Song of Solomon 4

Nuer Bible © Bible Society in South Sudan 1998,2012

← Chapter 3 Jump to: Chapter 5 →

1Ji̱n gɔaay ɛlɔ̱ŋ luumdä! Kä wäŋku ce̱tkɛ nikɛ kunööri piny miirä nhiam kaandu. Kä thia̱y mi̱emku ce̱tnikɛ buɔ̱n deet böwni, ti ri̱i̱ŋ piny wi̱i̱ Pa̱a̱m Gil-yad.

2Kä ce̱t lɛcku kɛ rɔɔm ti ca lak, lɛc ti tak ti thilɛ mi ci ben raar thi̱n.

3Kä ti̱i̱ kɛ thok mi yian, la gɔaaɛ ɛlɔ̱ŋ mɔ ruaci mɔ. Kä gi̱eeku puɔthkɛ ce̱tkɛ nikɛ dɔw nöör piny miirä nhiam kaandu.

4Ce̱t ŋuäkdu nikɛ biɛɛ Dee-bid, jɛn puɔthɛ kä bärɛ, kä tëë kɛ tiɛk ce̱tdɛ nikɛ köötni ti bathdɔɔr, ti ca ŋap thi̱n.

5Kä ce̱t thinku kɛ cuɛ̈ɛ̈k kɛwä, ti läk rɛy tuaali.

6Ɣän bä te wi̱i̱ pa̱a̱m wa̱l in kɔp, amäni mi ci ɣɔw baak, a ci wäär thuɔ̱k.

7Gɔaa i̱ ɛlɔ̱ŋ luumdä, thilɛ mi jiäk kä ji̱.

8Bër jiaynɛ kɛɛl kä Lɛ-ba-nɔn luumdä, bër jiaynɛ kä Lɛ-ba-nɔn. Bër piny wi̱i̱ pa̱a̱m Ä-ma-na, bër piny wi̱i̱ pa̱a̱m Thi-nir kɛnɛ Ɛr-mon, guäth in cieŋ lony thi̱n kɛnɛ kuac.

9Kä ji̱n ci lɔcdä naŋ, lö nyimaar kä kaw lɔaacdä, ci lɔcdä naŋ kɛ wäŋku tɔ̱ gɔw tɔ̱tɔ̱, kɛnɛ tik ŋua̱a̱kdu nɔmɔ.

10Kä nhökdu kaw lɔaacdä gɔaaɛ ɛlɔ̱ŋ! Nhökdu jakɛ lɔc kä gɔaa ɛlɔ̱ŋ kä kɔaŋ. Kä liɛɛth yi̱i̱rädu ŋuäny ni jɛn ɛlɔ̱ŋ kä wal diaal!

11Kä lim lɛpdu ce̱tnikɛ tuaar lö kawdä, ce̱t lɛpdu nikɛ cak kɛnɛ tuaar kä ɣä. Kä bi̱i̱du ŋuänyɛ agɔaa ce̱tdɛ nikɛ ŋuäny wa̱l Lɛ-ba-nɔn.

12Kä kawdä ɛ kak wal mi ca tɛ̱̈ɛ̱̈, ɛ wa̱t pi̱i̱ni mi ca kum.

13Kä cuŋ pua̱a̱nydɛ ce̱tkɛ nikɛ jiath nöör, mi kuiir dɛy ti gɔw. Kɛ ɣena kɛnɛ wäl mi di̱t kökdɛ,

14kɛ neet kɛnɛ gɔar kɛ ɣena, kɛ jiɛn diaal tin tekɛ ŋuäny mi gɔaa kɛ böl, nikɛ wal diaal tin ŋuäny, do̱ny kɛn ɛn wani.

15Ɛ ji̱n pi̱w kakä dɛɛni wal, pi̱ jiɛw, ɛ ji̱n lo̱o̱l pi̱i̱ni ti bëë kä Lɛ-ba-nɔn.

16Bërkɛ jiɔam kuec caam, kä bërkɛ jiɔam kuec cuëëc! Puɔ̱tdɛ rɛy kakä walkä, naŋɛ ŋuänydɛ rɛy jiɔam. A luumdä bëë rɛy kakä walkɛ, bɛ dɛykɛ tin gɔw ben cam.

← Chapter 3 Jump to: Chapter 5 →