bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mewari
/
mewari
/
Acts 21
Acts 21
mewari
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
जद्याँ माँ वाकाँऊँ हिक लेन जाँजऊँ हुदा कोस जा पूग्या अन पछे दूजे दन रुदुस में अन वटूऊँ पतरा में पराग्या।
2
वटे माने एक जाँज फीनीके जातो तको मल्यो, अन माँ वींका ऊपरे चड़न चाल पड़्या।
3
जद्याँ साइपरस दिक्यो, तो माँ लंकव सिरिया आड़ी चाल पड़्या अन सूर में जा पोछ्याँ, काँके वटे जाँज मूँ माल उतारनो हो अन माँ भी वटेईस उतरग्या।
4
वटे विस्वास्याँ ने होद्या अन एक हपता तईं वटे रिया, अन वणा आत्माऊँ भरन पोलुसऊँ क्यो के, यरूसलेम में पग मत मेलज्ये।
5
जद्याँ वीं दन पूरा वेग्या तो माँ वटूँ चाल पड़या, अन वटा का हंगळा मनक अन वाँकी लुगायाँ अन छोरा-छोरी माँने नगर का बारणे तईं मेलवा आया, अन समन्द का कनारे माँ हंगळा गोडा टेकन परातना किदी।
6
तद्याँ एक-दूजाऊँ हिक लेन, जाँज में बेट्या अन वीं आपणाँ-आपणाँ घरे पराग्या।
7
तद्याँ माँ सूरऊँ जाँज में पतुलेमियस पोंच्या, अन वटा का भायाँऊँ नमस्कार किदो अन एक दन वटे रिया।
8
दूजे दन माँ वटूँ केसरिया में आया, अन फिलिपुस नाम को एक मनक जो हव हमच्यार को परच्यार करतो हो, वटे यरूसलेम में चुण्या तका हात सेवा करबावाळा मूँ एक जणो हो, वींका वटे रिया।
9
वींके च्यार कूँवारी छोरियाँ ही, जो परमेसर के आड़ीऊँ बोलती ही।
10
जद्याँ माँकाणी वटे थोड़ाक दन रिया तद्याँ यहूदियाँऊँ अगबुस नाम को एक परमेसर का आड़ीऊँ बोलबावाळो वटे आयो।
11
वो मनक माकाँ नके आन पोलुस का बेलपट्याऊँ आपणाँ हात-पग बाँदन क्यो, “पुवितर आत्मा ओ केवे के, जिंको ओ बेलपट्यो हे, वींने यरूसलेम में यहूदी मनक अस्यानीस बांदी अन जो यहूदी ने हे वाँने हूँप देई।”
12
जद्याँ माँ आ बात हूणी तो माँ अन वटा का लोगाँ पोलुस ने यरूसलेम ने जाबा वाते अरज किदी।
13
पण पोलुस जवाब दिदो, “थाँ अस्यान रो-रोन मारी मन काँ तोड़ रिया हो। मूँ तो परबू ईसू का नाम वाते बेस बन्दवा वातेईस ने पण मरवा के वाते भी त्यार हूँ”।
14
माँ वींने मना ने सक्या तो ओ केन छोड़ दिदो, “जस्यान परबू की मरजी वस्यान वेवे।”
15
ईं दनाँ केड़े माँ त्यारी करन यरूसलेम चाल पड़्या।
16
केसरियाऊँ भी थोड़ाक चेला माकाँ हाते आया, अन माने मनसोन नाम को जो साइपरस देस की पेली विस्वास्याँ की मण्डली का चेला मूँ एक हो, वींका अटे लाया, काँके माँने वटे रेणो हो।
17
जद्याँ माँ यरूसलेम पूग्या, तो वटा का भई-बन्द माँकाऊँ घणा राजी वेन माँकी आवभगत किदी।
18
दूजे दन पोलुस माँके हण्डे याकूब का नके ग्यो, जटे हंगळा बुड़ा-ठाड़ा लोग भेळा वेरिया हा,
19
पोलुस वाँकाऊँ नमस्कार किदो अन जो यहूदी ने हा वाँका बचमें परमेसर वींकाऊँ कराया तका हंगळा कामाँ ने एक-एक करन के हुणाया।
20
वणा ओ हुणन परमेसर की मेमा किदी, पछे वींऊँ क्यो, “हे भई, थूँ देकरियो हे के, यहूदियाँ मूँ करतईं हजार मनकाँ विस्वास किदो, अन हंगळाईं मूसा का नेमा का नेमा ने आका मनऊँ मानबावाळा हे।
21
वाँकाणी थाँका बारा में हिकायो हे के, थूँ जो यहूदी ने हे वाँमें रेबावाळा यहूदियाँ ने मूसा का नेमा ने छोड़ देबा का बारा में हिकावे अन केवे के, ने आपणाँ बाळकाँ को खतनो करावो अन ने यहूदियाँ का रिति-रिवाजाँ पे चालो
22
तो कई कराँ? वस्यान तो लोगाँ ने नंगे पड़ जाई के थूँ अटे आयो हे।
23
ईं वाते जो माँ थने काँ वोईस थूँ कर, माकाँ हण्डे चार मनक हे जणा बोलमा बोली हे,
24
वणा ने हाते लेन थूँ खुद ने पुवितर करले, अन वाँने खरचो दे के वीं टाट कड़ावे, तद्याँ हंगळा लोग जाण जाई के जीं बाताँ वणा थाँरा बारा में की ही, वीं हाँची कोयने पण थूँ भी अणीस वेवस्ता ने माने हे।
25
पण जणा जो यहूदी ने हे वामूँ विस्वास किदो, माँ सला करन वाँने संदेसो लिक्यो के, वीं मूरताँ ने चड़ाया तका मासऊँ छेटी रेवे अन गळो मरोड़्या जनावर को माँस ने खावे अन लुई ने पिवे अन कूकरमऊँ छेटी रेवे।”
26
तद्याँ पोलुस वणा मनकाँ ने हाते लेन दूजे दन वाँका हाते पुवितर वेन मन्दर में ग्यो, अन वटे जान पूँछ्यो के, पुवितर वेबा का दन कदी पूरा वेई अन माँ हरेक का वाते चड़ावो कदी चड़ायो जाई।
27
जद्याँ वीं हात दन पूरा वेबा में हा, तो आसिया देस का यहूदियाँ पोलुस ने मन्दर में देकन भीड़ ने उकसाया अन वींने पकड़यो
28
अन हाँको करन क्यो “हो इजराएल का मनकाँ, मदत करो? ओ वोईस मनक हे, जो लोगाँ के अन मूसा का नेमा के हामे रेन लोगाँ ने हिकावे अन अटा तईं के, वो जो यहूदी ने हे वींने मन्दर में लान ईंने अबड़ा दिदो हे”
29
अणा अस्यान किदो, काँके वणा वींने पेल्याँ भी इपिसुस का रेबावाळा त्रुफिमुस का हाते वाँका नगर में देक्यो हो, अन हमजग्या के, वो वींने भी मन्दर में लायो हे।
30
तद्याँ हंगळा नगर में हाका-भार वेगी, अन लोग भेळाँ वेग्या, अन पोलुस ने पकड़न मन्दरऊँ बारणे गड़ीन लाया, अन तरत मन्दर का कमाड़ जड़ नाक्या।
31
जद्याँ वीं पोलुस ने मारणो छारिया हा, तो रोमी टोळी का सेनापती नके संदेसो पोछ्यो के हंगळा यरूसलेम में हाका-भार वेरी हे।
32
तद्याँ वो तरत अदिकारी अन सपायाँ ने लेन पोलुस पे हमलो करबावाळा मनकाँ का दयने ग्यो, तो वणा लोगाँ वींने देकन पोलुस ने कुटणो छोड़ दिदो।
33
तद्याँ सेनापती पोलुस नके आयो अन वींने पकड़ लिदो अन दो हाकळाऊँ बांदबा को हुकम देन पूँछ्यो के “ओ कूण हे, अन अणी कई किदो?”
34
पण भीड़ में कुई कई केरियो अन दूजाँ ओरुँ कई केरिया हा अन जोरकी हाका-भार में वो हाँची बात ने हमज ने सक्यो, तो वणी वींने छावणी में लेजाबा को हुकम दिदो।
35
जद्याँ वीं पंगत्याँ तईं ग्या, तो अस्यान व्यो के वींने ऊसे तोकन ले जाणो पड़्यो, काँके वींका पाच्छे लोगाँ की भीड़ गुस्सा में हाका-भार करती तकी आरी ही।
36
लोग वींके आगे-पाछे भेळा वेन केरिया हा, “ईंने मार नाको”।
37
जद्याँ वीं पोलुस ने ले जारिया हा, तो पोलुस सेनापतीऊँ क्यो, “कई मूँ कई के सकूँ।” जदी वणी क्यो, “कई थूँ युनानी भासा जाणे हे?”
38
“कई थूँ वो मिसरी तो ने हे, जो पेल्याँ का दनाँ में विरोद करन चारेक हजार हत्यारा लोगाँ ने हुन्ना काकड़ में लेग्यो हो।”
39
पोलुस क्यो, “मूँ तो सिलिकिया का तरसूस नगर को यहूदी मनक हूँ, मूँ थाँराऊँ हाता-जोड़ी करूँ के मने अणा लोगाऊँ बाताँ करबा दे”।
40
जद्याँ सेनापती आग्या दिदी, तो पोलुस पंगत्याँ पे ऊबो वेन लोगाँ ने हातऊँ हानी किदी। जद्याँ वीं छाना-माना वेग्या तो वो इबरानी भासा में बोलबा लागो।
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28