bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Proverbs 17
Proverbs 17
Nuer Bible © Bible Society in South Sudan 1998,2012
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
1
Gɔaa ni mi̱eth kua̱n mi muam bitdä, kä mi̱eth mi di̱i̱t mi te rɛydɛ kɛ ruac.
2
Kuany mi pɛl bɛ gat mi thil luth ruac, kä bikɛ nyinkɛ da̱a̱k ce̱tkɛ däman.
3
Kä da̱a̱p kɛnɛ ciɛk in bo̱r ɣɔ̱a̱nkɛ kɛ kɛ mac, kä lo̱c nath ɣɔ̱a̱nkɛ kɛ ɛ Kuoth Nhial.
4
Ram mi gua̱n dueeri liŋɛ laat ji̱ jiäkni, kä gua̱n kacä liŋɛ ni laat nɛɛni tin kaŋkɛ naath.
5
Kä ram yɔŋ can kuethɛ ni Cääkdɛ. Kä ram tɛth lɔcdɛ kɛ riɛk ran ba duäc.
6
Tɛth lo̱c dɔŋni kɛ gaat gankiɛn, kä liak gan ɛ gua̱nikiɛn.
7
Ruac mi gɔaa /cɛ rɔ lot kɛ dɔ̱a̱r, kä bi ruac kacä kulɛ tëë di kɛ rueec!
8
Kä kök ce̱tdɛ kɛ kuoth kä ram in tho̱p jɛ. Kɛ ɣöö lätdɛ gua̱thni diaal.
9
Kä ram päl kuëth go̱rɛ ni nhök, kä ram nyɔk ni jɛ kɛ la̱t däkɛ ni määth.
10
Kä luek wëë lɔɔc raam mi ŋäc ŋɔak, kä wëë lɔɔc dɔ̱rä ca duäc nikä kuɔ̱r.
11
Kä ram mi gua̱n jiäkni go̱rɛ ni ko̱r, kä ba jɛ jäk kä ram mi thil pälikä.
12
Gɔaa ni ɣöö dee raan röm kɛ ŋuɔ̱ɔ̱t lɛ̈t mi tuuk dɛykɛ, kä römdu kɛ dɔ̱a̱r mi lät nyin dɔ̱ɔ̱rädɛ.
13
Kä mi wä raan mi gɔaa col kɛ mi jiääk, /ci mi jiääk dhɔrɛ bi päl.
14
Tuk gaak ce̱tdɛ kɛ tööl këk, mi rialkɛ ikä a /kenɛ ni lɛny raar.
15
Ram päl jiäk thi̱n kɛnɛ ram lät gua̱n cuŋni a jiäk, kɛn diaal jiäkɛ kä Kuoth Nhial.
16
Ɛŋu rɔm ram mi dɔ̱a̱r yio̱w ti derɛ kɔk ni gɔ̱a̱r ɔ, kä thilɛ jɛ ca̱r?
17
La nhɔakɛ määth gua̱thni diaal, kä dɔ̱ŋ la jiäk däman ran bä.
18
Kä ram mi thil ca̱r luäkɛ ram mi dɔ̱ŋ, kä gaŋɛ gua̱n thieekädɛ.
19
Kä ram nhɔk ni gak nhɔkɛ ni duer, kä mi tääthi thi̱i̱k mi bäär go̱o̱ri ni riɛk.
20
Kä ram caar ti jiäk /cɛ rɔ rep, kä ram lat ti jiäk pɛnɛ rikä.
21
Gat mi dhɔ̱ŋ dhɔ̱ŋ ɛ riɛk kä gua̱n, kä gat mi dɔ̱a̱r thilɛ gua̱n tɛ̈th lɔaac.
22
Lɔc mi gɔaa ce̱tdɛ kɛ wäl pua̱a̱ny, kä ram jiäk lɔcdɛ ɛ ko̱o̱k cɔ̱ɔ̱ni.
23
Ram mi nyua̱n la nhɔkɛ kök gekä, kä la lo̱kɛ duɔ̱ɔ̱p cuŋni.
24
Kä ram mi ŋäc ŋɔak la läthɛ pɛl lɔɔcdɛ, kä ram mi dɔ̱a̱r wi̱el nyinkɛ rɛy ɣɔaa.
25
Kä gat mi dɔ̱a̱r ɛ can kä gua̱n, kä ɛ riɛk kä man.
26
/Cɛ gɔaa ɛn ɣöö mooci ram mi tekɛ cuɔ̱ŋ karaam, kä ma̱c ji̱ cuŋni ɛ duer.
27
Kä ram ŋäc ŋɔak tiitdɛ rieetkɛ, kä nɛy tin la bit, bitkɛ kɛ ca̱r lɔaac.
28
Kä dɔ̱a̱r mi bit pɛlɛ, kä mi tiitdɛ lɛpdɛ ŋäcɛ ŋɔak.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31