bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
1 Peter 2
1 Peter 2
Marwari Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 3 →
1
इण वास्तै सगळी तरैह रा बैरभाव अर छळ अर कपट अर जळण अर बदनामी नै आगा करनै,
2
नवा जनमयोड़ा टाबरौ रै ज्यूं निरमल आत्मिक दूध री लालसा करौ, ताकी उणरै दवारो उद्धार पाने रै वास्तै बढ़ता जाओ,
3
क्यूंकै अबै थै परभु री करपा रौ स्वाद चाख लियौ है।
4
उणरै खनै आयनै, जिणनै मिनखौ तो निकमो ठैरायौ, पण परमेसर रै नजीक चुणयोड़ौ, अर घणौ मूंगो जीवतौ भाटो है,
5
थै ई आप जीवते भाटे रै ज्यूं आत्मिक घर बणता जाओ हो, जिण ऊं याजकौ रौ पवितर समाज बणनै, ऐड़ा आत्मिक बलिदान चढ़ाओ, जिकौ यीसु मसीह रै दवारा परमेसर नै स्वीकार हो।
6
इण खातर पवितर सास्तर मांय भी आयौ है, “सुणौ, म्हैं सियोन नगर रै कोने रौ भाटो चुणयोड़ौ अर किमती भाटो धरू हूं। अर जिकौ कोई उण माथै विसवास करैला, वो किणी रीत ऊं लजित नीं होवैला।”
7
इण वास्तै थौरे खातर जिकौ विसवास करौ हो, वो तो घणौ किमती है, पण जिकौ विसवास नीं करै उणरै खातर “जिण भाटे नै कारीगरो निकमो ठैरायौ हो, वोहीज कोने रौ भाटो होय गियौ।”
8
अर “इण तरैह रौ भाटो बणग्यौ, जिण ऊं लोगां नै ठेस लागै। अर ठोकर खाणै री चटान जैड़ौ बणग्यौ है।” क्यूंकै वे तो वचन नै नीं मांन नै ठोकर खावै है अर इण रै कारण ठैरायौ गियौ है।
9
पण थै एक चुणयोड़ा वंस, अर राज-पदधारी याजकौ रौ समाज, अर पवितर लोग, अर परमेसर री निज परजा हो, इण वास्तै की जिणै थांनै अंधारै मांय ऊं आपरी अदभुत उजाळै मांय बुलाया है, उणरा गुण परगट करौ।
10
थै पैला तो कीं ई कोनीं हा, पण अबै तो परमेसर री परजा हो। थांरै माथै दया कोनीं होई ही, पण अबै थांरै माथै दया होई है।
11
हे म्हारै प्यारौ भाइयो, म्हैं थौरे ऊं विनती करूं हूं, की थै अपणै आप नै परदेसी जांणनै उण सांसारिक अभिलासाओं ऊं जिकौ आतमा ऊं युध करै है, बचया रैवौ।
12
गैर यहूदियो में थौरो चाल चलण भलौ हो। इण वास्तै की जिण जिण बातां में वे थांनै कुकरमी जांणनै बदनाम करै है, वे थौरे भलै कांमां नै देखनै उणौरै कारण करपा दिस्टी रै दिन परमेसर री महिमा करै।
13
परभु रै वास्तै मिनखौ रै ठैरायोड़ा हरैक प्रबन्ध रै अधीन मे रैवौ। राजा रै अधीन में इण वास्तै रौ, क्यूंकै वो सगळौ माथै परधान है।
14
अर हाकिमों रै अधीन इण वास्तै, क्यूंकै वे कुकरमियो नै डंड देवण अर चौखा कांम करणैवाळौ री सौभा रै खातर राजा री तरफ ऊं भेज्यौड़ा है।
15
क्यूंकै परमेसर री इछा आ है, की थै भलै कांम करनै ऊं निर्बुद्धि लोगां री नासमझ री बातां नै बंद कर दो।
16
अर अपणै आप नै आजाद जांणौ। पण अपणी इण आजादी नै बुराई रै वास्तै आड़ नीं बणाओ, पण अपणै आप नै परमेसर रा दास समझनै चालौ।
17
सैंगो रौ आदर करौ, भाइयो ऊं परैम राखौ, परमेसर ऊं डरौ, राजा रौ कदर करौ।
18
हे सेवकों, हरैक तरैह रै भय रै साथै अपणै मालिक रै अधीन रैवौ, नीं कैवल भलौ अर सीधौ रै, पण कठोर रै भी अधीन रौ।
19
क्यूंकै जे कोई परमेसर रौ विचार करनै अन्याव ऊं दुख उठातौ होयौ कलेस सहन करै है, तो आ भलाई री बात है।
20
पण जे थै भूंडा कांम करनै लात घूसा खावौ अर धीरज धरो, तो उणमे कुण सी बड़ाई री बात है? पण जे भलाई रौ कांम करनै दुख उठावो हो अर धीरज धरो हो, तो ओ परमेसर नै भावै है।
21
अर थै इण रै खातर बुलाया गिया हो क्यूंकै मसीह ई थौरे वास्तै दुख उठायनै, थांनै एक सिकसा देन गिया है, की थै ई उणरै निसाणी माथै चालौ।
22
सास्तर मांय लिख्योड़ौ है की, “नीं तो उणै पाप किनो, अर नीं उणरै मूंडै ऊं छळ री कोई बात निकळी।”
23
वो गाळी सुणनै गाळी कोनीं देतो हो, अर दुख उठान किणी नै ई धमकी कोनीं देतो हो, पण अपणै आप नै साचै न्यावी रै हाथ में सूंप दियौ।
24
वो आप इज म्हौरै पापों नै आपरी देह माथै लैयनै सूली माथै चढ़ग्या, जिण ऊं म्हौ पापों रै खातर मरनै धारमिकता रै खातर जीवन बिताओ। उणरै मार खाणै ऊं थै चंगा होया हो।
25
क्यूंकै थै पैला भटकयोड़ी लरड़ियां री ज्यूं हा, पण अबै अपणै आतमा रै रूखाळा अर गवाळौ रै खनै पाछा आयग्या हो।
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 3 →
All chapters:
1
2
3
4
5