bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Exodus 14
Exodus 14
Quechuan (Tayta Diospa Wilakuynin) 2003
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 15 →
1
Tsaypitana Moisésta Tayta Dios kayno nirqan:
2
«Israel runakunata ninki Pi-hahirot lädupa tikrananpaq. Tsayqa kaykan Migdolpita lamarman aywaqchömi. Lamar kuchunman chayaykur Baal-Zefónpa tsimpancho patsakunanpaq toldunkunata ichitsipäkutsun.
3
Tsaycho kaykashqaykita musyarmi Faraón yarpanqa chunyaq jirkacho pantakashqa purirkaykashqaykita.
4
Noqami Faraónpa shonqunta chukruyätsishaq qepaykita qatipäshunaykipaq. Tsayno qatipäshuptikimi podernïwan soldädunkunata ushakätsishaqpaq. Tsaynöpami Egipto runakuna musyanqa munayniyuq Tayta Dios kashqäta». Tsayno niptinmi Israel runakunaqa yätsishqannöla rurapäkurqan.
5
Israel runakuna qeshpir aywakuykashqantami Faraónta wilapäkurqan. Tsaymi Faraón y mandäshiqninkunapis lakikushpan kayno nipäkurqan: «¿Imapaqtaq Israel runakunata kacharishqantsi? Kananqa ¿pitaq arupämäshun?»
6
Tsayno nirmi soqta pachak (600) alinnin kaq carrëtankunata y wakin kaq carrëtakunatapis kamarikurkur soldädunkunawan qepanta aywapäkurqan. Cada carrëtachömi juk capitanpis aywarqan.
8
Tsayno qatipänanpaqqa Tayta Diosmi Faraónpa shonqunta chukruyätsirqan. Tsaymi Israel runakuna yarqunanpaq Egipto runakunata mantsariypaq castïgukunawan Tayta Dios castigaykaptinpis mana tantiyakuypa qatiparqan.
9
Egipto runakuna soldädunkunawan, carrëtankunawan y cawallunkunawan aywarmi Israel runakuna patsaraykashqanman chayaykarqanna. Israel runakunaqa patsaraykarqan Pi-hahirotpa nawpancho Baal-Zefónpa tsimpan lamar kuchunchömi.
10
Soldädunkunawan Faraón taripaykashqanta rikaykurmi Israel runakunaqa pasaypa mantsakushpan Tayta Diosta manakurqan salvananpaq.
11
Nirkurmi Moisésta kayno nipäkurqan: «¿Manatsuraq Egiptucho panteonkuna kaykan tsaycho wanur pampakärinäpaq? ¿Imapaqtaq jorqamashqanki kay chunyaq jirkacho wanupäkunäpaq?
12
Kayno kanäpaq kaqta maliciarmi Egiptucho kaykarraq kayno nipäkurqä: «Jina Egipto runakunata arupar täkärishaq. Chunyaq jirkacho wanunäpa trukanqa mas alimi kaykan Egipto runakunapa ashmaynin kapäkushqäpis» ».
13
Tsayno niptin Moisés kayno nirqan: «Ama jaka shonqu kapäkuytsu. Kananmi rikapäkunki Tayta Dios imano salvamashqantsitapis. Kananpitaqa mananami imaypis Egipto runakunata rikapäkunkipaqnatsu.
14
Ama lakikäriytsu. Tayta Diosmi favornintsi sharkur pelyanqapaq».
15
Tsaypitanami Moisésta Tayta Dios kayno nirqan: «¿Imanirtaq manakamälar kaykanki? Tsaypa trukanqa Israel runakunata jukla aywapäkunanpaq niy.
16
Tsaynöpis tukruykita lamar jananpa toqriy ishkayman yaku rakikänanpaq. Tsaymi Israel runakuna lamar chawpinpa tsakipana pasanqapaq.
17
Egipto runakuna qatipäshunaykipaq noqami shonqunta chukruyätsishaq. Kananmi Faraónta, soldädunkunata, carrëtankunata y cawallunkunatapis ushakätsiptï pïmaypis musyanqa munayniyuq kashqäta.
18
Carrëtantinta y cawalluntinta Faraónta ushakätsiptïmi Egipto runakunapis musyapäkunqapaq munayniyuq Tayta Dios kashqäta».
19
Tsaymi Tayta Diospa angilnin y ichiraykaq pukutaypis Israel runakunapa puntanta aywaykashqanpita paykunapa qepanmanna churakarqan.
20
Tsawraqa tsay ichiraykaq pukutay Israel runakunata Egipto runakuna mana taripananpaq tsaparqan. Egipto runakuna aywashqanpa pukutay pasaypa tsakakuykuptinmi rikayta mana kamäpakur warayta aywarpis Israel runakunata mana tariparqantsu. Israel runakuna aywashqanpami itsanqa pukutay atsikyaparqan.
21
Moisésnami makinta lamar jananpa toqrirqan. Tsawraqa inti jeqamunan lädupita Tayta Dios warayta fiyupa wayrätsimur lamarta ishkayman rakirqan. Tsaymi yaku rakikashqan kaq tsaki alpana karqan.
22
Ishkan läducho tapianöraq yaku ichiraptinmi chawpinpa tsakilapana Israel runakuna pasapäkurqan.
23
Tsaymi Israel runakunata qatipar Egipto runakunaqa Faraónpa cawallunkunawan carrëtankunawan yaykurqan lamar chawpinyaq.
24
Patsa manaraq waraptinmi pukutaypita y nina ichiraykaqpita Tayta Dios pantakätsiptin Egipto soldädukuna ima ruraytapis kamäpakurqantsu.
25
Carrëtankunapa ruëdankunatapis Tayta Dios yarqukätsiptinmi aywaytapis mana kamäpakurqannatsu. Tsawraqa Egipto runakuna kikinpura kayno nipäkurqan: «Israel runakunapita qeshpikushun. Tayta Diosmi paykunapa favornin sharkur contrantsi kaykan».
26
Tsay hörami Moisésta Tayta Dios kayno nirqan: «Makikita lamar jananpa toqriy Egipto runakunata carrëtantinta y cawalluntinta yaku chipyaq ultakurkunanpaq».
27
Tsawraqa lamar jananpa Moisés makinta toqrirqan. Tsaymi patsa wararkuptinna kashqanman yaku kutir Egipto runakuna qeshpiykaqta ultakurkurqan. Tsaynöpami lamar chawpincho Egipto runakunata Tayta Dios ushakätsirqan.
28
Kashqanman yaku kutirmi Faraónpa carrëtankunata, cawallunkunata y soldädunkunatapis tsaparkurqan. Tsaymi Israel runakunata qatipar yaykuqkunaqa lapan ushakarqan.
29
Israel runakunami itsanqa ishkan läducho yaku tapianöraq kaptin tsakilapana tsimparqan.
30
Tsay junaqmi Egipto runakunapa makinpita Israel runakunata Tayta Dios qeshpitsirqan. Tsayno qeshpitsiptinmi Egipto runakunapa ayankunata Israel runakuna rikapäkurqan lamar kuchuncho jitarpaykaqta.
31
Egipto runakunata munayninwan Tayta Dios ushakätsishqanta rikaykurmi Israel runakuna mantsakur payman y sirviqnin Moisésman yärakärirqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40