bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Exodus 37
Exodus 37
Quechuan (Tayta Diospa Wilakuynin) 2003
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 38 →
1
Tsaynöpis acacia qerupita juk babulta Bezaleel rurarqan. Tsay babulpa largun karqan juk metru chunka centïmetru. Tsaynöla anchun y altunpis karqan soqta chunka pitsqa (65) centïmetru.
2
Rurinpa y jananpa qoriwan enchaparqan. Tsaynöpis intëru kuchunpa qoripita rebëtinta rurarkur jiruruq churaparqan.
3
Qoripita chusku argöllata rurarkurmi chuskun chakinkunaman tanaparqan: ishkayta babulpa jukaq lädunman y ishkaytana babulpa jukaq lädunman.
4
Tsaynöpis acacia qerupitami ishkay largu qeruta rurarqan. Tsay qerukunata qoriwan enchaparkurmi
5
argölla uchkunpa pasatsirqan babulta wintupäkunanpaq.
6
Babulpa tsapanantana rurarqan qori pürupitami. Largun karqan juk metru chunka centïmetru. Anchunnami karqan soqta chunka pitsqa (65) centïmetru.
7
Tsaynölami martilluwan takaylapa ishkay querubinkunata qoripita rurarqan. Tsay angilkunatami babulpa tsapanan ishkan kuchunman ichitsirqan.
8
Tsapananta y querubinkunataqa rurarqan tsay piëzalatami. Jukaq querubín karqan itsuq kaq läduncho y jukaqnami karqan alawqa kaq läduncho.
9
Tsay ishkan querubinkunami älankuna mashtashqa frenti frenti babulpa tsapananta rikarpaykarqan. Tsaynöpami ishkanpa älankuna tsapananta lantuparqan.
10
Tsaynöpis acacia qerupita mësata rurarqan. Tsay mësapa largunmi karqan isqun chunka (90) centïmetru. Anchunnami karqan chusku chunka pitsqa (45) centïmetru y altunnami karqan soqta chunka pitsqa (65) centïmetru.
11
Tsay mësapa jananta, rurinta y chakinkunatapis qoriwan enchaparqan. Kuchunkunapapis jiruruq qoripita rurashqa rebëtinta churaparqan.
12
Tsaynöpis qanchis centïmetru anchuta qeruta jiruruq churarqan. Tsay jananmannami qoripita rurashqa juk rebëtita churarqan.
13
Tsaynöpis chusku argöllakunata qoripita rurarkur mësapa chuskun chakinkunaman tanarqan.
14
Tsay argöllakunata tanarqan chakinpita rebëtinman tinkuraqman. Tsay argöllakunapami ishkay largu qerukunata pasatsirqan mësata wintupäkunanpaq.
15
Mësa wintukuna qerukunata acacia qerupita rurarkurmi qoriwan enchaparqan.
16
Tsay mësapa manëjunkunatami qori pürupita rurarqan plätukunata, wishlakunata, järrakunata y pucillukunata. Tsay järrakuna y pucillukunaqa vïnuta altarman winapänanpaqmi karqan.
17
Tsaynöpis candelabruta qori pürupita martilluwan takaylapa rurarqan. Tsay candelabrupa jamakunan, chakin, cöpankuna y waytankunapis juk piëzalami karqan.
18
Tsay candelabru soqta rikrayuqmi karqan. Kimsa rikranmi jukaq lädupa y kimsa rikranmi jukaq lädupa karqan.
19
Cada rikrancho kimsa waytakunata rurarqan. Tsay waytakuna karqan almendrupa waytan niraq.
20
Candelabrupa chakinchöpis karqan chusku waytankuna. Tsay waytakunapis karqan almendrupa waytan niraqmi.
21
Cada rikran tinkuraqchömi karqan juk wayta.
22
Waytankunapis y rikrankunapis tsay piëzalami karqan. Lapanpis qori pürulapita martilluwan takaylapa rurashqami karqan.
23
Tsaynölami candelabrupaq qanchis mechërukunata, mëchapa liptanta jorqunanpaq taksha alicätinkunata y lipta shuntakunan taksha plätukunatapis qori pürupita rurarqan.
24
Tsay candelabruta y lapan manëjunkunata rurarqan kimsa chunka kimsa (33) kïlu qoripitami.
25
Inciensuwan qoshtatsikuna altartapis acacia qerupita rurarqan. Tsay altarpa largunpis anchunpis chusku chunka pitsqa (45) centïmetrumi karqan. Altunmi karqan isqun chunka (90) centïmetru. Chuskun kuchunkunachömi altarwan juk piëzala kananpaq waqratano rurarqan.
26
Tsay altarta jananpa, lädunkunapa y waqrankunatapis qori püruwanmi enchaparqan. Tsaynöpis intëru kuchunpa qoripita rebëtinta rurarkur jiruruq churaparqan.
27
Tsay churashqan rebëtin chakinpana cada esquïnanman tanaparqan qoripita argöllakunata. Tsay argöllakunami karqan qeruta pasarkatsir altarta wintupäkunanpaq.
28
Altar wintukuna qerukunata acacia qerupita rurarkurmi qoriwan enchaparqan.
29
Tsaynölami perfümita ruraqkuna rurashqanno sagrädu aceitita y ali asyaq inciensutapis rurarqan.
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 38 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40