Song of Solomon 1

Nuer Bible © Bible Society in South Sudan 1998,2012

Jump to: Chapter 2 →

1Dit Thɔ-lo-mon min gɔaa ni jɛn kä diit diaal.

2Kɛ cimnidu cim ni ɣä, kɛ ɣöö nhökdu gɔaa ni jɛn kä kɔaŋ.

3Kä wäl yi̱i̱rädu tëë kɛ ŋuäny mi gɔaa. Kä ciötdu gɔaaɛ ce̱tdɛ kɛ ŋuäny yi̱i̱rä, kɛ kui̱c ɛmɔ nhɔk nyier ji̱.

4Naŋä kɛɛl kɛ ji̱, malnɛ wä kɛ pɛ̈th, bi ji̱n a kuäärä naŋni ɣä dueelu. Bi lɔcda wä tɛɛth kɛ ji̱ kɛɛl, bakɔ nhökdu liak ɛlɔ̱ŋ kɛ liak mi leny ni kɔaŋ. Kä nhɔk män ji̱ kɛ thuɔ̱k.

5Ɣän cuɔlä kä gɔaa ɣä lö män Jɛ-ru-tha-lɛm, cuɔlä ce̱tnikɛ kɛmɛ Ke-dhar, cuɔlä ce̱tnikɛ geel duëël Thɔ-lo-mon.

6/Cu ɣä dhɔt kɛ ɣöö cuɔlä. Ɛ cäŋ ci ɣä waŋ ɔ. Kä gak gaatmaar kɛ ɣä, ci kɛn ɣä jak kä läät ka̱a̱kni wal kɛ kui̱ kɔaŋ, a cä thil gua̱a̱th mi yuɔpä ni kakdä!

7Luumdä, läri ɣä gua̱a̱th ɔ, la yieni detku thi̱n ɔ, gua̱a̱th ɔ la kɛn a lɔ̱ŋ thi̱n ɔ kɛ cäŋdäär. Kä ɛŋu bä ji̱ go̱r ɔ rɛy deet yiëëni ti kɔ̱ŋ ɔ?

8Kä mi kui̱ci män tin gɔw ni kɛn ɛlɔ̱ŋ, guuri bun deet, kä lääkni dɛy deetku, gekä gɛ̈wni yiëëni deet.

9Ɣän luumdä, ca̱a̱tdä ji̱ kɛ ŋuɔ̱ɔ̱t jiöŋköör, mi te rɛy jiöŋkööri Pɛro.

10Kä ci nhiamdu gɔaa kɛ ciik ji̱ethdu, kä gɔaa ŋuäkdu kɛ tiɛk da̱a̱pni tin riaw riaaw.

11Bakɔ ji̱ lät kä ciik jieth dääpä, mi ca biɛl kɛ ciɛk in bo̱r.

12Kɛ gua̱a̱th in te kuäär lɔ̱ŋä dhaŋädɛ, cu wälä min kɔp ŋuänydɛ jiɔam thiäŋ.

13Luumdä ce̱tdɛ kɛ yio̱m wa̱l in ŋuäny mi te kam thiinkä.

14Ɛn luumdä ce̱tdɛ kɛ ɣena mi ci ɣa̱r rɛy ka̱a̱kni wal kɛ kui̱ kɔaŋ kä Een-gɛ-di.

15Gɔaani ɛlɔ̱ŋ luumdä, gɔaay ɛlɔ̱ŋ, kä wäŋku ce̱tkɛ nikɛ kunööri.

16Kä gɔaay ɛlɔ̱ŋ luumdä, la lɔcdä a jak kä tɛth, kä ko̱l tɔ̱ɔ̱cädan kɛ juaac.

17Kä bi thi̱eer dueelan a luɔ̱ɔ̱r, kä bi kɔykɛ a buɔ̱w.

Jump to: Chapter 2 →