bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Mark 9
Mark 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
Tsaypitanam Jesús nirqan: «Rasunpam nï: Manarä wanurmi wakiki rikayanki Tayta Diospa mandakuynin poderninwan shamuqta».
2
Tsaypita joqta junaqtanam Pedruta, Santiaguta y Juanta pushakurkur juk jirkaman Jesús witsarqan. Tsaychömi rikaraykäyaptin Jesús juk niraqman tikrarqan.
3
Röpanpis [rajunö] pasaypa yuraq rikakurmi empañakuyparä atsikyarqan. Mayjina taqsharpis manam pipis tsaynöqa yuraqätsintsu.
4
Tsaychömi rikayarqan Moisésta y Elíasta Jesúswan parlaykaqta.
5
Tsaymi Jesústa Pedro nirqan: «Rabí, allipämi kaychö kaykäyä. Kimsa tsukllata rurayämushä: jukta qampä, jukta Moiséspä y jukta Elíaspä».
6
Mantsakashqa karmi mana cuentata qokur Pedro tsaynö nirqan.
7
Tsaynö parlaykaptinmi pukutay tsapaskirqan. Pukutaypitanam Tayta Dios nimurqan: «Paymi kuyay Tsurï. Pay niyäshunqaykita cäsuyay».
8
Tsaynö nimuptin rikaykur pitapis manam rikayarqannatsu, sinöqa Jesúsllatanam rikayarqan.
9
Jirkapita uraykäyämuptinmi Jesús nirqan: «Jirkachö rikayanqaykita pitapis ama willayankirätsu. Runapa Tsurin wanunqanpita kawamuptinrämi willakuyanki».
10
Tsaynö niptinmi pitapis willayarqantsu. Peru kikinkunapuram sïqa parlayarqan: «Wanunqanpita kawamunanpä parlarqa ¿imapitarä parlaykan?»
11
Tsaymi Jesústa tapuyarqan: «¿Imanirtä ley yachatsikuqkuna niyan Cristo shamunanpä puntata Elíasrä shamunanpä kanqanta?»
12
Jesúsnam nirqan: «Elías rasunpam puntata shamunqa llapanta alistananpä. Tsaynö kaptinpis Diospa palabranchömi nin Runapa Tsurinta chikir pasaypa ñakatsiyänanpä kanqanta.
13
Peru Elíasqa maynam shamushqa. Tayta Diospa palabran ninqannöllam payta wanutsiyarqan».
14
Jirkapita urämurmi tariyarqan ley yachatsikuqkunawan wakin discïpulunkuna rimanakuykaqta. Paykunatam atskaq runakuna juntaparaykäyarqan.
15
Jesústa rikaykurmi runakuna kushikurnin cörrilla aywar saludayarqan.
16
Jesúsnam discïpulunkunata nirqan: «¿Imanirtä ley yachatsikuqkunawan rimanakuykäyanki?»
17
Juk runanam nirqan: «Rabí, tsurïta supay upayätsinqanpita allïtsipämänaykipämi apamurqü.
18
Tsurïtam supay illaqpita patsaman ishkitsin, poqushaytapis aqtutsin y kiruntapis uchutsin. Tsarinqan höram qerunö chukru tikraskin. Tsaymi supayta qarquyänanpä discïpuluykikunata rugakuptïpis qarquyta puëdiyashqatsu».
19
Jesúsnam nirqan: «¡Yärakuyniynaq runakuna! ¡Imayyaqrä qamkunawan kaykäshä! ¡Imayyaqrä qamkunata awantayäshayki! Mä tsay jövinta apayämuy».
20
Tsaynö niptinmi jövinta apayarqan. Jesústa rikaykur jövinta supay tsapiskiptinmi poqushayta aqtur qoshparqan.
21
Jövinpa papänintanam Jesús tapurqan: «¿Imaypitanatä supay ñakatsin?» Papäninnam nirqan: «Wamra kanqanpitam.
22
Atska kutim wanutsiyta munar ninamanpis yakumanpis ishkitsin. Kuyapämarqa tsurïta allïkatsillay».
23
Jesúsnam nirqan: «¿Imanirtä «puëdirqa» nimanki? Rasunpa criyiptikiqa manam imapis ajatsu».
24
Tsaynö niptinmi jövinpa papänin juklla nirqan: «¡Awmi, criyïmi! Mas criyikunäpä yanapaykallämay».
25
Atskaq runakuna tanqanakurrä shamuykaqta rikarmi tsay jövinchö kaykaq supayta Jesús ollqutupar nirqan: «¡Upayätsiq supay! ¡Kay jövinpita ras yarquy! ¡Kananpitaqa amana payman kutiynatsu!»
26
Tsaymi tsay supay qayarar jövinta yapay ishkiskatsirqan. Tsaypita yarqurmi wanushqatanö jaqirir supay aywakurqan. Jövin jitaraykaqta rikarmi wanushqana kanqanta niyarqan.
27
Peru Jesúsnam makipita tsarirkur allishqatana ichirkatsirqan.
28
Tsaypita juk wayiman Jesús yaykuptinmi discïpulunkuna tapuyarqan: «Noqakunaqa ¿imanirtä tsay supayta qarquyta puëdiyarqütsu?»
29
Jesúsnam nirqan: «Tsaynö supaytaqa [ayunar] Tayta Diosta mañakurrämi qarquyanki».
30
Tsaypita aywarmi Galileapa discïpulunkunawan Jesús päsayarqan. Discïpulunkunallata yachatsiyta munarmi maypa aywayanqantapis runakuna musyayänanta munarqantsu.
31
Discïpulunkunata yachatsirmi Jesús nirqan: «Runapa Tsurintam chikiqninkunaman entreganqa. Peru wanutsiyaptinpis kimsa junaqtaqa kawamunqam».
32
Tsaynö willaptinpis discïpulunkuna imata ninqantapis manam tantiyayarqantsu. Peru mana tantiyarpis tapuytam sïqa mantsapäyarqan.
33
Tsaypita Capernaúm markaman chaykur wayichö kaykarnam discïpulunkunata Jesús tapurqan: «Nänipa shamur ¿imapitatä parlayarquyki?»
34
Mas mandaq kayta qechunakur rimanakushqa karmi tapuptinpis upälla kakuyarqan.
35
Tsaypitanam Jesús jamaykur chunka ishkay discïpulunkunata qayaskir nirqan: «Mayqanpis mas mandaq kayta munarqa llapanpitapis mas humildi karmi sirviqnölla pïmaytapis yanapayanman».
36
Tsaypitanam llapanpa chawpinchö juk wamrata marqarkur nirqan:
37
«Kay wamranö kaqkunata jutïchö pipis chaskirqa noqatam chaskiyäman. Noqata chaskimarqa mandamaq Papänïtapis chaskiyanmi».
38
Tsaypitanam Juan nirqan: «Rabí, noqakunam rikayarqü juk runa jutikichö supaykunata qarquykaqta. Peru noqantsikwan mana puriptinmi michäyarqü».
39
Jesúsnam nirqan: «Ama michäyankitsu. Pipis jutïchö milagruta ruraq kaqqa manam conträtsu parlan.
40
Contrantsik mana karqa favornintsikmi kaykan.
41
Rasunpam nï: Discïpulü kayanqaykipita pipis juk täza yakullatapis qarayäshurnikiqa premiutam chaskinqa».
42
«Pipis noqaman criyikamuqta juk wamrallatapis jutsata ruratsiptinqa mas allim kanman mulinu rumita kunkanman watarkur lamarman jitarpuyaptin.
43
Makiki jutsata ruratsiyäshuptikiqa roquskiyay. Imaypis mana upiq ninaman ishkay makiyuq qaykushqa kayänaykipa rantinqa mas allim kanman juk makiyuqllapis mana ushakaq kawayman yaykuyaptiki.
44
[Infiernuchöqa runata ushakätsiq kurukuna manam imaypis wanuyanqatsu. Ninapis manam imaypis upinqatsu.]
45
«Chakiki jutsata ruratsiyäshuptikiqa roquskiyay. Infiernuman ishkay chakiyuq qaykushqa kayänaykipa rantinqa mas allim kanman juk chakiyuqllapis mana ushakaq kawayman yaykuyaptiki.
46
[Infiernuchöqa runata ushakätsiq kurukuna manam imaypis wanuyanqatsu. Ninapis manam imaypis upinqatsu.]
47
«Ñawiki jutsata ruratsiyäshuptikiqa jipiskiyay. Infiernuman ishkay ñawiyuq qaykushqa kayänaykipa rantinqa mas allim kanman juk ñawiyuqllapis Tayta Diospa mandakuyninman yaykuyaptiki.
48
Infiernuchöqa runata ushakätsiq kurukuna manam imaypis wanuyanqatsu. Ninapis manam imaypis upinqatsu.
49
«Sacrificiuta kachitsarkur rupatsiyanqannömi llapan runakunapis imayka ninapa päsaqnö ñakayanqa.
50
Kachiqa allim. Qamlaskirqa manam imapäpis välinnatsu. Runa mayikiwan kuyanakur alli kawarqa qamkunapis kachinömi kayanki».
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16