bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mewari
/
mewari
/
Acts 16
Acts 16
mewari
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
1
पछे पोलुस दिरबे अन लुस्त्रा नगर में ग्यो, वटे तिमुतियुस नाम को एक विस्वासी रेतो हो, जो एक यहूदी विस्वासी लुगई को छोरो हो, पण वींका बापू युनानी हा।
2
वींकी लुस्त्रा अन इकुनियम का विस्वास्याँ में हव पेट ही।
3
पोलुस की मरजी ही के, तिमुतियुस ने आपणाँ हाते लेन जावे। ईंका वाते पोलुस वींको खतनो किदो, काँके वटे रेबावाळा हंगळा यहूदी मनक जाणता हा के, वींका बापू युनानी हे।
4
अन वीं नगरऊँ जाता तका वीं नेमा ने, जो यरूसलेम का थरप्या तका मनक अन बुड़ा-ठाड़ा बणाया हा, वाँने हिकाता अन मानबा के वाते केता हा।
5
ईं तरियऊँ वटे विस्वास्याँ की मण्डळ्या विस्वास में बड़गी अन रोज वाँकी गणती हेली वेती।
6
वीं फुरगिया अन गलातिया का इलाका में वेन ग्या, काँके पुवितर आत्मा वाँने आसिया में हव हमच्यार हुणाबा वाते नटग्यो हो।
7
वीं मुसिया नगर का हिमाड़ा में जान, बितुनिया में जाणो छारिया हा, पण ईसू की आत्मा वाँने जाबा ने दिदा।
8
अन, वीं मुसिया में वेन त्रोआस नगर में ग्या
9
वटे पोलुस रात में दरसावो देक्यो के, एक मकिदुनिया को मनक ऊबो वेन पोलुसऊँ अरज करबा लागो, “वटूँ मकिदुनिया आ अन माँकी मदत कर।”
10
पोलुस ओ दरसावो देकतईं, तरत माँ मकिदुनिया जाणो छायो, ओ हमजन के, परमेसर माँने वटे हव हमच्यार हुणाबा वाते बलाया हे।
11
ईं वाते त्रोआसऊँ माँ जाँजऊँ हुदा सुमात्रा में वेन दूजे दन नियापुलिस पूग्या।
12
पछे वटूँ माँ फिलिप्पी पूग्या, जो मकिदुनिया देस को मुक्य नगर हो अन रोमियाँ की वस्ती ही, अन वटे थोड़ाक दन रिया
13
माँ सबद का दन ओ हमजन नगर का फाटक बारणे नंदी का घाट पे ग्या के, वटे परातना करबा की जगाँ वेई, अन वटे नरी लुगायाँ भेळी वेरी ही, वाँका नके जान वाकाँऊँ बाताँ करबा लागा।
14
वटे लुदिया नाम की एक लुगई ही, जो थुआतीरा नगर की ही, ज्या रेसम का गाबा बेंचती अन भगती करबावाळी ही। परमेसर वींका मन में आ बात नाकी के, वा पोलुस की बाताँ ने ध्यानऊँ हुणे।
15
जदी वा लुगई अन वींका परवारवाळा हंगळा हाते बतिस्मो लिदो तो वणी माँकी मनवार किदी के, “यद्याँ थाँ मने परमेसर में विस्वास करबावाळी लुगई हमजो, तो अटूँ मारे हाते चालो अन मारे घरे रो।” जद्याँ तईं माँ राजी ने व्या, तद्याँ तईं वा मनवार करतिइस री।
16
जदी माँ परातना करबा की जगाँ जईरा हा, तो माने एक दासी मली, जिंमें आगली बाताँ बताबावाळी आत्मा ही, अन वा लुगई आगली बतान आपणाँ मालिकाँ के वाते नरोई कमान लाती ही।
17
वाँ पोलुस अन माँके पाच्छे आन हाको करबा लागी के, “ईं मनक परम-परदान परमेसर का भगत हे, जो थाँने बंचाबावाळो गेलो बतावे हे।”
18
वा नरई दनाँ तईं अस्यानीस करती री, जद्याँ पोलुस घणो परेसान व्यो, अन पाछो फरन वीं हुगली आत्माऊँ क्यो “मूँ थने ईसू मसी का नामऊँ आग्या दूँ हूँ के, अणी मूँ निकळजा” अन वा वणीस दाण वींमूँ बारणे निकळगी।
19
जदी वींका मालिकाँ देक्यो के, आपणी कमई की आस जाती री, तो पोलुस अन सिलास ने पकड़न बजार का बंच में अदिकारियाँ का नके गड़ीन लाया।
20
वाँने अदिकारियाँ नके लेग्या अन क्यो, “ईं मनक जो यहूदी हे, आपणाँ नगर में माहोल खराब कररिया हे।
21
अन अस्या रिति-रिवाज बतारिया हे, जणा ने मानणा अन करणा आपीं रोमी लोगाँ का नेमा के विरोद में हे।”
22
तद्याँ भीड़ वाँका विरोद में वेगी, अन अदिकारियाँ वाँका गाबा फाड़बा अन हरियाऊँ मारबा को हुकम दिदो।
23
वाँने खुब कूटन जेळ में नाक दिदा अन वाँने जाप्ता में राकबा के वाते पेरादाराँ ने राक्या,
24
वाँकाणी हुकम मानन वाँने जेळ की मयने की कोटड़ी में नाकन वाँके पगाँ में बेड़ियाँ नाक दिदी।
25
आदीक रात का पोलुस अन सिलास परातना कररिया अन परमेसर का वाते भजन गारिया हा। जेळ में दूजाँ ओर मनक हा वीं वाँने हुणरिया हा,
26
अणाचेत को जोरऊँ भूकम आयो, अन जेळ की नीमा हालगी अन फटाकऊँ हंगळा कमाड़ खुलग्या अन हंगळा मनकाँ की हाँकळा खुलगी
27
जेळ को अदिकारी जागग्यो अन जेळ का हंगळा कमाड़ खुला तका देकन होच्यो के, हंगळा केदी भागग्या हे, ओ हमजन खुदाखुद तरवार लेन मरणो छायो।
28
पण पोलुस जोरऊँ हाको करन क्यो, “थूँ खुद ने मत मार, काँके माँ हाराई अटीस हाँ”।
29
तद्याँ अदिकारी उजिता वाते पूँछ्यो अन दरपन धूजतो तको पोलुस अन सिलास के पगाँ पड़ग्यो,
30
अन वाँने बारणे लान क्यो, “हो भई-लोगाँ! बंचबा के वाते मूँ कई करूँ?”
31
वणा क्यो “परबू ईसू पे विस्वास केरी, तो थूँ अन थाँको परवार बंच जाई।”
32
वणा वींने अन वींका घर का हंगळा ने परबू का बचन हुणाया।
33
वो रात में वणीस दाण पतरस अन सिलास ने लेग्यो अन वाँके लागी तकी ने धुई अन वणी अन वींका घर का हंगळा मनक तरत बतिस्मो लिदो।
34
वो वाँने घरे लेग्यो अन वणा ने रोट्याँ खुवई। वीं अन वींको हारोई कटुम्ब परमेसर पे विस्वास करन आणन्दऊँ भरग्यो।
35
जद्याँ दन व्यो तद्याँ हाकिमा अदिकारियाँ के हाते केन खन्दायो के वणा मनकाँ ने छोड़ दो।
36
पेरादार आ बात पोलुस ने की “हाकम थाँने छोड़ देबा को हुकम दिदो हे, ईं वाते ऊबा वो अन आरामऊँ परा जावो”
37
पण पोलुस अदिकारियाँ ने क्यो “माँ रोमी मनक हाँ, तुई वे बना दोसऊँ माँने मनकाँ के हामे कुट्या अन जेळ में नाक्या, अबे कई माँने छानेकूँ निकळबाने केरिया हो?, अस्यान ने वेवे, पण वीं खुद आन माने बारणे काड़ी।”
38
जद्याँ अदिकारियाँ या बात हाकमऊँ जान क्यो तद्याँ या बात हुणन हाकम दरपग्या के, वीं रोमी हे।
39
अन हाकम आन वाँने हमजाया अन वाँने बारणे लेजान हाता-जोड़ी किदी अन वीं नगरऊँ जाबा ने क्यो।
40
वे जेळऊँ निकळन लुदिया के वटे ग्या, अन हंगळा विस्वास्याँ ने धिजो बन्दान पराग्या।
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28