Ecclesiastes 10

Nuer Bible © Bible Society in South Sudan 1998,2012

← Chapter 9 Jump to: Chapter 11 →

1Luaŋ ti ci li̱w dëë yio̱m riääkä thiäŋ kɛ ŋuäny mi jiääk. Inɔ bä, woc dɔ̱ɔ̱r mi tɔt ŋäc ŋɔaani kɛnɛ luth.

2Lät ram mi pɛl pɛl ni cuŋ, ku ram mi dɔ̱a̱r lɛ la̱t ni dueer.

3Mi jäl dɔ̱a̱r dup /cɛ la cärɛ, la pekdɛ a ram mi cɛ la̱t dɔ̱ɔ̱rɛ.

4Kä mi ci rueec gaak kɛ ji̱, /cu gua̱a̱thdu päl, kɛ ɣöö mi ci rɔ pa̱l piny, la gak mi di̱i̱t a kɔ̱c.

5Tëë kɛ mi jiääk mi cä nɛn rɛy ɣɔaa a, ɛ duer mi ca la̱t ɛ rueec.

6Ca nɛy tin dɔa̱a̱r la̱th gua̱thni tin di̱t, kä ca nɛy tin ria̱ŋ ria̱a̱ŋ la̱th gua̱thni tin kuiy.

7Kä cua̱ kuaany lɛ nɛn ko̱t kɛ jio̱kni jiöŋkööri, ku ruëëc lɛ ja̱l kɛ ciökiɛn ce̱tkɛ kuaany.

8Kä ram mi wä pul wä tɛt, bi pɛn ni jɛn thi̱n. Kä ram ɔ bi kal to̱l ɔ, bi thɔ̱l ɛ kac.

9Kä ram mi tiath pääm, ba jɛ moc buɔ̱t ɛ kɛn. Kä ram mi bäk jiɛn, ba jɛ moc buɔ̱t.

10Kä mi /ci ji̱o̱pdu moth, a /keni jɛ pat, go̱o̱rɛ ɣöö bi rɔ ŋɔac thi̱n ɛlɔ̱ŋ, duuŋdɛ ɣöö ku pɛl ji̱ la luäk thi̱n.

11Gaaŋi rɔ a /ken thɔ̱l ji̱ ni kac, /Ci rɔ dee lɛ gaŋ mi cɛ ji̱ kac.

12Ruac nɛɛni ti pɛl no̱ŋkɛ kɛ nhök, ku ruac nɛɛni ti dɔ̱a̱r kɛ lɛ näk.

13Kɛ ɣöö tuk ruacdɛ ɛ dɔ̱ɔ̱r, kä guutdɛ ɛ yɔ̱ɔ̱ŋ mi jiääk.

14Kä ram mi dɔ̱a̱r ŋuan ruaacnikɛ, kä thilɛ ram mi ŋäc mɔ bi tuɔɔk ɔ, kä ɛŋa dee jɛ la̱r mɔ bi tuɔɔk kɛ kɔrɛ mɔ?

15Kä ram mi dɔ̱a̱r cuucɛ rɔ kɛ la̱t, kä kui̱cɛ duɔ̱ɔ̱p in dee wä kɛ jɛ wi̱c.

16Riɛk akɛ ji̱ lö mun, mi kuäärɛ ŋuɛ̈t, kä ŋar ruëëckɛ amäni runwaŋ.

17Puɔ̱th akɛ ji̱n mun mi kuäärɛ ram mi ŋäc ŋɔak, kä ŋar ruëëckɛ kɛ gua̱a̱th ŋarä, kä bumkɛ a /cikɛ math ni kɔaaŋ.

18Kä ram mi puɔ̱ny duaal la lo̱ny duelɛ, kä mi /cɛ jɛ lät pɛnɛ rɛc.

19Ŋar naath kɛ ɣöö ba to̱k dɔl, kä mathkɛ kɔaŋ kɛ ɣöö bi lo̱c nath tɛɛth, kä yio̱w kɛ kɛn no̱o̱ŋ ti diaalɔ.

20/Cu kuäär lat jɔ̱ɔ̱r a cäŋɛ ŋɛ̈r, kä cu ram mi riäŋ lat jɔ̱ɔ̱r rɛy dueelu, amäni mi dee diit jiɔam jɔwdu naŋ, a bi diit gɔ̱ɔ̱k min ci lat wä lar.

← Chapter 9 Jump to: Chapter 11 →