bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Deuteronomy 12
Deuteronomy 12
Quechuan (Tayta Diospa Wilakuynin) 2003
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
1
Tsaypita mastapis Moisés kayno nirqan: «Unay ayluntsikuna yärakushqan Tayta Diospa mandamientunkunata y leyninkunata kanan tantiyatsishayki. Qoykushunaykipaq kaykaq nacioncho tashpayki tsaykunata waran waran imaypis cumplipäkunki.
2
«Tsay nacioncho taq runakunata ushakätsir jalqakunacho, patakkunacho y copösu yörakuna chakincho diosninkunata adoranan sitiukunatapis chipyaq ushakätsinki.
3
Tsaynöla altarninkunatapis juchutsipäkunki. Adorananpaq ichitsishqan wankakunatapis talamapäkunki. Asera diösata adorananpaq jawishqan raku qerukunatapis rupatsipäkunki. Wakin diosninkunata adorananpaq laqlashqan ïdulunkunatapis ushakätsinki. Tsayno ushakätsiptikimi tsay dioskunapa jutinkunapis qonqakanqa.
4
« Tayta Diosnintsita adoraykarqa tsay runakuna diosninkunata adorashqannöqa ama adorapäkunkitsu.
5
Tsaypa trukanqa Tayta Diosnintsita adorapäkunki pay akrashqan sitiulacho. Tsay sitiucho tänanpaqmi Israel trïbukuna kaykashqanpita akranqa.
6
Tsaymanmi uywaykikunata apapäkunki rupatsina sacrificiupaq y wakin sacrificiukunapaqpis. Tsaynölami tsayman apapäkunki diezmuykikunata, promitishqayki ofrendakunata, voluntänikipita kaq ofrendakunata, wakin kaq ofrendaykikunata y wäkaykikunapa, uyshaykikunapa y cabraykikunapa punta wawankunatapis.
7
Tsaychöqa Tayta Diospa bendicionninwan mikuynikikuna ali wayuptin lapan ayluykikunawan Diospa nawpancho kushishqa mikupäkunkipaq.
8
« Tayta Dios qoykushunaykipaq kaykaq nacionman chayarqa manami kanan adorashqaykinötsu adorapäkunkipaq. Kananqa puëdishqayki tupulami Tayta Diosta adorarkaykanki.
9
Tsayno adorarkaykanki Tayta Diosnintsi qoykushunaykipaq kaykaq jamayman manaraq yaykur y herenciata manaraq chaskirmi.
10
Jordán mayuta tsimpaykurnami qoykushunaykipaq kaykaq nacioncho tankipaq. Contraykikunata Tayta Diosnintsi ushakätsiptinmi imatapis mana mantsakuypa tsaycho tankipaq.
11
Tayta Diosnintsi tänanpaq akrashqan sitiucho adorapäkunaykipaqmi lapan nishqäkunata apapäkunki. Tsaymi uywakunata y mikuykunata tsayman apapäkunki rupatsina sacrificiukunapaq y wakin sacrificiukunapaqpis. Tsaynöpis apapäkunki diezmuykikunata, promitishqayki ofrendaykikunata y voluntänikipita kaq ofrendakunatapis.
12
Tayta Diosnintsipa nawpanchömi olqu tsurikikunawan, warmi tsurikikunawan y ashmaynikikunawan juntakaykur kushishqa adorapäkunkipaq. Markaykikunacho taq levitakunatapis qayatsinki juntakaykur mikupäkunaykipaq. Paykunapaqa manami chakrankunapis kanqatsu.
13
«Cuidädu rupatsina sacrificiukunata munashqaykicho ruparkaykätsinkiman.
14
Tsaypa trukanqa lapan trïbukunapita Tayta Dios akrananpaq kaq sitiulacho rupatsipäkunki. Tsaychöqa payta adoranaykipaq yätsishqäkunata cumplipäkunki.
15
«Aytsanar imarqa Tayta Dios kamaripäshushqaykipita uywaykikunata pishtarkur maychöpis mikupäkunki. Püru karpis impüru karpis aytsata tsayno mikupäkunki tarushta y luychuta kanan mikupäkushqaykinöla.
16
Yawarninta itsanqa ama mikupäkunkitsu. Tsaypa trukanqa yakutano pampaman jicharinki.
17
«Diezmukunata ama markaykicho mikupäkunkitsu, trïgu kaptinpis, vïnu kaptinpis y aceiti kaptinpis. Tsaynöla markaykicho ama mikupäkunkitsu wäkaykipa, uyshaykipa y cabraykipa punta wawankunata, ni promitishqayki ofrendakunata, ni voluntänikipita ofrendakunata ni wakin ofrendakunatapis.
18
Tsaypa trukanqa Tayta Dios akrananpaq kaq sitiuman aywaykur paypa nawpancho mikupäkunki. Tsaycho mikupäkunki tsurikikunawan, ashmaynikikunawan y markaykicho taq levitakunawan. Mikushpaykimi kushikärinki mikuy ali wayushqanpita.
19
Nacionnikicho tar levitakunata mana qonqaypa imaypis yanapanki.
20
« Tayta Dios promitishqanno tänaykipaq kaq nacioncho atskaman mirar aytsanar imarqa maychöpis aytsata mikupäkunki.
21
Tayta Diosta adoranaykipaq kaq sitiu markaykipita karu kaptinqa tantiyatsishqänöla wäkaykita, uyshaykita y cabraykita pishtarkur taykashqalaykicho mikupäkunki.
22
Püru karpis impüru karpis tarushta y luychuta kanan mikupäkushqaykino tsay aytsata mikupäkunki.
23
Yawarnintami itsanqa ama mikupäkunkitsu. Lapan kawaqkunapaqa yawarninchömi vïdan kaykan. Tsaymi yawartashqa aytsataqa ama mikupäkunkitsu.
24
Tsaypa trukanqa yakutano pampaman jicharinki.
25
Yawarta mana mikurqa qam y tsurikikunapis Tayta Dios munashqannömi ali kawapäkunkipaq.
26
«Sacrificiupaq promitishqayki uywakunata y tsaki mikuy ofrendakunata itsanqa Tayta Dios akrashqan sitiuman apapäkunki.
27
Tsaychömi uywakunata rupatsina sacrificiupaq pishtarkur yawarta y aytsata Tayta Diospa altarnincho rupatsipäkunkipaq. Wakin sacrificiukunapaq uywata pishtarqa aytsanta mikurpis yawarnintaqa altarman tsaqtsupäkunki.
28
«Lapan kay tantiyatsishqä mandamientukunata cumplirqa qam y tsurikikunapis Tayta Dios munashqanno kawarqa imayyaqpis alimi kawapäkunkipaq».
29
Tsaypita mastapis Moisés kayno nirqan: « Canaánman chayaptiki tsaycho taq runakunata Tayta Dios ushakätsinqami. Tsaycho tashpayki
30
tsay runakuna adorashqan dioskunata ama adorapäkunkitsu. Tsaynöla diosninkunata adorayta munar imano adorashqantapis ama tapupäkunkitsu.
31
Tsay runakunaqa diosninkunata adorarmi Tayta Diosta rabyanätsin. Diosninkunata adorashpanmi olqu tsurinta y warmi tsurintapis sacrificiupaq altarcho rupatsipäkun. Tsaynöqa Tayta Diosta ama adorapäkunkitsu.
32
«Shumaq tantiyakäriy lapan tantiyatsishqä mandamientukunata cumplipäkunaykipaq. Tsay mandamientukunamanqa ama ni juk mandamientutapis yapankitsu ni tsaykunapita juk mandamientutapis ama jorqunkitsu.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34