Ecclesiastes 11

Nuer Bible © Bible Society in South Sudan 1998,2012

← Chapter 10 Jump to: Chapter 12 →

1Kämni mi̱eth nɛy ti kɔ̱ŋ, biɛ nyɔk kɛ jek kɛ kɔr ni̱ni ti ŋuan.

2Dääkni nyinku kä nɛy da̱ŋ bärɔw kiɛ bädäk, kɛ ɣöö kui̱ci riɛk ɔ bi ji̱ jek ɔ rɛy ɣɔaa.

3Mi ci pua̱a̱r thia̱ŋ kɛ pi̱w, la nhiaal a dɛm. Kä kui̱c ɔ ci jiath tɛth thi̱n ɔ, ɛ jɛn la tëë thi̱n ɔ.

4Kä ram mi wä tit ni jiɔam, kä bɛ lip ni nhiaal, /cɛ bi pi̱eth kä thilɛ ti bɛ ŋɛr.

5Kɛ ɣöö kui̱ci duɔ̱p in jäl kɛ jiɔam, kä kui̱c tuk gatda kɛ rɔ jic man, kä inɔ /ci lät Kuɔth in cak ti diaal dee ŋa̱c.

6Pi̱thni kɛ runwaŋ kä pi̱thni bäkɛ thiaŋ. Kɛ ɣöö kui̱ci tin bi do̱ny, dɔ̱ŋ bikɛ do̱ny agɔaa kɛn diaal.

7Buay gɔaaɛ, lotdɛ rɔ ɛn ɣöö dee raan te rɛy buɔyä.

8Kä mi ci raan ni̱nkɛ ŋuan teekä, akɛ niinɛ kɛn diaal agɔaa. Kä timɛ bä ɛn ɣöö bi ni̱n li̱eth ŋuan bä. Kä kɛn diaal thilɛ kɛ luɔt.

9A lɔcdu tɛth ŋuɛɛtädu lö ŋuɛ̈t. Kä guuri ni min go̱o̱r lɔcdu jɛ kä guic waŋdu jɛ. Kä ŋäc ni jɛ ɛn ɣöö kä kɛn ti diaal ti̱ti̱ bi Kuoth ji̱ luk kɛ kɛ.

10/Cu diɛɛr kɛ duɔ̱ɔ̱r, kä /cu riɛk car kɛ lɔcdu. Kɛ ɣöö /ci bi dɔŋ kɛ ŋuɛɛt.

← Chapter 10 Jump to: Chapter 12 →