bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Zechariah 6
Zechariah 6
Quechuan QXO (Biblia en Quechua del sur de Conchucos)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
1
Tsaypitanam yapay rikarqä juk mas revelacionta. Tsaychömi rikarqä ishkay jirka puntan chawpinpita chusku carrëtakuna yarqaykäyämuqta. Tsay jirka puntakunaqa broncipitam karqan.
2
Punta yarqamuq carrëtatam qarachäyarqan puka caballukuna. Tsaypa qepanta yarqamuq carrëtatanam qarachäyarqan yana caballukuna.
3
Tsaypa qepanta yarqamuq carrëtatam qarachäyarqan yuraq caballukuna. Ultimu yarqamuq carrëtatanam qarachäyarqan qarwash caballukuna.
4
Tsaykunata rikarmi parlapaykämaq angelta tapurqä: «Taytay, rikatsimanqayki ¿imaninantä?»
5
Tapuptïmi ángel nimarqan: «Tsaykunaqa kaykäyan kay patsata kamaq Tayta Diospa puntanpita chuskun läduman aywaq vientukunam.
6
Yana caballukunam norti kaq lädupa carrëtata qarachaykäyan. Yuraq caballukunam rupay ullunan kaq lädupa carrëtata qarachaykäyan. Qarwash caballukunam sur kaq lädupa carrëtata qarachaykäyan».
7
Manarä aywarmi tsay caballukunaqa entëru kay patsapa juklla cörriyta munar brincaykachaykäyarqan. Tsay caballukunatam ángel nirqan: «Tumayämuy entëru patsata». Tsaymi paykunaqa entëru patsata tumayämurqan.
8
Tsaypitanam ángel qayaykamar nimarqan: «¡Rikay! Norti kaq lädupa aywaq caballukunam castïgüta tsayman chätsiyashqa. Tsaymi kananqa rabyaynï päsashqana».
9
Tsaypitanam Tayta Dios nimarqan:
10
«Heldai, Tobías y Jedaíasmi Babiloniachö täyanqanpita chäyämushqa. Paykuna apayämunqan qoritawan qellayta mañakuskir tsay junaqlla Sofoníaspa tsurin Josíaspa wayinman ayway.
11
Chaykur apanqayki qellaypita y qoripita corönata ruraskatsir jatitsinki Josadacpa tsurin mandaq sacerdöti Josuéta.
12
«Jatirkatsir ninki: «Llapanta mandaq Tayta Diosmi nin: «Kaychömi kaykan Renuevo ninqan runa. Paymi templüta shäritsinqa.
13
Templüta shäritsiptinmi rey kananpä churayanqa. Trönunman jamaykur mandakuptinmi ñöpanman juk sacerdötipis jamakunqa mandar yanapananpä. Paykunaqa ishkanpis tsay yarpayllam kayanqa.
14
Tsay corönaqa templuchömi churaranqa. Tsayta rikarmi runakuna yarpäyanqa Heldai, Tobías, Jedaías alistapäkuq kayanqanta y Sofoníaspa tsurin Josías corönata ruranqanta».
15
«Tayta Diosnintsikta cäsuyaptikiqa juk nacionpitam templuta aruyiyäshunaykipä runakuna shayämunqa. Ninqänö kaptinmi musyayanki qamkunaman llapanta mandaq Tayta Dios mandamanqanta».
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
All chapters:
1
2
3
4
5
6
7
8
9
10
11
12
13
14