1 Thessalonians 1

Oromo Bible (Kitaaba Woyyuu) - No Year

Jump to: Chapter 2 →

1Phaawuloos, Silwaanosii fi Ximootewoosiin biraa; Woldaa Kiristaanaa, ta Rabbi Abba'aatii fi Gooftaa Yesuus Kiristoosii taate, worra Tasolonqee keessa jiraataniif, Rabbi Abbaa keennaa fi Gooftaa keenna Yesuus Kiristoosiin irraa badhaaninii fi nageenni isinii haa ta'u.

2Hennaa Rabbiin kadhannu waan keessan yoo yaannu hujii amantii keessanii, dadhabbii jaalala keessanii, abdii Gooftaa keenna Yesuus Kiristoosiitiin waan jabaattaniif Abbaa keennaa fi Waaqa keenna afo'otti yaada'aa uduu addaan hin kunne hennaa maraa Rabbii keenna sababa keessan maraatiif hin galatoonfanna.

4Obboleeyyan tiyya, akka Rabbiin jaalatamtanii fi filatamtan waan beenneef.

5Dubbiin Nagayaa ka isinii lallabne hunnaa fi Ayyaana Woyyu'uun hubannaa hedduun malee, dubbii calla'aan gara keessan waan hin dhufneef isin biratti waan keessaniif attamitti akka jiraanne hin beettan.

6Isinillee akkasuma dubbii Rabbii rakkoo hedduun gammachuu Ayyaana Woyyu'uu woliin fudhattanii worra nu'uu fi Gooftaa fakkaatu taataniirtan.

7Kanaafuu amantoota Maqedooniya'aa fi Akaayiyyaa jiran maraafuu fakkeenna isaanii taataniirtan.

8Dubbiin Rabbii isin biraa bayee Maqedooniya'aa fi Akaayiyyaa calla'atti waan hin dhagayamneef, haga womaa dubbachuu hin barbaachifnetti, amantiin isin Rabbiin irratti qabdan hulee marattuu odeeffameera.

9Isaanuu gara keessan dhufnee attamitti akka jiraanne, waan keenna waan dubbataniif, Waaqa jiraata'aa fi ka dhuga'aa akka tajaajiltan,

10Ilma ufii ka du'a keessaa kaase, Yesuusii lola dhufu jalaa nu hambisu, samii irraa akka eeddan waaqolee tolfamaa irraa gara Rabbiititti attamitti akka deebitan isaanuu hin ragan.

Jump to: Chapter 2 →