bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Deuteronomy 4
Deuteronomy 4
Quechuan (Tayta Diospa Wilakuynin) 2003
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 5 →
1
Mastapis Moisés kayno nirqan: «Israel runakuna, yachatsishqä estatütukunata y leykunata lapanta cumplipäkuy. Tsaykunata cumplishpaykiqa unay ayluntsikuna yärakushqan Tayta Dios entregashunaykipaq kaq nacionman yaykur kushishqami kawapäkunkipaq.
2
Yachatsishqäpitaqa ni juk leylatapis ama jorqapäkunkitsu ni imatapis ama yapapäkunkitsu. Tsaypa trukanqa Tayta Diosnintsipa mandamientunkunata lapanta cumplipäkunki.
3
«Kikikikunami rikashqanki Baal-peorcho Israel mayintsikunata Tayta Dios castigar ushakätsishqanta. Tsayno ushakätsirqan tsaycho taq runakuna adorashqan diosta paykunapis adoraptinmi.
4
Qamkunami itsanqa Tayta Diosnilantsita adorapäkushqaykipita kananyaqpis kawarkaykankiraq.
5
« Tayta Dios nishqannölami estatütunkunata y leyninkunata yachatsishqä tänaykipaq kaq nacionman chayar cäsukushpayki ali kawapäkunaykipaq.
6
Tsayno kaykaptinqa yachatsishqäkunata mana qonqaypa cumplipäkuy. Cumpliptikiqa wakin nacioncho taq runakunapis tantiyakunqami yachaq y tantiyakuq kapäkushqaykita. Yachatsishqä estatütukunata paykunapis musyar kushikushpan qamkunapaq kaynömi nipäkunqa: «¡Tsay nacioncho taq runakuna shumaq tantiyakuqmi karkaykan!» »
7
Mastapis Moisés kayno nirqan: «Manami mayqan nacionpapis diosnin kantsu manakuptin noqantsipa Diosnintsinöqa yanapananpaq.
8
Wakin nación runakunapa leyninkunapis manami noqantsipa leynintsikunanötsu kaykan. Qamkunata kanan yachatsishqä leykunaqa paykunapa leyninkunapita mas alimi kaykan.
9
Tsayno kaykaptinqa cuidädu qonqapäkunkiman Tayta Dios imano yanapamashqantsitapis. Kawashqaykiyaq waran waran mana qonqaypa tsurikikunatapis y wilkaykikunatapis wilapanki».
10
«Horeb jirkacho Tayta Diospa nawpancho kaykaptintsimi pay kayno nimarqan: «Lapan runakunata shuntamuy nishqäta mayapäkunanpaq. Mayashpanmi yachakärinqa noqata waran waran mantsakamänanpaq y tsurinkunatapis yachatsinanpaq».
11
«Tsaypitanami punta chakinman juntakaykur rikapäkurqayki puntapita nina rupar ciëluyaq sharkuqta y yanawyaykaq pukutay pasaypa kiluraykaqta.
12
Nina rataykaq chawpinpita Tayta Dios parlapämushushqaykita mayarpis kikintaqa manami rikapäkurqaykitsu.
13
Mana rikaptikipis Tayta Dios qamkunawan pactuta rurarmi chunka mandamientukunata ishkay läja rumikunaman qelqarqan mana qonqaypa cumplipäkunaykipaq.
14
Tsaynöpis tsay junaqmi Tayta Dios nimarqan estatütunkunata y leyninkunata qamkunata shumaq yachatsinäpaq. Paymi munaykan tänaykipaq kaq nacioncho kar leyninkunata imaypis cumplipäkunaykita.
15
«Horeb jirkacho nina rataykaqpita Tayta Dios parlapämushushqayki junaq kikinta imano kashqantapis manami rikapäkurqaykitsu. Tsayno kaykaptinqa cuidädu
16
ima ïdulutapis rurapäkunkiman. Ïduluta ama rurapäkunkitsu olqu niraqta, warmi niraqta,
17
uywa niraqta, pishqu niraqta,
18
qarachaypa puriq niraqta ni pescädu niraqtapis.
19
Tsaynöpis intita, killata y qoylarkunata rikar ama adorapäkunkitsu. Tsaykunataqa manami adoranantsipaqtsu Tayta Dios kamashqa, sinöqa maytsaycho taq runakunata atsikyapänanpaqmi.
20
Egiptucho pasaypa nakapäkushqaykipitami Tayta Dios jorqamushurqayki paypa herencian kapäkunaykipaq. Tsaynölami kanan herencian karkaykanki.
21
«Tsayno kaptinpis Tayta Diosta rabyanätsishqaykipitami pay nimashqa Jordán mayuta mana tsimpar qoykushunaykipaq kaykaq nacionman manana yaykunäpaq.
22
Tsaymi kaylachöna wanukushpä Jordán mayuta manana tsimpashaqnatsu. Qamkunami itsanqa tsimpapäkunki tsay ali nacioncho tänaykipaq.
23
« Tayta Dios rurashqan pactuta mana qonqaypa cumplipäkunki. Ïduluta mana rurapäkunaykipaq Tayta Dios niykaptinqa ima ïdulutapis ama rurapäkunkitsu.
24
Tayta Diosqa munan pay japalanta sirvinantsitami. Mana cäsukuqkunataqa nina rupar ushashqannömi ushakätsinqa.
25
«Chayashqayki nacionchöna tashpayki tsurikikuna y wilkaykikuna kaptin cuidädu Tayta Dios nishqanta qonqaykur ïdulukunata rurarkur adorapäkunkiman. Tsayno rurashpaykiqa Tayta Diosnintsita fiyupami rabyanätsinkipaq.
26
«Jana patsapis y kay patsapis testïgumi kaykan kanan junaq qamkunata nishqäta. Tsaymi nishqäkunata mana cäsukurqa Jordán mayu tsimpan nacionkunacho tarpis ushakankipaq. Imaypis tsaycho tänaykipa trukanqa manapis aykälatami chipyaq ushakankipaq.
27
Tsaymi juk lädu nacionkunaman matsiypa matsir Tayta Dios qarqushuptiki walkaqlana kawaykar quëdankipaq.
28
Juk lädu nacionkunacho tarnami qerupita y rumipita rurashqan ïdulukunata adorapäkunkipaq. Tsay ïdulukunaqa manami rikantsu ni mayantsu ni mikuntsu ni jämaytapis kachantsu.
29
«Lapan shonquykiwan y voluntänikiwan Tayta Diosta ashirmi itsanqa taripäkunkipaq.
30
Tsay nacionkunacho fiyupa nakar lakikushpayki Tayta Diospa leyninkunata yarpar cäsukuptikiqa
31
kuyapäkuq kashpan manami kacharishunkipaqtsu ni ushakätsishunkipaqtsu. Unay ayluntsikunawan pactu rurashqantaqa mana qonqaypami cumplinqa.
32
«Runata kamashqanpita patsa manami imaypis ni maychöpis qamkunata yanapashushqaykinöqa Tayta Dios pitapis yanapashqatsu.
33
Manami mayqan nación runakunapis nina rupaykaqpita Tayta Dios parlamushqanta mayar qamkunano kawaykarqa quëdashqatsu.
34
Musyashqantsinömi Egiptucho fiyupa nakaykaptintsi milagrukunata, guërrata y espantaypaq kaqkunata rurashpan Tayta Diosnintsi jorqamarqantsi kikinpa kanantsipaq. Pay yanapamashqantsinöqa manami mayqan diospis may nación runakunatapis yanapashqatsu.
35
Tsayno jorqamashqantsita rikarmi musyantsi Tayta Diosnilantsi rasunpa Dios kashqanta. Paypita mas juk diosqa manami kantsu.
36
«Leyninkunata yachatsimashpantsimi jana patsapita Tayta Dios parlapämarqantsi. Kay patsachöpis nina rataykaqpita parlapämashqantsitami mayapäkurqantsi.
37
Unay ayluntsikunata kuyarmi akramashpantsi munayninwan Egipto runakunapa makinpita jorqamashqantsi.
38
Qamkunapita mas kalpasapa runakunatapis paymi ushakätsirqan nacionninkuna qamkunapaqna kananpaq.
39
«Tsayno kaptinqa imaypis ama qonqapäkuytsu Tayta Diosnilantsi jana patsachöpis y kay patsachöpis Dios kashqanta. Manami paypita mas juk diosqa kantsu.
40
Kanan yachatsishqä estatütukunata y mandamientukunata cumplirqa qampis y tsurikikunapis Tayta Dios qoykushunaykipaq kaykaq nacioncho imayyaqpis alimi kawapäkunkipaq».
41
Nirkurmi Jordán mayu tsimpan inti jeqamunan kaq läducho Moisés akrarqan kimsa markakunata runakuna amparakunanpaq.
42
Tsay markakuna karqan pipis mana yarpaypa runa mayinta wanupakur amparakunanpaqmi.
43
Tsay markakuna karqan Beser, Ramot y Golán. Beserqa Rubén trïbu runakuna tashqan chunyaq pampachömi karqan. Ramotqa Gad trïbu runakuna tashqan Galaadchömi karqan. Golánnami Manasés trïbu runakuna tashqan Basáncho karqan.
44
Kaychömi qelqaraykan Israel mayinkunata Moisés yachatsishqankuna.
45
Paykunatami Tayta Diospa leyninkunata, estatütunkunata y mandamientunkunata yachatsirqan Egiptupita yarqur
46
Bet-peor nawpanman chayaykur. Bet-peor partiqa Jordán mayu tsimpan inti jeqamunan lädupami kaykan. Nawpataqa tsay parti karqan amorreo runakunapa mandaqnin rey Sehónpa makinchömi. Payqa Hesbón markachömi tarqan. Payta y tsay particho taq runakunatami Egiptupita shamur Israel mayinkunawan Moisés vincirqan.
47
Tsaynölami Basán nacionpa mandaqnin rey Ogtapis vincipäkurqan. Amorreo runakunapa ishkay mandaqnin reykunata vincirkurmi nacionninkunaman Israel runakuna yaykapäkurqan. Tsay nacionkunaqa Jordán mayu tsimpan inti jeqamunan kaq lädupami karqan.
48
Tsaymi Israel runakunapaqna karqan Aroer marka nawpancho kaq Arnón mayupita qalaykur hasta Sirión puntayaq. Tsay puntapa jukaq jutin kaykan Hermón.
49
Arabá pampapis Israel runakunapaqmi karqan hasta Arabá Lamaryaq. Tsay pampakunaqa kaykan Jordán mayu tsimpan inti jeqamunan kaq lädupami. Arabá Lamarpis Pisga nishqan punta chakinchömi kaykan.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34