bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Galatians 3
Galatians 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 4 →
1
¡Mana tantiyakuq Galacia runakuna! Noqantsik raykur Jesucristo cruzchö wanunqanta shumaqmi tantiyayarqayki. Tsaynö kaykaptinqa ¿pitä engañayäshurquyki [llutan yachatsikuyta criyiyänaykipä]?
2
Kanan mä willayämay. ¿ Moisés qellqanqan leykunata cumplirku o Jesucristupa willakuyninta wiyar payman yärakurku Espíritu Santuta chaskiyarqayki?
3
¡Mana tantiyakuq upam kayanki! Espíritu Santu yanapayäshuptikim Tayta Dios munanqannö kawayta qallayarquyki. Tsaynö kaykaptinqa ¿imanirtä Espíritu Santuta mana cäsur Moisés qellqanqan leykunata cumpliyta munaykäyanki?
4
Tsaynö karqa ¿manakaqllapätsurä Jesucristuman criyiyanqaykipita ñakayarquyki? Manachi wallällapäqa ñakayankimantsu.
5
¿Tsay leykunata cumpliyanqaykipitatsurä Tayta Dios Espíritu Santuta qarayäshurquyki? ¿Leykunata cumpliyanqaykipitatsurä qamkunachö milagrukunata ruran? Manam tsaypitatsu, sinöqa Jesucristupa alli willakuyninta wiyar payman yärakuyanqaykipitam.
6
Yärakuptinmi Abrahamtapis Tayta Dios jutsaynaqtana chaskirqan.
7
Shumaq tantiyakuyay. Tayta Diosman noqantsikpis yärakurqa mayqan casta karpis Abrahampa castanmi kantsik.
8
Tayta Diospa palabranmi nin mana Israel runakunatapis payman yärakuyanqanpita Tayta Dios perdonananpä kanqanta. Tsaymi alli willakuyninta Abrahamta Tayta Dios willar nirqan: «Qam raykurmi llapan casta runakunapis bendicionnïta chaskiyanqa».
9
Tsaymi noqantsikpis Tayta Diosman yärakur Abraham bendicionta chaskinqannö bendicionta chaskintsik.
10
Moisés qellqanqan leykunata cumpliyanqanpita salvashqa kayanqanta yarpaqkunaqa llapanpis maldicionädum kayan. Tayta Diospa palabranmi nin: «Llapan qellqashqa leykunata mana cumpliq kaqmi maldicionashqa kanqa».
11
Tsaynö kaykaptinqa Moisés qellqanqan leykunawanqa manam mayqanpis salvakuyanqatsu. Tsaypämi Tayta Diospa palabranchö nin: «Munanqänö kawaq runaqa noqaman yärakamurmi kawanqa».
12
Moisés qellqanqan leykuna manam Diosman criyikur salvakunantsikpätsu parlan, sinöqa nin: «Leynïkunata cumpliq kaq runaqa llapantam cumplinman».
13
Peru tsay leykunata cumpliyta mana puëdirmi maldicionädu karqantsik. Tsaymi trokintsikchö maldicionädu runanö wanur Jesucristo salvamarquntsik. Tayta Diospa palabranmi nin: «Pï runapa ayanpis qeruchö warkaraptinmi tsay runa maldicionashqa kanqa».
14
Jesucristupis tsaynö wanurqan Abrahamta Tayta Dios awninqan bendicionta mana Israel runakunapis chaskiyänanpämi. Tsaymi Jesucristuman criyikur Tayta Dios awninqan Espíritu Santuta chaskintsik.
15
Wawqikuna y panikuna, kananqa runakuna rurayanqan testamentuman iwalatsiypam tantiyatsiyäshayki. Musyanqantsiknöpis testamentuta rurar firmaptinqa manam pipis manakaqman churannatsu ni imatapis yapannatsu. Tsaynöllam Tayta Dios awninqanpis kaykan.
16
Pay awninqanqa Abrahampä y paypita miraqpämi. Manam Abrahampita llapan miraqkunapä kanqantatsu Tayta Dios nirqan, sinöqa paypita miraq jukllayllapä kanqantam nirqan. Tsaynö nirqa Jesucristupämi parlarqan.
17
Tsaymi nï: Abrahamwan pactuta [Cristuchö] ruranqanpita chusku pachak kimsa chunka (430) watatarämi Tayta Dios leyninkunata Moisésta entregarqan. Qepatarä shamushqa karmi Abrahamta awninqanta anulashqatsu.
18
Tsaynö kaptinmi Moisés qellqanqan leykunata cumplinqantsikpitatsu salvakuntsik, sinöqa Abrahamta awninqanta Tayta Dios cumpliptinmi. Moisés qellqanqan leykunata cumplinqantsikpita salvakunantsik kaptinqa Tayta Dios awninqanpis manakaqllapämi kanman karqan.
19
Tsaynö kaykaptinqa ¿imapätä tsay leykuna? Runakuna jutsayuq kayanqanta tantiyakuyänanpämi tsay leykunata Tayta Dios Moisésta entregarqan. Tsaynö kaptinpis tsay leykunaqa Jesucristo shamunqanyaqllam karqan. Paymi Abrahamta Tayta Dios awninqan runa kaykan. Tsaynöllam Tayta Dios leyninkunata angelkunawan Moisésta entregatsirqan. Moisésnam tsay leykunata runakunata willarqan.
20
Abrahamta awnirmi sïqa jukwan willakatsinanpa rantinqa kikin Tayta Dios parlaparqan.
21
Tsaynö kaykaptinqa ¿Tayta Diospa leyninkuna salvamänantsikpätsurä kaykan? ¡Manam! Tsay leykuna salvamänantsikpä kaptinqa awninqantam Tayta Dios manakaqman churanman karqan. Salvamänantsikpä kaptinqa leyninkunata cumplirmi salvakushwan karqan.
22
Peru Tayta Diospa palabranmi nin llapantsikpis jutsayuq kanqantsikta. Jesucristuman criyikurrämi Tayta Dios awninqanta chaskir salvakuntsik.
23
Jesucristuman manarä criyishqam Moisés qellqanqan leykuna poderninchö tsararämarqantsik. Tsaynö tsararämarqantsik Jesucristo shamunqanyaqmi.
24
Tsurinta rïcu runa sirviqninpa poderninman churanqannömi noqantsiktapis Tayta Dios tsay leykunapa poderninman churamarquntsik. Tsaynö churamarquntsik Jesucristo shamuptin payman criyikur salvakunantsikpämi.
25
Wamra jatunyarkur wätaqninpa poderninchö manana kanqannömi Jesucristuman criyikur Moisés qellqanqan leykunapa poderninchönatsu kaykantsik.
26
Wawqikuna y panikuna, Jesucristuman criyikurnam kananqa Tayta Diospa wamrankunana kaykantsik.
27
Tsaynöllam bautizakuskirqa Jesucristuwan jukllayllanö kar paypa poderninchöna kantsik.
28
Tsaymi Israel runa o mana Israel runa karpis, esclävu o mana esclävu karpis, ollqu o warmi karpis Jesucristuchö karqa Tayta Diospa wamranna kantsik.
29
Tsaynöllam Jesucristuman criyikur Abrahampita miraqna kantsik. Tsaynöpam Abrahamta Tayta Dios awninqanta noqantsikpis chaskintsik.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 4 →
All chapters:
1
2
3
4
5
6