1 Chronicles 2 — Marathi MARVBSI (पवित्र शास्त्र RV (Re-edited) Bible (BSI))

1इस्राएलाचे पुत्र हे: रऊबेन, शिमोन, लेवी, यहूदा, इस्साखार, जबुलून,

2दान, योसेफ, बन्यामीन, नफताली, गाद व आशेर. यहूदाचे वंशज

3यहूदाचे पुत्र हे: एर, ओनान व शेला; हे तिघे कनानीण बथ-शूवा हिच्या पोटी त्याला झाले. यहूदाचा ज्येष्ठ पुत्र एर हा परमेश्वराच्या दृष्टीने दुष्ट असल्यामुळे त्याला त्याने जिवे मारले.

4यहूदाची सून तामार हिच्यापासून त्याला पेरेस व जेरह हे झाले; यहूदाला एकंदर पाच पुत्र झाले.

5पेरेसाचे पुत्र: हेस्रोन व हामूल;

6जेरहाचे पुत्र: जिम्री, एथान, हेमान, कल्कोल व दारा असे एकंदर पाच.

7कर्मीचा पुत्र आखान; ह्यानेच समर्पित वस्तूसंबंधाने आगळीक करून इस्राएलास क्लेश दिला.

8एथानाचा पुत्र अजर्‍या.

9हेस्रोनास झालेले पुत्र यरहमेल, राम व कलुबाय हे होत.

10रामास अम्मीनादाब झाला आणि अम्मीनादाबास यहूदा वंशाचा सरदार नहशोन हा झाला;

11नहशोनाला सल्मा झाला, व सल्माला बवाज झाला;

12बवाजाला ओबेद झाला व ओबेदाला इशाय झाला;

13इशायाचा ज्येष्ठ पुत्र अलीयाब, दुसरा अबीनादाब, तिसरा शिमा,

14चवथा नथनेल, पाचवा रदाय,

15सहावा ओसेम व सातवा दावीद हे पुत्र झाले;

16व त्यांच्या बहिणी सरूवा व अबीगईल ह्या होत. सरूवेचे अबीशय, यवाब व असाएल असे तिघे पुत्र होते.

17अबीगईलीस अमासा झाला. अमासाचा बाप येथेर इश्माएली हा होता.

18कालेब बिन हेस्रोन ह्याला त्याच्या बायका अजूबा व यरियोथ ह्यांच्यापासून संतती झाली. अजूबेचे पुत्र येशेर, शोबाब व अर्दोन हे होत.

19अजूबा मेल्यावर कालेबाने एफ्राथेशी लग्न केले, तिच्या पोटी त्याला हूर झाला.

20हूरास ऊरी झाला व ऊरीस बसालेल झाला.

21नंतर हेस्रोन हा गिलादाचा बाप माखीर ह्याच्या कन्येपाशी गेला; तो साठ वर्षांचा असता त्याने तिच्याशी लग्न केले व तिच्या पोटी त्याला सगूब झाला.

22सगूबास याईर झाला; ह्याची गिलाद प्रांतात तेवीस नगरे होती.

23गशूर व अराम ह्यांनी त्यांच्यापासून हव्वोथयाईर व कनाथ आणि त्यांच्या आसपासची खेडीपाडी अशी एकंदर साठ नगरे हस्तगत केली. गिलादाचा बाप माखीर ह्याची ही संतती होय.

24हेस्रोन हा कालेब-एफ्राथ येथे मृत्यू पावल्यावर त्याची बायको अबीया हिच्या पोटी त्याला तकोवाचा बाप अश्हूर हा झाला.

25हेस्रोनाचा ज्येष्ठ पुत्र यरहमेल ह्याचे पुत्र: ज्येष्ठ पुत्र राम, बुना, ओरेम, ओसेम व अहीया हे होत.

26यरहमेलाची अटारा नावाची दुसरी एक बायको होती; ती ओनाम ह्याची आई होय.

27यरहमेलाचा ज्येष्ठ पुत्र राम ह्याचे पुत्र: मास, यामीन व एकर.

28ओनामाचे पुत्र: शम्मय व यादा; शम्मयाचे पुत्र: नादाब व अबीशूर.

29अबीशूराच्या बायकोचे नाव अबीहाईल असे होते; तिच्या पोटी त्याला अहबान व मोलीद हे झाले.

30नादाबाचे पुत्र; सलेद व अप्पईम; सलेद निपुत्रिक मेला.

31अप्पईमाचा पुत्र इशी. इशीचा पुत्र शेशान. शेशानाचा पुत्र अहलय.

32शम्मयाचा भाऊ यादा ह्याचे पुत्र: येथेर व योनाथान; येथेर हा निपुत्रिक मेला.

33योनाथानाचे पुत्र: पेलेथ व जाजा. यरहमेलाची संतती ही.

34शेशानास पुत्र नव्हते; कन्या होत्या. त्याचा यरहा नावाचा एक मिसरी चाकर होता.

35शेशानाने आपली कन्या, आपला चाकर यरहा ह्याला दिली; तिच्या पोटी त्याला अत्ताय झाला.

36अत्तायास नाथान झाला, नाथानास जाबाद झाला;

37जाबादास एफ्लाल झाला; एफलालास ओबेद झाला;

38ओबेदास येहू झाला, येहूस अजर्‍या झाला;

39अजर्‍यास हेलस झाला, हेलसाला एलासा झाला;

40एलासाला सिस्माय झाला, सिस्मायास शल्लूम झाला;

41शल्लूमास यकम्या झाला; यकम्यास अलीशामा झाला.

42यरहमेलाचा भाऊ कालेब ह्याचा ज्येष्ठ पुत्र जीफाचा बाप मेशा; हेब्रोनाचा बाप मारेशा ह्याचा वंशही त्याच्यापासूनच झाला.

43हेब्रोनाचे पुत्र: कोरह, तप्पूर, रेकेम व शमा.

44शमास रहम झाला. तो यर्कामाचा बाप; रेकेमास शम्मय झाला.

45शम्मयाचा पुत्र मावोन; मावोन बेथसूराचा बाप.

46कालेबाची उपपत्नी एफा हिला हारान, मोसा व गाजेज हे झाले; हारानास गाजेज झाला.

47यादायाचे पुत्र: रेगेम, योथाम, गेशान, पेलेट, एफा व शाफ.

48कालेबाची उपपत्नी माका हिला शेबेर व तिर्‍हना हे झाले.

49ह्यांशिवाय तिला मद्मानाचा बाप शाफ, आणि मखबेना व गिबा ह्यांचा बाप शवा हे झाले; कालेबाची कन्या अखसा.

50ही कालेबाची संतती होय. एफ्राथेच्या पोटचा ज्येष्ठ पुत्र होर, ह्याचा पुत्र किर्याथ-यारीमाचा बाप शोबाल हा होता.

51सल्मा हा बेथेलहेमाचा बाप; हारेफ हा बेथगादेराचा बाप.

52किर्याथ-यारीमाचा बाप शोबाल ह्याच्या वंशात हारोवे व अर्धे मनुहोथवासी हे झाले.

53किर्याथ-यारीम ह्याची कुळे: इथ्री, पूथी, शुमाथी व मिश्राई; ह्यांच्यापासून सराथी व एष्टाबुली ही निघाली.

54सल्माचे वंशज: बेथलेहेम, नटोफाथी, अटरोथ-बेथ-यवाब, आणि अर्धे मानहतवासी म्हणजे सारी;

55आणि याबेस येथे राहणारी लेखकांची कुळे म्हणजे तिराथी, शिमाथी व सुकाथी; ही रेखाब घराण्याचा मूळ पुरुष हम्मथ ह्याच्या वंशातली केनी कुळे होत.