1 Corinthians 13

Mazanderani GMB (گیله ماز)

← Chapter 12 Jump to: Chapter 14 →

1اَگِه آدَمان و فِرشتِگان و زبانان هَمرَه گَب بَزِنم، ولی مُحبت نِدارَم، ایتا سِنجی که خیلی سر و صدا کانه، وایتا توخالی طبل مِثانَم.

2اَگِه نَبوَّت هَکوردَنِ قُدرَتِ بِدارِم و بِتَّنَم تمام رازها و معرفت رِه بِفَهمَم، و اَگِه اینجور ایمانی بِدارِم که کامل هَبو جوریکه بِتَّنَم کوهِشان رِه جا‌به‌جا هَکُنَم، وَلی مُحبت نِدارَم، هیچَم.

3اَگِه هر چی بِدارم رِه صدقه هَدَم و می تنِ تَشِ الو یه بِسپارَم، ولی مُحبَت نِدارَم، هیچ سودی می عاید نَبونه.

4مُحبت صبور و مِهرَبان؛ مُحبت حَسودی نُکانه و فَخر نُکانِه محبت غرور نِدارِه.

5محبت بی اَدَب نیه و خودشه منفعتِ دُمّال دَنیِه؛ محبت غیض نُکانِه وکینِه به دِل نَگیرنِه؛

6مُحبت بَدی یه جی خوشحال نَبونه، وَلی حَقیقَتِ هَمرَه خُشحالی کانه.

7مُحبت هَمِه چی یه هَمرَه مُدارا کانه، محبت همه چیره باور کانه، هَمِش امید دارِه و همه چی رِه تَحمُل کانه.

8مُحبت هیچ وَخت تَمام نَبونه. وَلی نَبوَّتِشان از بِین شونِه و زبانها تَمام بونه و معرفت نیست بونه.

9چون اَمیِ معرفت کَم و کاسّی داره و اَمی نبوَّت هم کَم و کاسّی داره

10وَلی وَختی کامِل بییِه، کم و کاسّی از بِین شونِه.

11اون موقِه که ایتا کوچِ وَچِه بیشتر نَبام، ایتا کوچِ وَچِه یه مِثان گَب زَنِه بام و ایتا کوچِ وَچِه یه مِثان فِکر کانِه بام و ایتا کوچِ وَچِه یه مِثان دلیل هارنه بام. وَختی گته مَردای هَبام، می وَچه گی رفتارِ جی دَس بَکِشییَم.

12چون اونچه که اَلآن دینیم، آینِه یه دِلهِ ایتا تیره و تارِه عکس ماندِنِه، ولی موقِه ایی رسِنِه که رو دَر رو اونه دینیم. اَلآن می معرفت کم و کاسّی داره، ولی موقِه ایی رَسِنه که کامل بونَم، اونجور که خدا می باره همه چیره کامل دانه.

13پس اَسِه، این سه چیز ماندِنِه: ایمان، اُمید و مُحبت. وَلی ایشانه دِلِه گَت ترین محبتِ.

← Chapter 12 Jump to: Chapter 14 →