Song of Solomon 8

Chewa Bible (BL) 1992 - Buku Lopatulika

← Chapter 7 Jump to:

1Mwenzi utakhala ngati mlongwanga, Woyamwa pa bere la amai! Ndikadakupeza panja, ndikadakupsompsona; Osandinyoza munthu.

2Ndikadakutsogolera, kukulowetsa m'nyumba ya amai, Kuti andilange mwambo; Ndikadakumwetsa vinyo wokoleretsa, Ndi madzi a makangaza anga.

3Dzanja lamanzere lace akadanditsamiritsa kumutu, Lamanja lace ndi kundifungatira.

4Ndikulumbirirani, ana akazi inu a ku Yerusalemu, Muutsiranji, mugalamutsiranji cikondi, Cisanafune mwini.

5Ndaniyu acokera kucipululu, Alikutsamira bwenzi lace? Pa tsinde la muula ndinakugalamutsa mnyamatawe: Pomwepo amako anali mkusauka nawe, Pomwepo wakukubala anali m'pakati pa iwe.

6Undilembe pamtima pako, mokhoma cizindikilo, nundikhomenso cizindikilo pamkono pako; Pakuti cikondi cilimba ngati imfa; Njiru imangouma ngati manda: Kung'anima kwace ndi kung'anima kwa moto, Ngati mphezi ya Yehova,

7Madzi ambiri sangazimitse cikondi, Ngakhale mitsinje yodzala kucikokolola: Mwamuna akapereka katundu yense wa m'nyumba yace ngati sintho la cikondi, Akanyozedwa ndithu.

8Tiri ndi mlongwathu wamng'ono, Alibe maere; Ticitirenji mlongwathu Tsiku lokhoma unkhoswe wace?

9Ngati ndiye khoma, tidzamanga pa iye nsanja yasiliva: Ngati ndiye citseko tidzamtsekereza ndi matabwa amikungudza.

10Ndine khoma, maere anga akunga nsanja zace: Pamaso pa mnyamatayo ndinafanana ngati wopeza mtendere.

11Solomo anali ndi munda wamipesa ku Baalahamoni; Nabwereka alimi mundawo; Yense ambwezere ndalama cikwi cifukwa ca zipatso zace.

12Koma munda wanga wamipesa, uli pamaso panga ndiwo wangatu; Naco cikwico, Solomo iwe, Koma olima zipatso zace azilandira mazana awiri.

13Namwaliwe wokhala m'minda, Anzake amvera mau ako: Nanenso undimvetse.

14Dzifulumira, mnyamatawe wokondedwa wanga, Dzifanane ngati mphoyo pena mwana wa mbawala Pa mapiri a mphoka,

← Chapter 7 Jump to: