1 Timothy 2

Mazanderani GMB (گیله ماز)

← Chapter 1 Jump to: Chapter 3 →

1پس، پیش اَز هر چی، خَنَم که خواسِّها، دُعاها، شفاعتها و شُکر هَکُردنها تمام مَردُم وَسین بِجا بیاردِه هَبو،

2پادشاهان و صاب منصبان وَسین، تا بَتَّنیم آرام و راحتِ زندگی بِداریم، که هر لحاظِ جی دیندار و وقارِ هَمرَه هَبو.

3چونکه این اَمیی نِجات دَهنده خُدایِ نَظر خُجیر و اونه بابِ دِلِ

4که خَنِهِ تمام مَردُم نِجات هَگیرَن و حَقیقتِ بِشناسِن.

5چونکه فقط ایتا خُدا دَرِه، و خُدا و آدَمان مین فقط ایتا واسِطه دَرِه، یَعنی اون انسان که مسیحْ عیسائه؛

6اونیکه خودشه جانِ هَدَئنِ هَمرَه، تمام آدَمانِ آزادی رِه بَهیَّه. این حقیقَتِ خُجیرِ وَختِ دِلِه شهادت هَدَه هَبا،

7چون مَن اینِه خاطِری تعیین هَبام تا غیرِ یَهودیِانِ وَسین ایتا تعلیم دَهندِه و ایتا رسول و ایتا مُعلِم ایمان حقیقتِ دِلهِ هَبوم - حَقیقَتِ دَرَم گونَم و دُرو نَزَنَم.

8پَس می آرِزو این که مَرداکان هَمِه جا بی غِیظ و دعوا مُرافِه خودِشانِ دَسِّ دُعا هَکوردَنِ وَسین جآر بَبِرَن.

9هینجورم خَنَم که زِناکان آبرومَندانِه لِواس خودِشانِه تَن دَکُنِن، و نِجابت و حَیایِه هَمرَه، نه گیس هَکُردِه مو یه هَمرَه، یا طَلا و مروارید و یا گِران قیمتِ لِواسِشانِ هَمرَه،

10بلکه خُجیرِ کارانِ هَمرَه، هَمونجور که اون زِناکانِ لایقِ که دینداری یه اِدعا رِه دارَن.

11زَن بایسّی آرامِش و کاملِ اطاعتِ هَمرَه تعلیم هَگیره.

12مَن نُزارنَم که ایتا زِنا تعلیم هَدِه یا ایتا مَردای سَرمُسلَط هَبو؛ بلکه بایسّی آرام هَبو.

13چون آدَم، اَوَّل خلق هَبا و ایما حوا.

14وَ آدَم گول نُخاردِه، بلکه زَن با که گول بُخاردِه و نافرمان هَبا.

15وَلی زَن وَچِه بِزاسَّنِ هَمرَه نِجات گیرنِه، اَگِه ایمان و مُحبت و مُقدّس هَبوسَّن دِلهِ، نِجابتِ هَمرَه بُمانه.

← Chapter 1 Jump to: Chapter 3 →