bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Peter 1
1 Peter 1
Marwari Bible
Jump to:
Chapter 1
Chapter 2
Chapter 3
Chapter 4
Chapter 5
Chapter 2 →
1
पतरस री तरफ ऊं जिकौ यीसु मसीह रौ प्रेरित है, उण परदेसियां रै नाम, जिकौ पुन्तुस, गलतिया, कप्पदूकिया, आसिया, अर बिथुनिया मांय तितर बितर होयनै रैवता हा।
2
पिता परमेसर थांनै अपणै पैलै ग्यांन रै अनुसार चुणया है अर पवितर आतमा नै थांनै पवितर बणाया है इणरै जरियै थै यीसु मसीह री आग्या मांनौ, अर उणरै लोई ऊं सुद्ध होवो। थांनै परमेसर रौ अनुग्रह अर सानति मिळती रैवै।
3
म्हौरै परभु यीसु मसीह रै पिता परमेसर रौ धन्यवाद हो, जिणै यीसु मसीह नै मरयोड़ौ मांय ऊं जी उठनै रै दवारा, आपरी घणी दया ऊं अपांनै जिवती आसा रै लियै नवो जनम दियौ।
4
अबै थौरे सरग में राख्योड़ी उण पवितर विरासत रा वारिस होग्या हो जिकौ नीं कदैई सड़ै ला अर नीं कदैई नास होवैला अर नीं कदैई खोवैला।
5
थौरी रूखाळी परमेसर री सामरथ ऊं, विसवास रै दवारा उण उद्धार रै वास्तै बचावै है, जिकौ आवण वाळी घड़ी में परगट होणवाळी है,
6
अर इण कारण थै मगन होवो हो, पण जरुरी है की अबै कीं दिनां तांई कही तरैह री परीकसा रै कारण दुखी हो।
7
ओ इण वास्तै होयौ की थौरे परखयोड़ो विसवास, जिकौ अग्नि ऊं तायोड़ो नासवान सोने ऊं भी घणौ मूंगो है, यीसु मसीह रै परगट होणै री सौभा, महिमा अर आदर रौ कारण ठैरै।
8
उण ऊं थै बिना देख्यां परैम राखौ हो, अर अबै तो थै उण माथै बिना देख्यां विसवास करनै ऐड़ा आंणंद अर मगन होवो हो जिणरी बखाण की ही नीं जा सकै, जिकौ महिमा ऊं भरयोड़ौ है।
9
अर अपणै विसवास रौ प्रतिफल अरथावूं अपणी आतमा रौ उद्धार कर रिया हो।
10
इण उद्धार रै बारै मांय उण भविसयदाताओ घणी खोजबीन अर जांच पड़ताल किनी, जिणौनै उण अनुग्रह रै बारै में जिकौ थांरै माथै होणै वाळौ हो, भविसयवांणी की ही।
11
उणौनै इण बात री सौध किनी की मसीह री आतमा जिकौ उणमे ही, अर पैला ऊं इज मसीह रै दुखौ री अर उणरै पछै होणवाळी महिमा री गवाई देतो हो, वो कुण ऊं अर कीण घड़ी री तरफ इछारौ करतौ हो।
12
उण माथै ओ परगट किनो, की वे आपरी नीं बल्कि थांरी सेवा रै खातर ऐ बातां किया करता हा, जिणरौ समाचार अबै थांनै उणरै दवारा मिळियौ जिणौनै पवितर आतमा रै दवारा जिकौ सरग ऊं भेज्यौ ग्यौ। थांनै सुभ संदेस सुणाया, अर इण बातां नै सरगदूत ई ध्यांन ऊं देखणै री लालसा राखै है।
13
इण खातर अपणी अपणी बुद्धि री कमर बांधनै, अर सावचेत रैन उण अनुग्रह री पूरी आसा राखौ, जिकौ यीसु मसीह रै परगट होणै री घड़ी थांनै मिलनेवाळी है।
14
अर आग्याकारी टाबरौ रै ज्यूं बणौ, अपणी नासमझ रै वगत री पुराणी अभिलासाओं रै ज्यूं नीं बणौ।
15
पण ज्यौ थांरौ बुलाणै वाळौ परमेसर पवितर है, त्यौं ही थै भी अपणै सगळै चाल चलण में पवितर बणौ।
16
क्यूंकै लिख्यौ है, “पवितर बणौ, क्यूंकै म्हैं पवितर हूं।”
17
अर जद की थूं, “हे पिता” केन उण ऊं पराथना करौ हो, जिकौ बिना पकसपात हरैक रै कांम रै अनुसार न्याव करै है, तो अपणै परदेसी होणै रौ वगत परमेसर नै आदर देते होया जीवन बिताओ।
18
क्यूंकै थै जांणौ हो, की थौरो निकमो चाल-चलण जिकौ बाप दादो ऊं चालयौ आवै है उण ऊं थौरो छुटकारो चांदी सोनो अरथावूं नासवान चीजों रै दवारा नीं होयौ,
19
पण निरदोस अर निसकलंक उनियां मतलब मसीह रै किमती लोई रै दवारो होयौ।
20
उणरौ ग्यांन तो जगत री सरूआत रै पैला ऊं जांण्यौ गियौ हो, पण अबै इण आखरी जुग मे थौरे खातर परगट होयौ
21
जिकौ उणरै दवारो उण परमेसर माथै विसवास करौ हो, जिणनै उणै मरयोड़ौ मांय ऊं जीवतौ करयौ, अर महिमा दी। की थौरो विसवास अर आसा परमेसर माथै होवै।
22
इण वास्तै जद की थै भाईचारे री बिना चाल विसवास रै निमित सत्य नै मानणै ऊं अपणै मनो नै पवितर करया है, तो तन मन लगायनै एक दूजै ऊं घणौ परैम राखौ।
23
क्यूंकै थांनै नासवान नीं, पण अविनासी बीज ऊं, परमेसर रै जीवते अर हमेसां ठैरनेवाळे वचन रै दवारो नवो जनम पायो है।
24
क्यूंकै, “हरैक मांनखौ घास री ज्यूं है, अर उणरी सगळी सौभा घास रै फूल री ज्यूं है। घास सूख जावै है, अर फूल झड़ जावै है।
25
पण परभु रौ वचन युगानयुग बण्यौ रैवैला।” अर ओ इज सुभ संदेस रौ वचन है जिकौ थांनै सुणायो ग्यौ हो।
Jump to:
Chapter 1
Chapter 2
Chapter 3
Chapter 4
Chapter 5
Chapter 2 →
All chapters:
1
2
3
4
5