bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Peter 3
1 Peter 3
Marwari Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
हे लुगाईयां, थै ई अपणै घरधणी रै अधीन रौ। इण वास्तै की जे इण मांय ऊं कोई ऐड़ा हो जिकौ वचन नै कोनीं मानता हो,
2
तौभी थौरे भय साथै पवितर चाल चलण नै देखनै बिना वचन रै अपणी अपणी लुगाई रै चाल चलण रै दवारा खिचया चालया आवै।
3
अर थौरो सिंगार दिखावटी नीं हो, अरथावूं बाल गूंथणा, अर सोने रा गहणा पैरणा, या तरैह तरैह रा गाभा पैरणा।
4
बल्कि थौरो लुकयोड़ो अर गुपत इंसानियत, नरमाई अर मन री दीनता री अविनासी सजावट ऊं सावचेत रैवौ, क्यूंकै परमेसर री निजर में इणरौ मोल घणौ है।
5
अर पैला री वैळा री पवितर लुगाईयां भी, जिकौ परमेसर माथै आसा राखती ही, अपणै आप नै इण रीत ऊं संवारती अर अपणै अपणै धणी रै अधीन रैवती ही।
6
ज्यौ सारा अबराहम री आग्या में रैवती अर उणनै मालिक कैवती ही। इण वास्तै थै भी जे भलाई करौ, अर किणी तरैह रै भय ऊं भयभीत नीं हो, तो उणरी बेटियां ठैरोला।
7
त्यौं ही हे घरधणीयां, थै भी समझदारी ऊं लुगाईयां रै साथै जीवन बिताओ, अर लुगाई नै निबळां बरतन जांणनै उणरौ आदर करौ, ओ समझनै की म्हौ दोनूं जीवन रै वरदान रा वारिस हो, जिण ऊं थौरी पराथना रूक नीं सकै।
8
म्हारी आखरी इछा है की, सैंग रा सैंग एक मन अर करपा अर भाईचारे री प्रीति राखणवाळा, अर दया करणवाळा, अर नरमाई राखणवाळा बणौ।
9
भूंडाई रै बदळै भूंडाई मत करौ। अर नीं गाळी रै बदळै गाळी दो। पण इणरै बदळै आसीस ही दो। क्यूंकै थै आसीस रा वारिस होणै रै खातर बुलाया गिया हो।
10
क्यूंकै सास्तर मांय लिख्योड़ौ है की, “जिकौ कोई जीवन री इछा राखै है अर चौखा दिन देखणा चावै है, वो आपरी जीभ नै भूंडाई ऊं अर अपणै होठौ नै छळ री बातां करणै ऊं रोक राखै।
11
वो बुराई रौ साथ छोड़नै, भलाई करै। वो मेळ मिलाप नै सौधै, अर उणरै यत्न में रैवै।
12
क्यूंकै परभु री आंख्यां धरमियो माथै लाग्योड़ी रैवै है, अर उणरा कांन उणरी विनती री तरफ लाग्योड़ा रैवै है, पण परभु बुराई करणै वाळौ रै विरोध रैवै है।”
13
अर जे थै भलाई करणै में तैयार रैवौ तो थौरी बुराई करणैवाळौ पछै कुण है?
14
अर जे थै भलै कांमां रै खातर दुख भी उठाओ, तो धन्य हो। पण उणरै डराणै ऊं मत डरौ, अर नीं घबराओ।
15
पण मसीह नै परभु जांणनै अपणै अपणै मन में पवितर समझौ, अर जे कोई थौरे ऊं थौरी आसा रै बारै में कीं पूछै, तो उणनै उतर दैणै रै खातर हमेसां तैयार रैवौ, पण नरमाई अर भय रै साथै।
16
अर मन भी सुद्ध राखौ, इण वास्तै की जिण बातां रै बारै में वे जिकौ थौरे मसीह चौखै चाल चलण रौ अपमांन करै है, वो लजित हो।
17
क्यूंकै जे परमेसर री आहीज इछा हो, की थै भलाई करणै रै खातर दुख उठाओ, तो इण ऊं बड़िया ओ है की बुराई नै छोड़नै दुख ही उठा लौ।
18
क्यूंकै मसीह नै ही, अरथावूं अधरमियों रै खातर धरमी नै पापों रै कारण एक बार दुख उठायौ, ताकी म्हौ नै परमेसर रै खनै पूगावै। वो सरीर रै भाव ऊं तो घात कियो गियौ, पण आतमा रै भाव ऊं जिलायौ गियौ।
19
मरयोड़ौ मांय ऊं जीवतौ होणै रै पैला वो मरयोड़े लोगां री आतमा जिकौ कैद में ही उणनै सुभ संदेस सुणायो।
20
जिणौनै उण बीते वगत में परमेसर री आग्या नीं मानी जद परमेसर नूह रै दिनां में धीरज धरनै ठैरया रिया, अर वो नाव बण रियौ हो, जिणमे बैठनै कम लोग मतलब आठ प्राणी पांणी ऊं बच ग्या हा।
21
अर उण पांणी रौ दिस्टांत ई, अरथावूं बतिस्मो, यीसु मसीह रै जी उठनै रै द्धवारा, अबै थांनै बचावै है। उण ऊं सरीर रौ मैल नै आगौ करणै रौ अरथ कोनीं है, पण सुद्ध मन ऊं परमेसर रै वंस में हो जांणै रौ अरथ है।
22
वो सरग माथै जायनै परमेसर रै जीमणा पाड़ै बैठ ग्या। अर सरगदूत अर सरग रौ अधिकारियों अर सगतियो उणरै अधीन कर दीनी है।
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5