1 Timothy 3

Mazanderani GMB (گیله ماز)

← Chapter 2 Jump to: Chapter 4 →

1این گَبِ شَئنِه اعتماد هَکُردَن: که اَگِه یِنفر آرِزو این هیسِه که کلیسای نِظارتِ کارِ بِدارِه، خُجیرِ کارِ دُمّال دَرِه.

2پس، ایتا ناظر بایِسّی هر چیه جی که اونه سَرکوفتِ باعِث بونه دور هَبو، ایتا زِنایِ وَفادارِ شو هَبو، هوشیار هَبو، خودشه جُلوهِ بِدارِه، با آبرو هَبو، مِهمان دوس هَبو و بَتَّنِه تعلیم هَدِه؛

3نه عرق خور، نه زورگو، بلکه آرام هَبو؛ نه جنگی، نه پولدوس.

4اون بایِسّی خودشه خانِواده رِه خُوب بَچِرخانِه، خودشه وَچِه هان رِه جوری بار بیارِه که تمام احترامِ هَمرَه، اونه جی اطاعت هَکُنَن.

5چون اَگِه کَسی نِدانه که چِطور بایِسّی خودشه خانوادهِ رِه بَچرخانِه، چِطور تانِه خُدای کلیسای جی مُراقِب هَکونه؟

6وَ تازِه ایمان نیارده بو، نَکُنِه مغرور هَبو و اِبلیسِ مِثان محکوم هَبو.

7بِعلاوِه، اون بایِسّی کِلیسایِ مَردُمِ دِرگای وَرجه هم خوش نام هَبو تا رُسوا نَبو و اِبلیسِ تَلِه دِلِه دَنِکه.

8هَمینجور کلیسای شَماسّان بایِسّی باوقار هَبون؛ دُورو نبون، شرابِ گرفتار نبون، نادُرسِّ سودِ حِرصِ نَزِنِن.

9اوشان بایِسّی ایمان رازِ، ایتا پاکِ وِجدانِ هَمرَه بِدارِن.

10وَ اوشان بایِسّی اَوَّل آزمون هَبون، ایما اَگِه ثابت هَکُردَن که بی عیبِن، بَنین شَماسّی یه کارِ دِلِه خِدمَت هَکُنَن.

11همینجور، اوشانه زِناکان هم بایسّی وَرازنده هَبون، تُهمت نَزِنِن، بلکه هوشیار هَبون و همه چی یه دِلهِ وفادار هَبون.

12شَماسّانِ جی هر کدام بایسّی ایتاَ زِنا بِدارِه و خودشه وچه شان و خانوادِه رِه خوُب بَچرخانِه.

13چون شَماسّانِی که خُجیر خِدمَت هَکُردهِ بون، ایتا خُجیرِ مقام گیرِنَن و اون ایمان دِلهِ که مسیحْ عیسی یِه دِلِئه، گَتِه اطمینان بِدس هارنَن.

14اُمید دارَم که خیلی زود تی ورجه بییَم، ولی ایشانهِ تِرِه نِویسِنِم تا،

15اَگِه می بَموئَن عقب دَکِته، بِدانی که خُدایِ سِرِه یه دِلِه که زندهِ خُدای کلیسا و حقیقتِ ستون و پِی هیسه، چِطور بایِسّی رفتار هَکُردن.

16راس راسی که دینداری یه راز خیلی گَتِئِه: اونیکه جسم دِلِه ظاهر هَبا، خُدایِ روحِ طریقِ جی تأیید هَبا، فرشتگان اونه بَدییَن، قومِشانِ میَن اعلام هَبا، دُنیایِ دِلِه اونه ایمان بیاردِن، جلالِ هَمرَه، جآر، بَبِردِه هَبا.

← Chapter 2 Jump to: Chapter 4 →