1 Chronicles 12

Oromo Bible (KITAABA WAAQA) 2019

← Chapter 11 Jump to: Chapter 13 →

1Gaafa Daudini hayyu Saulo duraa baqate Ziklagiti gale, jari askarti, ka guddo huji beekhu kunini,

2ka fiit'a Saulo, ka gosa Benjamini, gara isaa d'ufe. Worri harka mirgichaafi bitaachaleeni t'iyaafi gullubale darbu beekha.

3Jara kana ch'ufa Ahiezerifi Yoashi, ilmaani Shemaa ta Gibea d'ufteti iti mata. Jari sunini kana: Yezielifi Peleti ilmaani Asmawethi Berakafi Yehu, ka Anathothi d'ufani Ishmaya, ka Gibeoni d'ufe ka guddo gura qabu, ka ammalle jara sodoma kaanile mata keesa jiru Yeremia, Yahazieli, Yohana, Yozabadi, ka Gedera d'ufe. Eluzai, Yeimothi, Beelia, Shemaria, Shefatia, ka Harufi d'ufe. Elkana, Ishia, Azareli, Yoezeri, Yashobeamu, ka worri ch'ufti balbala kora Yoelafi Zebadia, ilmaani Yerohamu, ta Gedori d'ufte.

8Kunini maqa askarti gurra qabdu, ta guddo huji beetu, ta gosa Gadi, ta d'ufte goli Daudi taate, gaafa inni lafa gamooji fulla jabeesani jaarani, keesa tau. Worri kunini ch'ufti guddo wonteefi woraanani woi had'u beekha, fuuli worra aka fuula nyeench'a nama sodaachisa ammalle akuma gadamsa gaara ira oria.

9Kunini maqa worraa aka worri guddinnaani wolti aanu gula: Ezeri, Obadia, Eliabu, Mishmana, Yeremia, Atai, Elieli, Yohana, Elsabadi, Yeremia, Makabanai.

14Jari gosa Gadi kunini hagi toko askarti kuma tokoti mata, hagi tokoleeni askarti d'ibba tokoti mata.

15Gaafa toko jia qara ka ganna toko, bara galaani Yordani fach'ae worri galaana taake, worra bale keesa ilaborutifi ila adu tau gargari baqachise.

16Gaafa toko nami gosa Benjaminitifi ka Yuda hagi toko yae fulla jabeesani jaarani, ta Daudini keesa tau, artiti isati d'ufani.

17Daudini fuula keesa d'ufe waan jed'eeni, Yo isani aka jaala na qarqaaru d'uftani, anini kurfo jira aka isaniini wold'annu. Ammo yo isani na sobdani harka nyaapa kiyyati na kennu feetani ka anini woma isani ira iyyakini, Waaqi ababoota teenna ha arge isani balleesuti!

18Jennaani lubbuuni Waaqa jara keesa, namicha Amasai jed'ani toko, ka eege jara sodoma kaani mata iti tahe, ira buute, jennaani inni waan jed'e, Daudi ilma Yese, nu goli tanteeti! Waaqi siifi goli tante ch'ufa qarqaare eebisinna, inni gamuma kanke jira, Daudini worra fud'ate goli ufiiti dare askarti isa keesa guddinna kenneefi.

19Jari gosa Manase hagi toko d'ufe, goli Dauditi darame gaafa inni worra Filisti woliini Saulo had'u d'aqe. Ammo taatule inni worra Filisti inqarqaare, wonti akanatiifi hayyooti worraa waan Daudini harka Sauloti worra kenne seete sodaate; tanaafi isa Ziklagiti keesa deebisani.

20Askartini gosa Manase, ta gaafa Daudini Ziklagiti deebie goli isaa taate, tana: Adina, Yozabadi, Yediaeli, Mikaeli, Yozabadi, Elihu, Silethai. Worri kuni qara gosa Manase keesa askarti kuma tokoti mataa.

21Worri kunini ch'ufti askarti Daudileeti mataa tahe, wonti akanatiifi worri ch'ufti nama jajaba, waan woraana beekhu duuba eege worri askarti Israeli keesa guddinna argate.

22Guyya ch'ufa nami askarti Dauditi darame, akanaani askartini isaa guddate lafa ira dabarte.

23Gaafa Daudini Hebroni jiru, askartini woraana hedduni d'ufte goli isaa taate, aka fulla Saulo hayyu isaa tolchitu, jecha AABBO Waaqa gula. Henni askarti isaa sunini kana: Yuda: Kuma jaafi d'ibba sadeeti ta woraanafi wonte qabdu; Simeoni: Kuma torbafi d'ibba toko ta askartini tunini ch'ufti nama lola beekhu; Lawi: Kuma afurifi d'ibba jaa; nami Yehoyada, ka d'aloota Haruni kuma sadifi d'ibba torba. Namicha janna toko ka Sadoki jed'ani: fiit'a isaa nama diddami lama ka biyyaa mata; Benjamini (gosa Saulo): Kuma sadi (worri gosa Benjamini guddinni Saulo biraa indeemne); Efraimu: Kuma diddamafi d'ibba saddeeti ta balbala gosa worraa keesaa gurra qabdu; worra Manase ka ila adu: Kuma kud'ani saddeeti, ta filani, beena, Daudi hayyu tolcha jed'ani ergani. Isakari: Nama d'ibba lama ka matatifi nama d'ibi worra jala jiru. (Jari mata kunini waan Israeliini tolchu malteefi hojja dansa tolchani namati hima.) Zabuloni: Kuma shantama ta hayyu ch'aqafte, innileeni worra d'ugeefate, ta hojja ch'ufa had'iisa kurfo jirtu, ta ammalle huji woraana ta aka ch'ufaa beetu; Naftali: Nama kuma toko ka matatifi nama kuma sodomi torba ka woraanafi wonte qabu; Dani: Kuma diddami saddeetifi d'ibba jaa, ta waan woraana beetu; Asheri: Kuma afurtama ta had'iisa kurfo jirtu; gosa galaana Yordanitini ilaboru jirtu — Reubeni, Gadi, gosa Manase ta ilaboru; kuma d'ibba tokotifi diddama, ta miha lola, ka aka ch'ufatini hojachu beetu.

24Askartini tunini ch'ufti ta lola kurfoofte, Hebroni d'at'e aka garaa tokooni Daudi hayyu Israeli tolchitu. Worri Israeli kaani ch'uftile akasuma woligale Daudi hayyu tolchu fed'e.

25Worri bulti sadi Daudi woliini bule achiti sagale gochiti isaani worraa kurfeesite nyaatani woliini d'ugaani.

26Ammalle gochiti Isakaritifi Zabulonitifi ta Naftalileeni ch'ufti, ta fago mirga teetu, harreefi gaalafi gaangefi loonile sagale iti faate d'ufteeni — dargaye daakhani mid'aani odati, mid'aani zabibuti, daad'iifi d'ad'ale. Ammalle worri loonifi ree qaqalaanile ch'ufa d'ufeeni. Waan kana ch'ufa maro Israeli keesati gammadanifi tolchani.

← Chapter 11 Jump to: Chapter 13 →