1 Chronicles 4

Oromo Bible (KITAABA WAAQA) 2019

← Chapter 3 Jump to: Chapter 5 →

1Kunini nama haga gari ka Yudaani d'ale: Peresi, Hesroni, Karni, Huri, Shobali,

2Shobalini abba Reaya, Reayaani abba Yahathi, Yahathini abba Ahumaitifi Lahadi, Ahumaitifi Lahadiini abbooti gosa lafa Sorathi keesa teetu.

3Huriini ilma angafa, ka niitiini Kalebu, ta Efrathi jed'ani d'alte; ammalle ilmaani isaati dira Bethlehemu jaare. Huriini ilmaani d'iira sadi qaba: Etamu, Penueli, Ezeri. Etamuni ilmaani d'iira sadi qaba: Yezreeli, Ishma, Idibashi, ammalle inni intala toko ta maqaani Hasleliponi qaba. Penuelini nama dira Gedori jaare, ammalle Ezerini nama dira Husha jaare.

5Ashuruni, ka dira Tekoani jaare nad'eeni lama qaba, ta Helafi Naara jed'ani.

6Naarani ilmaani d'iira afuri isaa dalte: Ahusamu, Heferi, Temeni, Ashitari.

7Helani ilmaani d'iira sadi isaa d'alte: Sethi, Ishari, Ithnani.

8Hakosini abba Anubutifi Sobeba, inni ammalle abba balbala gosa ta Ahareli ilma Harumu iraa baate.

9Namicha toko, ka Yabeesi jed'ani, oboleyaani isaa ch'ufa ira guddo ulfeesani. Wonti haati maqa Yabeesi baafteefi, waan inni guyya d'alate guddo isi gaargalcheefi.

10Ammo Yabeesini Waaqa Israeli yaamate waan jed'e, Ee Waaqa, na eebisi, lafa guddo ballo naa kenni, waan hamtu na gaargalcha ch'ufa naraa d'owi. Waaqileeni akasuma waan inni kad'ate suni ch'ufa guutefi.

11Kalebuni, oboleesi Shua, ilma Mehiri jed'ani d'ale Mehirini abba Eshtoni,

12Eshtonini ilmaani d'iira sadi qaba: Beth-Rafa, Pasea, Tehina. Tehinani nama dira Nahashi jaare. D'alooti worra kana dira Reka keesa taa.

13Kenazini ilmaani d'iira lama qaba, Othnielifi Seraya. Othnielileni ilmaani d'iira lama qaba, Hathathifi

14Meonothai. Meonothaini abba Ofra. Serayaani abba Yoabu, ka abba bale hogeeyi, ka nami achi tau ch'ufti hogeesa.

15Kalebuni ilmi Yefuni ilmaani d'iira sadi qaba. Iru, Ela, Naamu. Elaleeni abba Kenazi.

16Yehalelini ilmaani d'iira afuri qaba Zifu, Zifa, Tiria, Asareli

17Ezrahini ilmaani d'iira afuri qaba: Yetheri, Meredi, Eferi, Yalooni, Meredini, intala hayyu Misiri, ta Bithiya jed'ani fuud'e, isiini intala Miriamu jed'anifi ilmaani d'iira, ta Shamafi Ishba jed'ani, d'alteefi. Ishbaani nama dira Eshtemoa jaare. Meredileeni dubra gosa Yuda fuud'e, isiini ilmaani d'iira sadi d'alteefi: Yeredi, ka dira Gedori jaare; Heberi ka dira Soko jaare; ammalle Yekuthieli, ka dira Zanoa jaare.

19Hodiani oboleeti Nahamu fuud'e, ilmaani worraa abbooti balbala gosa Garmi ta dira Keila teetu; ammalle balbalti Maaka, ta dira Eshtemoa keesa teetu, worra iraa baate.

20Shimoni ilmaani d'iira afuri qaba: Amnoni, Rina, Ben-Hanani, Tiloni, Ishini ilmaani d'iira lama qaba: Zohethifi Ben-Zohethi.

21Shelani ilma Yuda, nami inni d'ale Eri, ka dira Lekea jaare; Laada, ka dira Maresha jaare; ammalle balbala worra woya boofta mid'aasu, dira Asbea keesa tau;

22Yokimufi worra dira Kozeba ke tau; ammalle Yoashifi Sarafi, ka nad'eeni gosa Moabu fuud'ani, duuba dira Bethlehemu qubatani. (Oduuni tunini waan duri duriti.)

23Worri kunini worra duri miha faara hayyuu mid'aasu. Worri dira Netaimutifi Gederati gala.

24Simeonini ilmaani d'iira shani qaba, Nemueli, Yamini, Yakini, Sohari, Shauli.

25Shaulini Shalamu d'ale, Shalamuni Mibishamu d'ale, Mibishamuni Mishma d'ale.

26Mishamani Hamueli d'ale, Hamuelini Zakuri d'ale, Zakurini Shimei d'ale,

27Shimeini ilmaani d'iira kud'ani jaafi dubra jaa qaba, ammo oboleyaani isaa nami ilmaani heddu qabu injiru, tanaafi gochiti Simeoni haga gosa Yuda heddu intahini.

28Haguma bara Simeonitifi haga bara hayyu Daudini lafa fide, worri d'aloota Simeoni kunini dira kana keesa taa: Beersheba, Molada, Hasar-Shuali,

29Bilha, Ezemu, Toladi,

30Pethueli, Horma, Ziklagi,

31Beth-Markabothi, Hasar-Susimu, Beth-Biri, Shaar-Aimu.

32Ammalle worri dira shani d'ibi keesa tae: Etamu, Aini, Rimoni, Tokeeni, Ashani;

33ammalle ollowaani d'aatu jirtule ch'ufa keesafi haga dira Baalathi. Tunini lafa duri worri taufi odu worra isaani ta t'aafani jabeesani olkayani.

34Worri kunini worra balbala gosa isaani iti mataa, Meshobabu, Yameleki, Yoshua ilma Amazia, Yoeli, Yehu (ilma Yoshibia, ilma Seraya, ilma Asieli), Elioenai, Yaakoba, Yeshoaya, Asaya, Adieli, Yesimieli, Benaiya, Ziza (ilma Shifi ilma Alloni, ilma Yedaya ilma Shimri ilma Shemaya). Worri hore lafa ira dabre jennaani,

39lafa ila adu gahe, diquma Gerari hanqate. Ammalle worri ree isaani bale diri Gerari ke jirtu gama ilaboru tifate.

40Worri lafa diida dansa, maraafi nagaya qabdu, ta nami d'ibiini keesa injirre, achiti arge, worri duri lafa suni keesa tau worra Hamu.

41Bara hayyuuni Hezekiani lafa Yuda fide, worri maqa isaani arma keesati t'aafani kunini Gerari d'aqe, waarofi mana worra achi jiru balleese. Worri worra suni keesaa gusse achi qubate, wonti akanatiifi lafti suni marra gudda ree worra quubsu qabdi.

42Nami d'ibiini d'ibba shani, ka gosa Simeoni ilaboru godaane Edomuni bahe. Nami gaafasi worraani godaane ilmaani Ishi: Peletia, Nearia, Refaya, Uzili.

43Achiti worri worra gosa Amaleki ka woraana iraa hafe fit'e, haga arrale achuma taa.

← Chapter 3 Jump to: Chapter 5 →