayi yagensã, la a Mewunim yagensã, ne a Nefisim yagensã,
53
la a Bakbuk yagensã, ne a Hakufa yagensã, la a Harʋʋr yagensã,
54
ne a Baslit yagensã, la a Mehida yagensã, ne a Harsa yagensã,
55
la a Barkoos yagensã, ne a Sizeera yagensã, la a Tama yagensã,
56
ne a Nesiyat yagensã, la a Hatifa yagensã.
57
A Salmo tʋmtʋmdbã yagens yaa a Sotayi yagensã, a Soferɛt yagensã, la a Perida yagensã,
58
ne a Yaala yagensã, la a Darkon yagensã, ne a Gidɛll yagensã,
59
la a Sefatiya yagensã, ne a Hatill yagensã, la a Pokerɛt-Ha-Sebayim yagensã, ne a Amo yagensã.
60
Wẽnnaam doogã tʋmtʋmdbã zãnga, ne a Salmo yembsã kamb fãa sõor yaa neb 392.
61
Ad neb nins sẽn yi Tɛll-Mela, ne Tel-Harsa, la Keruub-Adõn, ne Imeer n wa, n yaool n ka tõog n wilg tɩ bãmb ba wã roogo, wall b buudã yaa Israyɛll buudã.
62
Bãmb fãa sõorã rag n yaa neb kobs-yoob la pis-naas la a yiibu, la bãmb yaa a Delaya ne a Tobiza la a Nekoda yagense.
63
Maan-kʋʋdbã sʋk me, yaa a Hobaya yagensã, ne a Hakoos yagensã, la a Barzɩlayi yagensã. A Barzɩlayi rag n peega Galaad rao a Barzɩlayi bi-pugl n maan a paga, tɩ b kell n dɩk a rɛɛmbã yʋʋr n pʋd-a t'a Barzɩlayi.
64
Bãmb vɛɛsa b yaab-rãmbã sõadg sɛb pʋse, n na n ges b sã n yaa Israyɛll buudu, la bãmb ka yã bũmb sẽn wilgd tɩ b yaa Israyɛll buud ye. Dẽ, b geelga bãmb wa bu-rẽgdo, la b yiis-b-la maan-kʋʋr tʋʋmdã pʋga.
65
La gʋvɛrneerã meng yeela bãmb tɩ b ra tol n dɩ kũunã sẽn welg toorã rɩɩbo, hal tɩ maan-kʋʋdã sok Wẽnnaam ne Urim la Purim n ges b sã n segd n dɩɩme wal b ka segd n dɩ.
66
Israyɛll neb nins sẽn yi yembdã pʋg n lebg n wa wã fãa sõor yaa neb tus-pis-naas la a yiib la kobs-tã la pis-yoobe.
67
La yaa sẽn ka naag ne bãmb tʋmtʋmd-pogsã la tʋmtʋmd-raopã sõor sẽn yaa tus a yopoe la kobs-tã la pis-tã la yopoe, n paas yɩɩn-yɩɩndba, pagb ne raop kobsi la pis-naas la a nu n dag n be b sʋka.
68
Bãmb dag n tara yʋgma kobs-naas la pis-tã la a nu, ne bõens tus a yoob la kobs-yopoe la pisi.
69
Buudã kãsem-dãmbã kẽer kõo kũun tʋʋmdã yĩnga. La gʋvɛrneerã kõo sãnem wakɩ-koeems tusri, ne laas pis-nu, la maan-kʋʋr fut kobs-nu la pis-tã.
70
Buudã kãsem-dãmbã sẽn kõ kũunã tʋʋmdã yĩngã yaa sãnem wakɩ-koeems tus-pisi, ne wanzuri sẽn tat kɩlo tus a yiib la kobsi.
71
La Israyɛll neb a taabã kõo sãnem wakɩ-koeems tus-pisi, ne wanzuri kɩlo tusri, la maan-kʋʋr fut pis-yoob la a yopoe.
72
Woto, maan-kʋʋdbã ne Leevi buudã, la zag-noy gũudbã, ne yɩɩn-yɩɩndbã, la nebã pʋɩ-sʋka, Israyɛll neb a taab sẽn yaa Wẽnd doogã tʋmtʋmdbã, ne Israyɛll neb a taabã ned kam fãa kẽng n tɩ kẽ b meng tẽmsẽ wã. La kiuug a yopoe soabã sẽn wa n na n ta, tɩ Israyɛll yagensã ned kam fãa be a tẽngẽ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 8 →
All chapters:
1
2
3
4
5
6
7
8
9
10
11
12
13
Recommended Reading
Commentary
Nehemiah Commentaries
→
Devotional
Nehemiah Devotional Guide
→
Get This Bible
Mossi MPBU (WẼNNAAM SEBRE ) Study Bible
→