bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
1 Samuel 13
1 Samuel 13
Nuer Bible © Bible Society in South Sudan 1998,2012
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
2
Kä cu Thɔɔl nɛy ti bathdɔɔri diɔ̱k kuany kä ji̱ I-thɛ-rɛl. Cu nɛy ti bathdɔɔri rɛw te kɛɛl kɛ Thɔɔl kä Mik-mac, kɛnɛ wec päämni Beth-ɛl, kä cu nɛy ti bathdɔɔr te kɛɛl kɛ Jo-na-than kä Giba wec Ben-ya-min. Kä cuɛ duɔth nath jak kä wä dho̱rikiɛn.
3
Kä cu Jo-na-than ji̱ Pi-li-thɛt tin te kä Gabä joc, kä cu ji̱ Pi-li-thɛt ɛ liŋ. Kä cu Thɔɔl kaaŋ koth rɛy wec kɛɛliw wee i̱ “Ɛ ji̱ Ɣi-bɛ-ru liŋ jɛ.”
4
Kä cu ji̱ Pi-li-thɛt diaal ɛ liŋ ɛn ɣöö ci Thɔɔl ji̱ Pi-li-thɛt joc, kɛnɛ ɣöö ca ji̱ I-thɛ-rɛl lo̱k ɛ ji̱ Pi-li-thɛt. Kä cu ji̱ I-thɛ-rɛl rɔ cɔl kɛ ɣöö bikɛ rɔ̱ ma̱t Thɔɔl kä Gil-gal.
5
Kä cu ji̱ Pi-li-thɛt rɔ dol kɛ ɣöö bikɛ nyiëëny kɛ I-thɛ-rɛl, thurbiɛɛli ti bathdɔɔri ti jiɛɛn diɔ̱k, kɛ jiöŋkööri ti bathdɔɔri bäkɛl, kɛ rɛm mi di̱i̱t ce̱tdɛ nikɛ liɛt yiëër kɛ ŋuan. Cukɛ ben pua̱t kä Mik-mac, nhiam ɣɔaa kä Beth-a-wɛn.
6
Mëë ci ji̱ I-thɛ-rɛl ɛ nɛn i̱ ci ciaaŋdiɛn bɛ̈c, (Kɛ ɣöö ci naath cuuc), cukɛ rɔ tɛ̱̈ɛ̱̈ rɛy kɔ̱a̱kni, kɛ rɛy päämni.
7
Kä cu tha̱a̱ŋkiɛn kir Jɔr-dɛn jiath kui̱c, wäkɛ muun Gad kɛnɛ Gil-yad. Cu Thɔɔl ŋot kä Gil-gal, kä nɛy diaal tëë te kɛɛl kɛ jɛ cuɛ kɛ lath kɛ dual.
8
Cuɛ liep ɛn wi̱ni kɛ ni̱n bärɔw, tëë ca lar ɛ Tha-muɛl. Duundɛ ɣöö /Ken Tha-muɛl ben kä Gil-gal, kä cu naath wee däk piny kä jɛ.
9
Kä cu Thɔɔl wee i̱, “Nöŋɛ ɣä muc in waŋkɛ, kɛnɛ muc malä.” Kä cuɛ muc in waŋkɛ thöp.
10
Kä niɛ min thukɛ kɛ thöp mucä in waŋkɛ, cu Tha-muɛl cop. Kä cu Thɔɔl ɛ wä lor kä cuɛ jɛ ner.
11
Kä cu Tha-muɛl wee i̱, “Ɛŋu ci la̱t ɔ?” Kä cu Thɔɔl ɛ loc i̱, “Min cä nath nɛn däkɛ piny kä ɣä, kä /keni ben kɛ ni̱n tëë ci lar, kä ci ji̱ Pi-li-thɛt rɔ̱ dol kä Mik-mac,
12
Cua̱ cu wee i̱, ‘Dɔ̱ŋ bi ji̱ Pi-li-thɛt ɣä ben ma̱k kä Gil-gal, a /ka̱n Kuoth Nhial pal.’ Cua̱ cu jëk ni ɣöö bä muc in waŋkɛ thöp.”
13
Kä cu Tha-muɛl ɛ jiök i̱, “Ci lät ni dɔ̱ɔ̱rä, /keni lueek Kuɔth Nhial Kuothdu tit, tëë cɛ la̱t ji̱. Kɛ ɣöö dëë Kuoth Nhial ji̱ jak kä kuäär kä I-thɛ-rɛl amäni cäŋ kɛl.
14
Duundɛ ɣöö täämɛ /ci kuääru bi cuɔ̱p. Ci Kuoth Nhial raan lɔacdɛ go̱r. Kä cɛ jɛ kuany ala bööth nɛɛnikɛ, kɛ ɣöö /Keni min ca la̱r ji̱ ɛ Kuoth Nhial liŋ.”
15
Kä cu Tha-muɛl jiɛɛn kä Gil-gal wee kä Giba wec Ben-ya-min. Kä cu Thɔɔl nɛy tin te kɛɛl kɛ jɛ kuɛn ala nɛy ti kur bäkɛl.
16
Kä cu Thɔɔl kɛnɛ Jo-na-than gatdɛ, kɛ nɛy tin te kɛɛl kɛ kɛ cieŋ kä Gabä wec Ben-ya-min. Kä cu ji̱ Pi-li-thɛt pua̱t kä Mik-mac.
17
Kä cu ji̱ nyuɔɔni ben raar wi̱c ji̱ Pi-li-thɛt kɛ bun da̱ŋ diɔ̱k. Cu buɔ̱n kɛl wä lotdɛ ni Ɔp-ra mun Cu-al,
18
Kä cu buɔ̱n in dɔ̱ŋ wä lotdɛ ni Beth-o-ron, kä buɔ̱n in dɔ̱ŋ cuɛ lot ni ke̱y in te lotdä lo̱o̱lä Dhɛ-bo-im min wä därdɔaar.
19
Kä täämɛ thilɛ dëth ti te muun I-thɛ-rɛl Kɛɛliw. Kɛ ɣöö laar ji̱ Pi-li-thɛt ɛ i̱, “/Ci ji̱ I-thɛ-rɛl rɔ bi lɛ ta̱th mutni.”
20
Duundɛ ɣöö ku ji̱ I-thɛ-rɛl puɔ̱rikiɛn, kɛ carcaarikiɛn, kɛ jiöpnikiɛn kɛ cɔapnikiɛn la wä thɛr kä ji̱ Pi-li-thɛt.
21
Ku kɛ yiëëth la thöp kɛ pa̱t cueecä ɣɔ̱ɔ̱k kɛnɛ thër puɔ̱r, yio̱w da̱ŋ rɛw kɛ thër jiöp kɛnɛ carcaar.
22
Inɔ kɛ ni̱n ko̱o̱r thilɛ ram mi te tëtdɛ kɛ mut kä nɛy tin te kɛɛl kɛ Thɔɔl kɛnɛ gatdɛ ni Jo-na-than ɛ ni Thɔɔl puɔ̱nydɛ kɛnɛ gatdɛ ni Jo-na-than.
23
Kä cu ji̱ Pi-li-thɛt wä wa duɔ̱ɔ̱p Mik-mac yien.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31