bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Zechariah 1
Zechariah 1
Quechuan QXO (Biblia en Quechua del sur de Conchucos)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 2 →
1
Rey Darío juk wata puwaq killana mandakuq kaykanqan witsanmi noqa profëta Zacaríasta Tayta Dios parlapämarqan. Noqaqa Berequíaspa tsurin y Iddupa willkanmi kä.
2
Tayta Diosmi nimarqan: «Noqam unay Israel runakunawan pasaypa rabyakurqä.
3
Kananqa Israel mayikikunata niy: «Llapanta mandaq Tayta Diosmi nin: ¡Noqaman kutiyämuy! Kutiyämuptikiqa yapaymi yanapayäshayki.
4
Unay castaykikunanö chukru shonqu ama kayaytsu. Paykunataqa profëtakunawanmi willakatsirqä jutsankunata dëjaskir noqaman kutiyämunanpä. Peru tsaynö nikaptïpis manam cäsuyämarqantsu. Noqa Tayta Diosmi tsaynö nï.
5
«Tsay castaykikunapis y profëtakunapis ushakäyashqanam.
6
Sirvimaqnï profëtakunawan willakatsinqänöllam llapanpis päsashqa. Willakatsinqänö castigaptïmi jutsa ruranqanta dëjaskir niyarqan: «Castigamänantsikpä ninqannöllam llapanta mandaq Tayta Diosqa mana cäsunqantsikpita castigamarquntsik».
7
Rey Darío mandakuq kanqan kimsa watata cumplinanpä juk killa faltaykaptinmi ishkay chunka chusku (24) junaqchö noqa profëta Zacaríasta Tayta Dios yapay parlapämarqan. Tsayqa Sebat killam karqan.
8
Juk paqasmi revelacionchö rikarqä puka caballun muntashqa runata. Tsay runaqa atska arrayán muntikuna kanqan raqrachömi kaykarqan. Qepanchömi kaykäyarqan puka, qarwash y yuraq caballun muntashqa runakuna.
9
Tsay höram juk ángel parlapämarqan. Paytam tapurqä: «Taytay, ¿pikunatä taqay muntashqa runakuna?» Tapuptïmi nimarqan: «Kanan willashayki pikuna kayanqantapis».
10
Arrayán kaykanqan kaqchö runanam nimarqan: «Paykunaqa kaykäyan entëru kay patsata rikapakuyänanpä Tayta Dios mandamunqanmi».
11
Arrayán muntikunachö kaykaq runaqa Tayta Diospa angelninmi karqan. Tsaymi muntashqa kaykaqkuna tsay angelta niyarqan: «Maytsaypapis purirmi rikayarqü runakuna tranquïlu kawaykaqta».
12
Tsaymi Tayta Diospa angelnin nirqan: «Llapanta mandaq Tayta Dios, qanchis chunka (70) watana päsaykaptinpis ¿jinallaku rabyashqa kaykanki Jerusalén y Judá runakunawan?»
13
Tsaynö niptinmi noqawan parlaykaq angelta Tayta Dios alli shimillanpa parlaparqan.
14
Tsay angelnam willakunäpä nimarqan: «Llapanta mandaq Tayta Diosmi nin: «Jerusalénta y Sión jirkanta pasaypam kuyä.
15
Tsaymi atacaqnin nación runakuna tranquïlu kawaykaqta rikar pasaypa rabyanä. Israel runakunawan rabyashqa kar castigaptïmi paykunaqa alläpana ñakatsiyashqa.
16
Noqa Tayta Diosmi nï: Kananqa Jerusalénta kuyapäshänam. Yapaymi wayïta y Jerusalén markatapis shäritsiyanqa. Noqa llapanta mandaq Tayta Diosmi tsaynö nï».
17
Tsaynöllam tsay ángel nimarqan: «Mastapis willakuy: «Llapanta mandaq Tayta Diosmi nin: Noqam bendicionnïta churashä Judá markakunachö imaykapis atska kananpä. Sión jirkanchö täraq runakunatapis kuyapäshämi. Noqapa kananpämi Jerusalén markata yapay qorishä».
18
Tsaypitanam revelacionchö chusku waqrakunata rikarqä.
19
Tsaymi noqawan parlaykaq angelta tapurqä: «¿Imaninantä tsay waqrakuna?» Tsaymi nimarqan: «Tsay waqrakunaqa kaykäyan Judá runakunata, Israel runakunata y Jerusalén runakunata maytsaypapis qarquq nacionkunam».
20
Tsaypitanam Tayta Dios rikatsimarqan chuskuq herrërukunata.
21
Tsaymi angelta tapurqä: «¿Imaqtä kay herrërukuna shayämushqa?» Tsaymi nimarqan: «Paykuna shayämushqa tsay waqrakunata ushakätsiyänanpämi. Tsay waqrakunaqa kaykäyan Judá nación runakunata wakpa kaypa mashtaypa mashtar qarquq nación runakunam. Qarquyaptinmi Judá runakunaqa pasaypa penqakuyarqan».
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 2 →
All chapters:
1
2
3
4
5
6
7
8
9
10
11
12
13
14