Ezra 10

Quechuan QXO (Biblia en Quechua del sur de Conchucos)

← Chapter 9 Jump to:

1Tayta Diospa templun punkuchö waqarnin Esdras lätaykur perdonta mañakuptinmi atska runakuna, warmikuna y wamrakunapis paypa puntanman qorikaskir pasaypa llakikurnin waqayarqan.

2Tsaynö kaykäyaptinmi Elampita miraq Jehielpa tsurin Secanías Esdrasta nirqan: «Noqakunam mana Israel warmikunawan churakar Tayta Diosnintsikta cäsuyarqütsu. Tsaynö kaptinpis manarämi Tayta Dios ushakätsimarquntsikrätsu.

3«Tayta Diosnintsikwanmi pactuta rurayäshä mana Israel warmïkunawan rakikar wamrantinta qarquriyänäpä. Ninqaykinömi Tayta Diosnintsikpa leyninkunata cäsukuyäshä. Tsaynöllam llapanpis Diosnintsikta cäsukuqkuna nikäyan.

4Shärir llapäkunata yätsiykayällämay. Noqakunaqa ninqaykita rurayänäpä listum kaykäyä. Imata rurayänäpäpis ras niykayällämay».

5Tsaynö niptinmi Esdras ichiykur mandaq sacerdötikunata, levitakunapa mandaqninkunata y llapan Israel mayinkunata juratsirqan Secanías ninqanta cumpliyänanpä. Tsaynö niptinmi llapan jurayarqan.

6Tsaymi Tayta Diospa templunpita Esdras aywarqan Eliasibpa tsurin Johanánpa wayinman. Tsaychömi llakikurnin imatapis mana mikuypa ni mana upuypa wararqan. Tsaynö llakikurqan Babiloniapita Jerusalénman punta shamuqkuna Tayta Diosta mana cäsukuyanqanpitam.

7Tsaypitanam entëru Judápa y Jerusalénpa willakatsirqan Babiloniapita llapan shamuqkuna Jerusalénman qorikäyänanpä.

8Tsaynöllam willakatsirqan kimsa junaqta mana chämuq runakunapa imaykankunatapis qechuyänanpä y Israel mayinkuna täyanqan markakunapita qarquyänanpä. Tsaynö rurayänanpämi Israel mayor runakuna y yätsiqninkuna willanakuyarqan.

9Kimsa junaqchönam Judá trïbu runakuna y Benjamín trïbu runakuna llapanpis Jerusalénchö qorikäyarqan. Tsayqa isqun kaq killa ishkay chunka (20) junaqchömi karqan. Templupa patiunman chaykurmi jamaskiyarqan. Tsayman qorikäyanqanpita y pasaypa tamyaptinmi llapan mantsarir tsuktsukyäyarqan.

10Tsaypitanam sacerdöti Esdras ichiykur nirqan: «Qamkunaqa mana Israel warmiwan casaratsinakurmi jutsata rurayarquyki. Tsaynöpam llapantsik jutsayuq kaykantsik.

11Unay castantsikkuna yärakuyanqan Tayta Diospa puntanchö jutsata rurayanqaykipita perdonta mañakuyay. Tsaynölla Tayta Diosta cäsur mana Israel warmikikunapita rakikäyay».

12Tsaynö niptinmi llapan runakuna fuertipa niyarqan: «Taytay, niyämanqaykitaqa llapantam cumpliyäshä.

13Peru mana Israel warmiwan churakashqa kaqkunaqa atskaqmi kayä. Kay parlaykanqantsikqa manam juk junaq ni ishkay junaqlla arreglaypätsu kaykan. Tamya killa kaykaptinqa manam cällillachö ichiräkuyämantsu.

14Llapäkuna kaychö kayänäpa rantinqa mandamaqnïkunalla quëdayätsun. Paykuna jitapäyämanqan junaqmi mana Israel warmiwan churakaqkuna mayor runakunawan y juezkunawanpis Jerusalénman kutiyämushä. Arreglayaptinmi Tayta Diosnintsik manana rabyakunqanatsu».

15Asaelpa tsurin Jonatán y Ticvapa tsurin Jahazíasllam tsay ninqanta chaskikuyarqantsu. Tsaynöllam levita Mesulam y levita Sabetai janan shäriyarqan.

16Tsay chuskun mana chaskikuyaptinpis Babiloniapita wakin shamuq runakunaqa llapanmi chaskikuyarqan. Tsaymi sacerdöti Esdras cada castapita juk mayor runata churarqan arreglananpä. Chunka kaq killa punta kaq junaqchönam tsay runakuna qorikaskir willanakuyarqan cada runata imanö juzgayänanpä kanqantapis.

17Wata qallaykunan punta kaq junaqmi mana Israel warmiwan churakashqa kaq runakuna imanö kayänanpäpis autoridäkuna willanakuyta ushayarqan.

18Kaychömi qellqashqa kaykan mana Israel warmiwan churakanqanpita rakikaq sacerdötikunapa jutinkuna: Maasías, Eliezer, Jarib, Gedalías (paykunaqa Josadacpa tsurin Josuépita y wawqinkunapita miraqkunam kayarqan.

19Makinkunata joqarirmi warminpita rakikäyänanpä promitiyarqan. Mana Israel warmiwan churakäyanqanpita perdonashqa kayänanpämi juk carnëruta apayämurqan),

20Hanani, Zebadías (paykunaqa Imerpita miraqkunam kayarqan),

21Maasías, Elías, Semaías, Jehiel, Uzías (paykunaqa Harimpita miraqkunam kayarqan),

22Elioenai, Maasías, Ismael, Natanael, Jozabad y Elasa (paykunaqa Pasurpita miraqkunam kayarqan).

23Kaychömi qellqashqa kaykan mana Israel warmiwan churakanqanpita rakikaq levitakunapa jutinkuna: Jozabad, Simei, Kelita ninqan Kelaía, Petaías, Judá y Eliezer.

24Kaychömi qellqashqa kaykan mana Israel warmiwan churakanqanpita rakikaq cantaqpa jutin: Eliasib. Kaychömi qellqashqa kaykan mana Israel warmiwan churakanqanpita punku cuidaqkunapa jutinkuna: Salum, Telem y Uri.

25Kaychömi qellqashqa kaykan mana Israel warmiwan churakanqanpita rakikaq wakin Israel runakunapa jutinkuna: Ramía, Jezías, Malquías, Mijamín, Eleazar, Malquías, Benaía (paykunaqa Paruspita miraqkunam kayarqan),

26Matanías, Zacarías, Jehiel, Abdi, Jeremot, Elías (paykunaqa Elampita miraqkunam kayarqan),

27Elioenai, Eliasib, Matanías, Jeremot, Zabad, Aziza (paykunaqa Zatupita miraqkunam kayarqan),

28Johanán, Hananías, Zabai, Atlai, (paykunaqa Bebaipita miraqkunam kayarqan),

29Mesulam, Maluc, Adaía, Jasub, Seal, Ramot (paykunaqa Banipita miraqkunam kayarqan),

30Adna, Quelal, Benaía, Maasías, Matanías, Bezaleel, Binúi, Manasés (paykunaqa Pahat-moabpita miraqkunam kayarqan),

31Eliezer, Isías, Malquías, Semaías, Simeón,

32Benjamín, Maluc, Semarías (paykunaqa Harimpita miraqkunam kayarqan),

33Matenai, Matata, Zabad, Elifelet, Jeremai, Manasés, Simei (paykunaqa Hasumpita miraqkunam kayarqan),

34Madai, Amram, Uel,

35Benaía, Bedías, Quelúhi,

36Vanías, Meremot, Eliasib,

37Matanías, Matenai, Jaasai (paykunaqa Banipita miraqkunam kayarqan),

39Selemías, Natán, Adaía,

40Macnadebai, Sasai, Sarai,

41Azareel, Selemías, Semarías,

42Salum, Amarías, José (paykunaqa Binúipita miraqkunam kayarqan),

43Jeiel, Matatías, Zabad, Zebina, Jadau, Joel y Benaía (paykunaqa Nebupita miraqkunam kayarqan).

44Tsay runakunaqa llapanmi mana Israel warmiwan churakäyarqan. Rakikarninmi tsay warmikunata wamrantinta qarquyarqan.

← Chapter 9 Jump to: