bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Deuteronomy 13
Deuteronomy 13
Quechuan (Tayta Diospa Wilakuynin) 2003
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 14 →
1
«Qamkuna kaqcho juk runa profëta tukur o sueñushqanta wilakur capaz kayno ninqa: «Noqatami Tayta Dios sueñuynïcho tantiyatsimashqa milagruta rikanantsipaq kashqanta».
2
Tsay runa nishqanno milagru pasaptin «mana adorashqayki dioskunatana adorashun» nishuptikiqa
3
ama chaskipankitsu. Tsay runata chaskipäkunaykipa trukanqa tantiyapäkunki Tayta Diosnintsi probaykäshushqaykita. Paymi musyayta munaykan lapan shonquykiwan y lapan voluntänikiwan payta kuyashqaykita o mana kuyashqaykitapis.
4
« Tayta Diosnilantsita sirvipäkuy, pay japalanta mantsakäriy y mandamientunkunata imaypis cumplipäkuy.
5
Juk dioskunata adorapäkunaykipaq shimita jatipäkuqkunataqa wanutsipäkunki. Paykunaqa munarkaykan Egiptucho ashmay kaykashqaykipita jorqamushuqniki Tayta Diosta mana cäsukärinaykitami. Tsayno kashqanpita paykunata wanutsipäkuy. Tsaynöpami mana ali ruraykuna qamkunacho mana kanqatsu.
6
«Mana adorapäkushqayki ni unay ayluntsikuna mana adorapäkushqan dioskunata adoranaykipaq pipis pakaylapa inkitashuptiki ama chaskipankitsu. Tsayno ama chaskipankitsu wawqiki kaptinpis, tsuriki kaptinpis, warmiki kaptinpis, o kuyanakushqayki amïguyki kaptinpis.
7
Tsaynöla ama chaskipäkunkitsu cercacho taq runakuna o karucho taq runakuna adorashqan diosninkunata adoranaykipaq nishuptikipis.
8
Tsayno inkitashuqnikikunataqa mana kuyapaypa, mana perdonaypa, favornin mana sharkuypa
9
wanutsipäkunki. Tsay runata o warmitaqa kikikikunami puntata saqmayta qalaykunki. Tsaypitaqa lapan runakunami saqmapäkunqa.
10
Egiptucho ashmay kashqantsipita jorqamaqnintsi Tayta Diosta mana cäsunaykipaq inkitakuq runakunataqa saqmaypa wanutsipäkunki.
11
Tsayno wanutsiptikimi Israel runakuna mantsakushpan runa mayinta mana inkitanqanatsu.
12
« Tayta Dios qoykushunaykipaq kaykaq nacioncho tashpayki capaz musyapäkunkipaq mayqan markachöpis
13
runa mayinta kayno nir inkitashqanta: «Mana adorashqantsi juk dioskunata adorashun».
14
Tsayno kashqanta pipis nishuptiki shumaq tapupakunki tsay markacho rasunpa juk dioskunata adorashqanta o mana adorashqantapis. Juk dioskunata rasunpa adoraptinqa
15
tsay markacho taqkunata uywankunatawan lapanta espädawan wanutsipäkunki.
16
Imaykantapis shunta shuntarkur pläzaman qotuykushpayki lapanta rupatsipäkunki. Nirkur markantapis kanapäkunki. Tsay kanapäkushqaykiqa Tayta Diospaq rupatsina sacrificiumi kanqa. Tsay markaqa imayyaqpis raqälana quëdaptin pipis mananami sharkatsinqanatsu.
17
«Cuidädu tsay shuntashqayki kaqkunata rupatsinaykipa trukan quëdatsikunkiman. Lapanta rupatsipäkuptikiqa Tayta Dios manami castigashunkipaqtsu. Tsaypa trukanqa unay ayluntsikunata promitishqanno kuyapäshushpaykimi yanapashunkipaq atskaman mirar jatun nación rikakunaykipaq.
18
Tsayno kuyapäshunaykipaqqa Tayta Diospa lapan mandamientunkunata kanan junaq tantiyatsishqäta imaypis cäsukur pay munashqanno kawapäkunki.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34