bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Exodus 33
Exodus 33
Quechuan (Tayta Diospa Wilakuynin) 2003
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 34 →
1
Tayta Dios mastapis Moisésta kayno nirqan: «Kananqa Egiptupita jorqamushqayki runakunata pusharkur ayway Abrahamta, Isaacta y Jacobta promitishqä nacionman. Tsay naciontami promitirqä paykunapita miraqkunata qoykunäpaq.
2
Qamkunata yanapashunaykipaqmi angilnïta kachamushaq. Tsayman chayaptikinami cananeo runakunata, amorreo runakunata, heteo runakunata, ferezeo runakunata, heveo runakunata y jebuseo runakunatapis qarqushaqpaq.
3
Yakunöraq atska lëchipis abëjapa mishkinpis kashqan nacionman aywapäkuy. Mana cäsukuq runakuna kaptikimi qamkunawan mana aywashaqtsu. Qamkunawan aywarqa ushakätsishaykimi».
4
Tayta Dios tsayno nishqanta Moisés wilaptinmi Israel runakuna fiyupa lakikushpan ali röpata ni alhäjakunata pipis mana jatikurqannatsu.
5
Tsayno lakikärirqan Moisésta Tayta Dios kayno nishqanpitami: «Qamkunaqa mana wiyakuq runakunami karkaykanki. Tsaymi qamkunawan juk rätulapis aywarqa usharpis ushakätsïman. Alhäjaykikunata y ali röpaykita amana jatikäriynatsu. Yarpachakushaqraqmi qamkunata imano castiganäpaq kashqantapis».
6
Tsayno niptinmi Horeb jirkapita aywakushqanpita patsa alhäjankunata y ali kaq röpakunatapis Israel runakuna mana jatikurqannatsu.
7
Israel runakunapa campamentunpita mas karu niraqchömi Moisésqa juk tolduta ichitsirqan. Tsaypa jutintami churaparqan Tinkuna Toldu jutin kananpaq. Pipis Tayta Diosta ashiyta munarqa tsay toldumanraq aywapäkuq.
8
Moisés tsayman aywaptinmi Israel runakunaqa toldunkuna punkunman ichiykur rikarpaq Tinkuna Toldu rurinman yaykunanyaq.
9
Moisés yaykuptinna tsay toldu punkuman ichiraykaq pukutay urämuq. Nirkur Moiséswan Tayta Dios parlashqanyaq toldu punkucho pukutay ichiraq.
10
Tsay toldu punkucho pukutay ichiraykaqta rikarmi lapan runakuna toldunkuna punkulacho Tayta Diosta adorapäkuq.
11
Amïgunwan runa parlaqnömi Moiséswan Tayta Dios parlaq. Tsayno parlarkurmi Moisésqa campamentuman kutiq. Moisésta yanapaq mözu Josuémi itsanqa Tinkuna Toldulacho imaypis mana yarquypa täkuq. Josuéqa karqan Nunpa tsurinmi.
12
Tayta Diosta Moisés kayno nirqan: «Kay runakunata pushanäpaq nimashqanki, Tayta. Tsayno kaptinpis manami nimashqankitsu pï yanaqämänanpaq kashqantapis. Tsaynöpis nimashqanki amïguyki kaptï kuyapämashqaykita.
13
Rasunpa kuyapämashpaykiqa imata yarpashqaykitapis wilaykalämay. Tsaynöpami kuyapämashqaykita musyashaq. Ama qonqaykulaytsu kay runakunata kikiki akrashqaykita, Tayta».
14
Tsawraqa Tayta Dios kayno nirqan: «Kikïmi yanaqäshayki. Noqami jamayta qoshayki».
15
Tsawraqa Moisés kayno nirqan: «Mana yanaqämänaykipaq kaptinqa kaypita ama jorqapäkamaytsu.
16
Mana yanaqämaptikiqa ¿imanöpataq musyapäkushaq noqakunata kuyapämashqaykita? Tsaynöpis ¿imanöpataq musyapäkushaq wakin casta runakunapita noqakunata mas kuyamashqaykita?»
17
Niptin Tayta Dios kayno nirqan: «Amïgü kaptikimi kuyapashpä manakamashqaykino qamkunata yanaqäshayki».
18
Tsawraqa Moisés kayno nirqan: «Tayta, ruwakuläshayki. Kikikitami rikayta munaykä».
19
Tsayno niptin Moisésta Tayta Dios kayno nirqan: «Kuyapashqä kaqta kuyapämi. Perdonayta munashqä kaqtaqa perdonämi. Tsaymi nawpaykipa pasar kuyapäkuq kashqäta musyatsishayki. Tsaynöpis jutï Yahweh kashqantami wilashayki.
20
Itsanqa qaqläta manami rikankimantsu. Pipis qaqläta rikaq kaqqa wanunqami».
21
Mastapis Tayta Dios kayno nirqan: «Qaqa jananman witsarkamur nawpächo ichiray.
22
Nawpaykipa pasarmi qaqa kichakashqa kaykaqman yaykatsishayki. Nirkurmi makïwan tsapashayki pasanäyaq.
23
Pasarirraq makïta jorquptïmi waqtalätana rikamankipaq. Qaqlätami itsanqa mana rikankipaqtsu».
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40